۔ (۱۰۶۵۳)۔ عَنْ أَنَسِ بْنِ مَالِکٍ قَالَ: فَنَزَلَ نَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم جَانِبَ الْحَرَّۃِ، ثُمَّ بَعَثَ إِلَی الْأَنْصَارِ فَجَاؤُوا نَبِیَّ اللّٰہِ ‌صلی ‌اللہ ‌علیہ ‌وآلہ ‌وسلم فَسَلَّمُوا عَلَیْہِمَا وَقَالُوا: ارْکَبَا آمِنَیْنِ مُطْمَئِنَّیْنِ، قَالَ: فَرَکِبَ نَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم وَأَبُو بَکْرٍ وَحَفُّوا حَوْلَہُمَا بِالسِّلَاحِ، قَالَ: فَقِیلَ بِالْمَدِینَۃِ: جَائَ نَبِیُّ اللّٰہِ، فَاسْتَشْرَفُوا نَبِیَّ اللّٰہِ ‌صلی ‌اللہ ‌علیہ ‌وآلہ ‌وسلم یَنْظُرُونَ إِلَیْہِ وَیَقُولُونَ: جَائَ نَبِیُّ اللّٰہِ، فَأَقْبَلَ یَسِیرُ حَتَّی جَائَ إِلَی جَانِبِ دَارِ أَبِی أَیُّوبَ، قَالُوا: فَإِنَّہُ لَیُحَدِّثُ أَہْلَہَا إِذْ سَمِعَ بِہِ عَبْدُ اللّٰہِ بْنُ سَلَامٍ، وَہُوَ فِی نَخْلٍ لِأَہْلِہِ یَخْتَرِفُ لَہُمْ مِنْہُ، فَعَجِلَ أَنْ یَضَعَ الَّذِییَخْتَرِفُ فِیہَا، فَجَائَ وَہِیَ مَعَہُ، فَسَمِعَ مِنْ نَبِیِّ اللّٰہِ ‌صلی ‌اللہ ‌علیہ ‌وآلہ ‌وسلم فَرَجَعَ إِلٰی أَہْلِہِ، فَقَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم ((أَیُّ بُیُوتِ أَہْلِنَا أَقْرَبُ؟)) قَالَ: فَقَالَ أَبُو أَیُّوبَ: أَنَا یَا نَبِیَّ اللّٰہِ! ہٰذِہِ دَارِی وَہٰذَا بَابِی، قَالَ: ((فَانْطَلِقْ فَہَیِّئْ لَنَا مَقِیلًا۔)) قَالَ: فَذَہَبَ فَہَیَّأَ لَہُمَا مَقِیلًا، ثُمَّ جَائَ فَقَالَ: یَا نَبِیَّ اللّٰہِ! قَدْ ہَیَّأْتُ لَکُمَا مَقِیلًا، فَقُومَا عَلٰی بَرَکَۃِ اللّٰہِ فَقِیلَا، فَلَمَّا جَاء َ نَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم جَائَ عَبْدُ اللّٰہِ بْنُ سَلَامٍ فَقَالَ: أَشْہَدُ أَنَّکَ رَسُولُ اللّٰہِ حَقًّا، وَأَنَّکَ جِئْتَ بِحَقٍّ، وَلَقَدْ عَلِمَتِ الْیَہُودُ أَنِّی سَیِّدُہُمْ وَابْنُ سَیِّدِہِمْ وَأَعْلَمُہُمْ وَابْنُ أَعْلَمِہِمْ، فَادْعُہُمْ فَاسْأَلْہُمْ، فَدَخَلُوا عَلَیْہِ فَقَالَ لَہُمْ نَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم ((یَا مَعْشَرَ الْیَہُودِ! وَیْلَکُمْ اتَّقُوا اللّٰہَ، فَوَالَّذِی لَا إِلٰہَ إِلَّا اللّٰہُ، إِنَّکُمْ لَتَعْلَمُونَ أَنِّی رَسُولُ اللّٰہِ حَقًّا وَأَنِّی جِئْتُکُمْ بِحَقٍّ، أَسْلِمُوا۔)) قَالُوا: مَا نَعْلَمُہُ ثَلَاثًا۔ (مسند احمد: ۱۳۲۳۷)

سیدنا انس بن مالک ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم اور ابوبکر ‌رضی ‌اللہ ‌عنہ جب ہجرت کر کے مدینہ منورہ تشریف لائے تو حرہ کی ایک جانب میں تشریف فرما ہوئے اور انصار کو اپنی آمد کی اطلاع بھجوائی۔ وہ لوگ نبی ‌صلی ‌اللہ ‌علیہ ‌وآلہ ‌وسلم کی خدمت میں آئے اور انہوں نے آپ دونوں کو سلام کہا اور عرض کیا آپ امن اور اطمینان کے ساتھ سوار ہو کر شہر میں تشریف لائیں۔ چناں چہ اللہ کے نبی ‌صلی ‌اللہ ‌علیہ ‌وآلہ ‌وسلم اور سیدناابو بکر صدیق ‌رضی ‌اللہ ‌عنہ اپنی اپنی سواری پر سوار ہوئے اور لوگوں نے اسلحہ تان کر آپ کے گرد گھیرا ڈال لیا۔ مدینہ منورہ میں خبر پھیل گئی کہ اللہ کے نبی ‌صلی ‌اللہ ‌علیہ ‌وآلہ ‌وسلم تشریف لے آئے ہیں۔ چناں چہ لوگ آپ ‌صلی ‌اللہ ‌علیہ ‌وآلہ ‌وسلم کی طرف امڈکر آئے، تاکہ آپ کی زیارت کرلیں، اور وہ خوشی سے کہتے جاتے اللہ کے نبی تشریف لائے ہیں۔ آپ چلتے چلتے سیدناابو ایوب انصاری ‌رضی ‌اللہ ‌عنہ کے گھر کے قریب آپہنچے۔ لوگوں نے کہا کہ آپ سیدنا ابو ایوب ‌رضی ‌اللہ ‌عنہ کے اہلِ خانہ سے باتیں کرنے لگیں گے۔ تو عبداللہ بن سلام اپنے اہلِ خانہ کے نخلستان میں اہلِ خانہ کے لیے کھجوریں چن رہے تھے انہوں نے بھی آپ ‌صلی ‌اللہ ‌علیہ ‌وآلہ ‌وسلم کی آمد کی خبر سنی، وہ اس قدر تیزی اور جلدی سے آپ کی خدمت میں آئے کہ وہ کھجوریں اٹھائے ہوئے تھے۔ اور انہوں نے آکر آپ کی گفتگو سنی۔اس کے بعد وہ اپنے گھر تشریف لے گئے۔ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: ہمارے رشتہ داروں کے گھروں میں سے کس کا گھر یہاں سے قریب ترین ہے۔ توسیدنا ابو ایوب ‌رضی ‌اللہ ‌عنہ نے عرض کیا اللہ کے نبی ‌صلی ‌اللہ ‌علیہ ‌وآلہ ‌وسلم ! یہ میرا گھر اور میرا دروازہ ہے آپ ‌صلی ‌اللہ ‌علیہ ‌وآلہ ‌وسلم نے فرمایا: اچھا آپ جا کر ہمارے لئے جگہ بنائیں۔سیدناانس ‌رضی ‌اللہ ‌عنہ کہتے ہیںیہ سن کرسیدنا ابو ایوب ‌رضی ‌اللہ ‌عنہ نے جا کر آپ کے لئے اور سیدنا ابوبکر ‌رضی ‌اللہ ‌عنہ کے لیے جگہ تیار کی۔ اور آ کر عرض کیا اللہ کے نبی ‌صلی ‌اللہ ‌علیہ ‌وآلہ ‌وسلم ! میں آپ دونوں کے لئے جگہ تیار کر آیا ہوں۔ اللہ کے نام کی برکت سے اٹھ کر تشریف لائیں اور آرام فرمائیں۔ جب اللہ کے نبی ‌صلی ‌اللہ ‌علیہ ‌وآلہ ‌وسلم ان کے گھر آئے تو عبداللہ بن سلام ‌رضی ‌اللہ ‌عنہ آگئے۔ اور کہنے لگے میں گواہی دیتا ہوں کہ آپ واقعی اللہ کے رسول ہیں اور دعوتِ حق اور دینِ حق لے کر مبعوث ہوئے ہیں۔ یہودی جانتے ہیں کہ میں ان کا سردار اور ابنِ سراد ہوں، اور میں ان کا سب سے بڑا عالم اور ان کے سب سے بڑے عالم کا بیٹا ہوں۔آپ ان یہودیوں کو بلوائیں۔ اور ان سے میری بابت دریافت فرمائیں۔ یہودی آئے تو اللہ کے نبی ‌صلی ‌اللہ ‌علیہ ‌وآلہ ‌وسلم نے ان سے فرمایا: اے یہودیو! اللہ سے ڈرو اس اللہ کی قسم جس کے سوا کوئی معبود نہیں تم یقینا جانتے ہو کہ میں واقعی اللہ کا رسول ہوں۔ اور میں تمہارے پاس دینِ حق اور دعوتِ حق لے کر آیا ہوں۔ تم اسلام قبول کر لو۔ تو وہ بولے، ہم اس بات کو نہیں جانتے۔