۔ (۱۱۷۱۶)۔ عَنْ عَلِیِّ بْنِ أَبِیْ طَالِبٍ ‌رضی ‌اللہ ‌عنہ ‌ قَالَ: مَا سَمِعْتُ النَّبِیَّ ‌صلی ‌اللہ ‌علیہ ‌وآلہ ‌وسلم یَجْمَعُ أَبَاہٗ وَأُمَّہٗ لِاَحَدٍ غَیْرِ سَعْدِ بْنِ أَبِیْ وَقَّاصٍ، فَاِنِّیْ سَمِعْتُہٗ یَُقْولُ یَوْمَ اُحُدٍ: ((اِرْمِ یَا سَعْدُ! فِدَاکَ أَبِیْ وَأُمِّیْ۔)) (مسند احمد: ۱۰۱۷)

سیدنا علی بن ابی طالب ‌رضی ‌اللہ ‌عنہ سے مروی ہے، وہ کہتے ہیں: میں نے نبی کریم ‌صلی ‌اللہ ‌علیہ ‌وآلہ ‌وسلم کو کبھی نہیں سنا کہ آپ نے کسی کے لیےیوں فرمایا ہو کہ آپ ‌صلی ‌اللہ ‌علیہ ‌وآلہ ‌وسلم کے ماں باب اس پر فدا ہوں، ما سوائے سیدنا سعد بن ابی وقاص ‌رضی ‌اللہ ‌عنہ کے، میں نے خود سنا کہ رسول اللہ ‌صلی ‌اللہ ‌علیہ ‌وآلہ ‌وسلم نے احد والے دن فرمایا: اے سعد! تم دشمن پر تیر برسائو، میرے ماں باپ تم پر فدا ہوں۔

۔ (۱۱۷۱۷)۔ وَعَنْ سَعِیْدِ بْنِ الْمُسَیَّبِ قَالَ: قَالَ سَعْدُ بْنُ مَالِکٍ ‌رضی ‌اللہ ‌عنہ ‌ جَمَعَ لِیْ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم أَبْوَیْہِ یَوْمَ أُحُدٍ۔ (مسند احمد: ۱۴۹۵)

سیدنا سعد بن مالک ‌رضی ‌اللہ ‌عنہ سے مروی ہے، وہ کہتے ہیں: احد کے دن رسول اللہ ‌صلی ‌اللہ ‌علیہ ‌وآلہ ‌وسلم نے میرے حق میںفدائیہ جملہ کہتے ہوئے اپنے والدا ور والدہ دونوں کا ذکر کیا۔

۔ (۱۱۷۱۸)۔ حَدَّثَنَا قَیْسٌ قَالَ: سَمِعْتُ سَعْدَ بْنَ مَالِکٍ یَقُولُ: إِنِّی لَأَوَّلُ الْعَرَبِ رَمٰی بِسَہْمٍ فِی سَبِیلِ اللّٰہِ، وَلَقَدْ أَتَیْنَا نَغْزُو مَعَ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم وَمَا لَنَا طَعَامٌ نَأْکُلُہُ إِلَّا وَرَقَ الْحُبْلَۃِ، وَہٰذَا السَّمُرَ حَتّٰی إِنَّ أَحَدَنَا لَیَضَعُ کَمَا تَضَعُ الشَّاۃُ مَا لَہُ خِلْطٌ، ثُمَّ أَصْبَحَتْ بَنُو أَسَدٍ یُعَزِّرُونِی عَلَی الدِّینِ، لَقَدْ خِبْتُ إِذَنْ وَضَلَّ عَمَلِی۔ (مسند احمد: ۱۶۱۸)

سیدنا سعد بن مالک یعنی سعد بن ابی وقاص ‌رضی ‌اللہ ‌عنہ سے مروی ہے، وہ کہتے ہیں: میں سب سے پہلا عرب ہوں، جس نے اللہ کی راہ میں سب سے پہلے تیر برسانے1 کی سعادت نصیب ہوئی، میں نے صحابہ کو رسول اللہ ‌صلی ‌اللہ ‌علیہ ‌وآلہ ‌وسلم کے ساتھ اس حال میں بھی دیکھا ہے کہ ہمارے پاس کھانے کے لیے خاردار درختوں کے پتوں اور ببول کے درخت کے سوا کچھ نہ تھا، ہم قضائے حاجت کو جاتے تو بکریوں کی طرح مینگنیاں کرتے، فضلہ کے ساتھ کسی قسم کی آلائش نہ ہوتی (یعنی بالکل خشک فضلہ ہوتا ! نبی کریم ‌صلی ‌اللہ ‌علیہ ‌وآلہ ‌وسلم نے ۱ھ میں ایک سریہ روانہ کیا۔ مقصد قریشی تجارتی قافلہ پر حملہ تھا۔ اس میں دونوں طرف سے تیروں کا تبادلہ ہوا۔ سعد اس سریہ میں شامل تھے اور سب سے پہلے انہوں نے تیر چلایا تھا، جس کا وہ اس حدیث میں تذکرہ کر رہے ہیں۔ فتح الباری: ص ۸۲۔ (عبداللہ رفیق) تھا)۔ اب بنو اسد کے لوگوں کا حال یہ ہے کہ وہ دین کے بارے میں مجھ پر طنز کرتے ہیں، اگر ان کا طنز حقیقت پر مبنی ہوتو میں تو خسارے میں رہا اور میرے اعمال برباد ہوگئے۔

۔ (۱۱۷۱۹)۔ (وَعَنْہٗ بِلَفِظٍ آخَرَ) قَالَ: لَقَدْ رَأَیْتُنِیْ مَعَ رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم سَابِعَ سَبْعَۃٍ، وَمَا لَنَا طَعَامٌ اِلَّا وَرَقَ الْحُبْلَۃِ، حَتّٰی أَنَّ أَحَدَنَا لَیَضَعُ کَمَا تَضَعُ الشَّاۃُ مَا یُخَالِطُہٗ شَیْئٌ، ثُمَّ أَصْبَحَتْ بَنُوْ أَسَدٍ یُعَزِّرُوْنِّیْ عَلَی الْاِسْلَامِ، لَقَدْ خَسِرْتُ اِذًا وَضَلَّ سَعْیِیْ۔ (مسند احمد: ۱۴۹۸)

۔ (دوسری روایت) سیدنا سعد ‌رضی ‌اللہ ‌عنہ کہتے ہیں: میں نے خود کو رسول اللہ ‌صلی ‌اللہ ‌علیہ ‌وآلہ ‌وسلم کے ساتھ دیکھا، میں مسلمان ہونے والے گروہ میں ساتواں1 فرد تھا، ہمارے پاس خوراک کے طور پر صرف خاردار درختوں کے پتے تھے ا ور ہم قضائے حاجت کرتے تو بکریوں کی طرح مینگنیاں کرتے تھے اور یہ فضلہ لیس دار نہیں ہوتا تھا،لیکن اب بنو اسد اسلام کے بارے میں مجھ پر طنز کرتے ہیں، اگر ان کی بات درست ہو تو میں تو خسارے میں رہا اور میرے سارے اعمال اکارت گئے۔

۔ (۱۱۷۲۰)۔ وَعَنْ عَبْدِ اللّٰہِ بْنِ عَمْرِو بْنِ الْعَاصِ ‌رضی ‌اللہ ‌عنہ ‌ اَنَّ النَّبِیَّ ‌صلی ‌اللہ ‌علیہ ‌وآلہ ‌وسلم قاَلَ: ((أَوَّلُ مَنْ یَدْخُلُ مِنْ ھٰذَا الْبَابِ رَجُلٌ مِنْ أَھْلِ الْجَنَّۃِ۔)) فَدَخَلَ سَعْدُ بْنُ أَبِیْ وَقَّاصٍ۔ (مسند احمد: ۷۰۶۹)

عبداللہ بن عمرو بن عاص ‌رضی ‌اللہ ‌عنہ سے روایت ہے، نبی کریم ‌صلی ‌اللہ ‌علیہ ‌وآلہ ‌وسلم نے فرمایا: اس دروازے سے سب سے پہلے داخل ہونے والا آدمی اہل جنت میں سے ہے۔ پس سیدنا سعد بن ابی وقاص ‌رضی ‌اللہ ‌عنہ اس دروازے سے داخل ہوئے۔

۔ (۱۱۷۲۱)۔ عَنْ مُصْعَبِ بْنِ سَعْدٍ، قَالَ أُنْزِلَتْ فِی أَبِی أَرْبَعُ آیَاتٍ قَالَ: قَالَ أَبِی أَصَبْتُ سَیْفًا قُلْتُ: یَا رَسُولَ اللّٰہِ! نَفِّلْنِیہِ، قَالَ: ((ضَعْہُ۔)) قُلْتُ: یَا رَسُولَ اللّٰہِ! نَفِّلْنِیہِ، أُجْعَلْ کَمَنْ لَا غَنَائَ لَہُ، قَالَ: ((ضَعْہُ مِنْ حَیْثُ أَخَذْتَہُ۔)) فَنَزَلَتْ: {یَسْأَلُونَکَ الْأَنْفَالَ} قَالَ: وَہِیَ فِی قِرَائَ ۃِ ابْنِ مَسْعُودٍ کَذٰلِکَ {قُلِ الْأَنْفَالُ} وَقَالَتْ أُمِّی: أَلَیْسَ اللّٰہُ یَأْمُرُکَ بِصِلَۃِ الرَّحِمِ وَبِرِّ الْوَالِدَیْنِ، وَاللّٰہِ! لَا آکُلُ طَعَامًا وَلَا أَشْرَبُ شَرَابًا حَتّٰی تَکْفُرَ بِمُحَمَّدٍ، فَکَانَتْ لَا تَأْکُلُ حَتّٰی یَشْجُرُوْا فَمَہَا بِعَصًا فَیَصُبُّوا فِیہِ الشَّرَابَ، قَالَ شُعْبَۃُ: وَأُرَاہُ قَالَ: وَالطَّعَامَ، فَأُنْزِلَتْ: {وَوَصَّیْنَا الْإِنْسَانَ بِوَالِدَیْہِ حَمَلَتْہُ أُمُّہُ وَہْنًا عَلٰی وَہْنٍ} وَقَرَأَ حَتّٰی بَلَغَ {بِمَا کُنْتُمْ تَعْمَلُونَ} وَدَخَلَ عَلَیَّ النَّبِیُّ ‌صلی ‌اللہ ‌علیہ ‌وآلہ ‌وسلم وَأَنَا مَرِیضٌ، قُلْتُ: یَا رَسُولَ اللّٰہِ! أُوصِی بِمَالِی کُلِّہِ فَنَہَانِی، قُلْتُ: النِّصْفُ، قَالَ: ((لَا۔)) قُلْتُ: الثُّلُثُ، فَسَکَتَ فَأَخَذَ النَّاسُ بِہِ وَصَنَعَ رَجُلٌ مِنَ الْأَنْصَارِ طَعَامًا فَأَکَلُوْا وَشَرِبُوا وَانْتَشَوْا مِنَ الْخَمْرِ، وَذَاکَ قَبْلَ أَنْ تُحَرَّمَ، فَاجْتَمَعْنَا عِنْدَہُ فَتَفَاخَرُوْا وَقَالَتِ الْأَنْصَارُ: الْأَنْصَارُ خَیْرٌ، وَقَالَتِ الْمُہَاجِرُونَ: الْمُہَاجِرُونَ خَیْرٌ، فَأَہْوٰی لَہُ رَجُلٌ بِلَحْیَیْ جَزُورٍ فَفَزَرَ أَنْفَہُ، فَکَانَ أَنْفُ سَعْدٍ مَفْزُورًا فَنَزَلَتْ: {یَا أَیُّہَا الَّذِینَ آمَنُوا إِنَّمَا الْخَمْرُ وَالْمَیْسِرُ} إِلٰی قَوْلِہِ {فَہَلْ أَنْتُمْ مُنْتَہُونَ} [المائدۃ: ۹۰۔۹۱]۔ (مسند احمد: ۱۵۶۷)

سیدنا مصعب بن سعد ‌رضی ‌اللہ ‌عنہ سے مروی ہے، وہ کہتے ہیں: میرے باپ (سیدنا سعد بن ابی وقاص ‌رضی ‌اللہ ‌عنہ ) کے بارے میں چار آیات نازل ہوئی ہیں،میرے والد نے کہا: (غزوہ بدر کے ! اس سے معلوم ہوتا ہے کہ سعد بن ابی وقاص بالکل ابتدائی مسلمان ہونے والوں میں سے ہیں۔ (بخاری: ۳۷۲۷) کی ایک روایت کے مطابق انہوں نے اپنے آپ کو ثلث الاسلام بھی قرار دیا ہے۔ دوران) مجھے ایک تلوار ملی، میں نے عرض کیا: اے اللہ کے رسول! آپ یہ تلوار مجھے زائد حصہ کے طور پر دے دیں، آپ ‌صلی ‌اللہ ‌علیہ ‌وآلہ ‌وسلم نے فرمایا: اسے رکھ دو۔ میں نے عرض کیا :اللہ کے رسول! آپ یہ تلوار تو مجھے میرے حصہ سے زائد کے طور پر عنایت فرما دیں، بس آپ مجھے یوں سمجھیں کہ میرا اس کے بغیر گزارہ نہیں ہو سکتا، آپ ‌صلی ‌اللہ ‌علیہ ‌وآلہ ‌وسلم نے فرمایا: تم نے یہ جہاں سے اٹھائی ہے، وہیں رکھ دو۔ اس موقع پر آیت نازل ہوئی: {یَسْأَلُونَکَ الْأَنْفَالَ قُلِ الْأَنْفَالُ} یہ قراء ت سیدنا ابن مسعود ‌رضی ‌اللہ ‌عنہ کی ہے، (جبکہ قرآن کریم کی متواتر قرأت میں یَسْأَلُوْنَکَ عَنِ الْأَنْفَالِ ہے)۔ سیدنا سعد ‌رضی ‌اللہ ‌عنہ نے کہا: میری والدہ نے کہا: کیا اللہ آپ کو صلہ رحمی اور والدین کے ساتھ حسن سلوک کا حکم نہیں دیتا؟ اللہ کی قسم! میں اس وقت تک نہ کچھ کھائوں گی اور نہ پیوں گی جب تک تم محمد( ‌صلی ‌اللہ ‌علیہ ‌وآلہ ‌وسلم ) کے ساتھ کفر نہیں کرو گے، پس وہ کچھ نہیں کھاتی تھی،یہاں تک کہ گھر والے لکڑی کے ذریعے اس کے منہ کو کھول کر رکھتے اور وہ اس میں پینے کی کوئی چیز ڈالتے تھے۔ شعبہ کہتے ہیں: میرا خیال ہے کہ میر ے شیخ سماک بن حرب نے کھانے کا بھی ذکر کیا تھا، اس موقع پر یہ آیت نازل ہوئی: {وَوَصَّیْنَا الْاِنْسَانَ بِوَالِدَیْہِ حَمَلَتْہُ اُمُّہ وَہْنًا عَلٰی وَہْنٍ وَّفِصٰلُہ فِیْ عَامَیْنِ اَنِ اشْکُرْ لِیْ وَلِوَالِدَیْکَ اِلَیَّ الْمَصِیْرُ۔ وَاِنْ جَاہَدٰکَ عَلٰٓی اَنْ تُشْرِکَ بِیْ مَا لَیْسَ لَکَ بِہٖعِلْمٌفَلَاتُطِعْہُمَاوَصَاحِبْہُمَافِی الدُّنْیَا مَعْرُوْفًا ْ وَّاتَّبِعْ سَبِیْلَ مَنْ اَنَابَ اِلَیَّ ثُمَّ اِلَیَّ مَرْجِعُکُمْ فَاُنَبِّئُکُمْ بِمَا کُنْتُمْ تَعْمَلُوْنَ۔} … اور حقیقتیہ ہے کہ ہم نے انسان کو اپنے والدین کا حق پہچاننے کی خود تاکید کی ہے۔ اس کی ماں ضعف پر ضعف اٹھا کر اپنے پیٹ میں رکھا اور دو سال اس کا دودھ چھوٹنے میں لگے۔ (اسی لیے ہم نے اس کو نصیحت کی کہ) میرا شکر کر اور اپنے والدین کا شکر بجا لا، میری ہی طرف تجھے پلٹنا ہے۔لیکن وہ اگر دباؤ ڈالیں کہ میرے ساتھ تو کسی ایسے کو شریک کرے جسے تو نہیں جانتا تو ان کی بات ہرگز نہ مان۔ دنیا میں ان کے ساتھ نیک برتاؤ کرتا رہ مگر پیروی اس شخص کے راستے کی کر جس نے میری طرف رجوع کیا ہے۔ پھر تم سب کو پلٹنا میری ہی طرف ہے،اس وقت میں تمہیں بتا دوں گا کہ تم کیسے عمل کرتے رہے تھے۔ (سورۂ لقمان: ۱۴،۱۵) سیدنا سعد ‌رضی ‌اللہ ‌عنہ کہتے ہیں: میں بیمار تھا، نبی کریم ‌صلی ‌اللہ ‌علیہ ‌وآلہ ‌وسلم میرے ہاں تشریف لائے۔ میں نے عرض کیا: اے اللہ کے رسول! کیا میں اپنے سارے مال کی (اللہ کی راہ میں صدقہ کرنے کی ) وصیت کر سکتا ہوں؟ آپ نے فرمایا: نہیں۔ میں نے کہا: آدھے مال کی؟ آپ ‌صلی ‌اللہ ‌علیہ ‌وآلہ ‌وسلم نے فرمایا: نہیں۔ میں نے پوچھا: ایک تہائی کی۔ آپ یہ بات سن کر خاموش ہو گئے اور لوگوں نے اسی پر عمل شروع کر دیا، ایک انصاری نے کھانے کی دعو ت کی، لوگوں نے وہاں کھانا کھایا اور شراب پی کر نشے میں مست ہوگئے، یہ حرمت ِ شراب سے پہلے کی بات ہے، ہم اس کے ہاں جمع ہوئے، لوگ ایک دوسرے پر تفاخر کا اظہار کرنے لگے، انصار نے کہا کہ ہم افضل ہیں اور مہاجرین کہنے لگے کہ ہم افضل ہیں، ایک آدمی نے اونٹ کا جبڑا اٹھا کر سیدنا سعد ‌رضی ‌اللہ ‌عنہ کو دے مارااور ان کی ناک کو چیر ڈالا، سیدنا سعد ‌رضی ‌اللہ ‌عنہ کی ناک چیری ہوئی تھی۔ اس موقع پر یہ آیات نازل ہوئیں: {یَا أَیُّہَا الَّذِینَ آمَنُوْا إِنَّمَا الْخَمْرُ وَالْمَیْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّیْطَانِ فَاجْتَنِبُوْہُ لَعَلَّکُمْ تُفْلِحُونَ۔ اِنَّمَا یُرِیْدُ الشَّیْطَانُ اَنْ یُّوْقِعَ بَیْنَکُمُ الْعَدَاوَۃَ وَالْبَغْضَائَ فِیْ الْخَمْرِ وَالْمَیْسِرِ وَیَصُدَّکُمْ عَنْ ذِکْرِ اللّٰہِ وَعَنِ الصَّلٰوۃِ فَھَلْ اَنْتُمْ مُّنْتَھُوْنَ}… اے لوگو جو ایمان لائے ہو! بات یہی ہے کہ شراب اور جوا اور شرک کے لیے نصب کردہ چیزیں اور فال کے تیر سراسر گند ہیں، شیطان کے کام سے ہیں، سو اس سے بچو، تاکہ تم فلاح پاؤ،شراب اور جوئے کے ذریعے شیطان تمہارے درمیان عداوت اور بعض ڈالنا اور تمہیں اللہ کییاد اور نماز سے غافل کرنا چاہتا ہے۔ تو کیا تم ان دونوں کاموں سے باز نہیں آئو گے؟ (سورۂ مائدہ: ۹۰، ۹۱)

۔ (۱۱۷۲۲)۔ عَنْ عَبْدِ اللّٰہِ بْنِ عَامِرِ بْنِ رَبِیعَۃَ یُحَدِّثُ: أَنَّ عَائِشَۃَ کَانَتْ تُحَدِّثُ: أَنَّ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم سَہِرَ ذَاتَ لَیْلَۃٍ وَہِیَ إِلٰی جَنْبِہِ، قَالَتْ: فَقُلْتُ: مَا شَأْنُکَ یَا رَسُولَ اللّٰہِ؟ قَالَتْ: فَقَالَ: ((لَیْتَ رَجُلًا صَالِحًا مِنْ أَصْحَابِی یَحْرُسُنِی اللَّیْلَۃَ۔)) قَالَ: ((فَبَیْنَا أَنَا عَلٰی ذٰلِکَ إِذْ سَمِعْتُ صَوْتَ السِّلَاحِ۔)) فَقَالَ: ((مَنْ ہٰذَا؟)) قَالَ: أَنَا سَعْدُ بْنُ مَالِکٍ، فَقَالَ: ((مَا جَائَ بِکَ۔)) قَالَ: جِئْتُ لِأَحْرُسَکَ یَا رَسُولَ اللّٰہِ!، قَالَتْ: فَسَمِعْتُ غَطِیطَ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم فِی نَوْمِہِ۔ (مسند احمد: ۲۵۶۰۶)

عبداللہ بن عامر بن ربیعہ سے روایت ہے کہ ام المومنین سیدہ عائشہ صدیقہ ‌رضی ‌اللہ ‌عنہا بیان کیا کرتی تھیں کہ ایک رات رسول اللہ ‌صلی ‌اللہ ‌علیہ ‌وآلہ ‌وسلم کو نیند نہیں آرہی تھی، وہ آپ ‌صلی ‌اللہ ‌علیہ ‌وآلہ ‌وسلم کے پہلو میں تھیں، انہوںنے رسول اللہ ‌صلی ‌اللہ ‌علیہ ‌وآلہ ‌وسلم سے دریافت کیا: اے اللہ کے رسول! کیا بات ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: کاش میرے صحابہ میں سے کوئی نیک آدمی آج رات میرا پہرہ دیتا۔ میں ابھی انہی خیالات میں ہی تھی کہ میں نے اسلحہ کی آوازیں سنیں۔ آپ ‌صلی ‌اللہ ‌علیہ ‌وآلہ ‌وسلم نے دریافت فرمایا: یہ کون ہے؟ آنے والے نے کہا: اے ا للہ کے رسول! میں سعد بن مالک ہوں، آپ کا پہرہ دینے کی سعادت حاصل کرنے آیا ہوں۔ (اس کے بعد رسول اللہ ‌صلی ‌اللہ ‌علیہ ‌وآلہ ‌وسلم اس قدر سکون سے ہوئے کہ) سیدہ ‌رضی ‌اللہ ‌عنہ کہتی ہیں: اس کے بعد میں نے رسول اللہ ‌صلی ‌اللہ ‌علیہ ‌وآلہ ‌وسلم کو سوتے ہوئے خراٹے لیتے سنا۔

۔ (۱۱۷۲۳)۔ عَنْ عَبَایَۃَ بْنِ رِفَاعَۃَ، قَالَ: بَلَغَ عُمَرَ رَضِیَ اللّٰہُ عَنْہُ أَنَّ سَعْدًا لَمَّا بَنَی الْقَصْرَ قَالَ: انْقَطَعَ الصُّوَیْتُ، فَبَعَثَ إِلَیْہِ مُحَمَّدَ بْنَ مَسْلَمَۃَ فَلَمَّا قَدِمَ أَخْرَجَ زَنْدَہُ وَأَوْرٰی نَارَہُ وَابْتَاعَ حَطَبًا بِدِرْہَمٍ، وَقِیلَ لِسَعْدٍ: إِنَّ رَجُلًا فَعَلَ کَذَا وَکَذَا، فَقَالَ: ذَاکَ مُحَمَّدُ بْنُ مَسْلَمَۃَ، فَخَرَجَ إِلَیْہِ فَحَلَفَ بِاللّٰہِ مَا قَالَہُ، فَقَالَ: نُؤَدِّیْ عَنْکَ الَّذِی تَقُولُہُ، وَنَفْعَلُ مَا أُمِرْنَا بِہِ، فَأَحْرَقَ الْبَابَ ثُمَّ أَقْبَلَ یَعْرِضُ عَلَیْہِ أَنْ یُزَوِّدَہُ فَأَبٰی، فَخَرَجَ فَقَدِمَ عَلٰی عُمَرَ رَضِیَ اللّٰہُ عَنْہُ فَہَجَّرَ إِلَیْہِ فَسَارَ ذَہَابَہُ وَرُجُوعَہُ تِسْعَ عَشْرَۃَ، فَقَالَ: لَوْلَا حُسْنُ الظَّنِّ بِکَ لَرَأَیْنَا أَنَّکَ لَمْ تُؤَدِّ عَنَّا، قَالَ: بَلٰی أَرْسَلَ یَقْرَأُ السَّلَامَ وَیَعْتَذِرُ وَیَحْلِفُ بِاللّٰہِ مَا قَالَہُ، قَالَ: فَہَلْ زَوَّدَکَ شَیْئًا؟ قَالَ: لَا، قَالَ: فَمَا مَنَعَکَ أَنْ تُزَوِّدَنِی أَنْتَ، قَالَ: إِنِّی کَرِہْتُ: أَنْ آمُرَ لَکَ، فَیَکُونَ لَکَ الْبَارِدُ وَیَکُونَ لِی الْحَارُّ، وَحَوْلِی أَہْلُ الْمَدِینَۃِ قَدْ قَتَلَہُمْ الْجُوعُ، وَقَدْ سَمِعْتُ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم یَقُولُ: ((لَا یَشْبَعُ الرَّجُلُ دُونَ جَارِہِ۔)) (مسند احمد: ۳۹۰)

عبایہ بن رفاعہ سے مروی ہے کہ سیدنا عمر ‌رضی ‌اللہ ‌عنہ کواطلاع پہنچی کہ سیدنا سعد ‌رضی ‌اللہ ‌عنہ نے جب محل تعمیر کیا تو کہا: اب لوگوں کی آوازیں (شور آنا) بند ہوگئی ہیں۔ تو سیدنا عمر ‌رضی ‌اللہ ‌عنہ نے سیدنا محمد بن مسلمہ ‌رضی ‌اللہ ‌عنہ کو ادھر بھیجا، وہ آئے تو انہوںنے آتے ہی تیاری کی، ایک درہم کی لکڑی خریدی اور اس دروازے کو آگ لگا دی۔ سیدنا سعد ‌رضی ‌اللہ ‌عنہ کو بتلایا گیا کہ ایک آدمی نے یہ کام کیا ہے، انھوں نے کہا: جی ہاں، وہ محمد بن مسلمہ بن ‌رضی ‌اللہ ‌عنہ ہیں۔ سیدنا سعد ‌رضی ‌اللہ ‌عنہ ان کی خدمت میں گئے اور جا کر کہا:اللہ کی قسم! میں نے ایسا کوئی لفظ نہیں کہا۔ محمد بن مسلمہ نے کہا: آپ جو کچھ کہہ رہے ہیں، ہم آپ کی اس بات کو امیر المومنین تک پہنچا دیں گے اور ہمیں جو حکم ہوا ہے، ہم اس کی تعمیل کریں گے، چنانچہ انہوں نے دروازے کو آگ لگا دی۔ پھر سیدنا سعد ‌رضی ‌اللہ ‌عنہ نے محمد بن مسلمہ کو مال کی پیش کش کی تو انہوںنے کچھ لینے سے انکار کر دیا۔ وہاں سے روانہ ہو کر محمد بن مسلمہ سیدنا عمر ‌رضی ‌اللہ ‌عنہ کی خدمت میں آئے، وہ بہت جلد واپس آئے تھے، ان کے جانے اور واپسی میں صرف انیس دن لگے تھے۔ سیدنا عمر ‌رضی ‌اللہ ‌عنہ نے کہا: اگر مجھے آپ کے بارے میں حسن ظن نہ ہوتا تو ہم سمجھتے کہ آپ نے ہماری طرف سے مفوضہ ذمہ داری کو پورے طور پر سر انجام نہیں دیا۔محمد بن مسلمہ نے کہا: کیوں نہیں، میں اپنی ذمہ داری کو بجا طور پر کیوں نہ ادا کرتا۔ انھوں نے کہا: سیدنا سعد ‌رضی ‌اللہ ‌عنہ آ پ کو سلام کہتے ہیں اور معذرت کرتے ہوئے کہتے ہیں کہ میں نے تو ایسی کوئی بات نہیں کہی۔ سیدنا عمر ‌رضی ‌اللہ ‌عنہ نے دریافت کیا: آیا انہوںنے آپ کو زادِ راہ دیا ہے یا نہیں دیا؟ محمد بن مسلمہ نے کہا: جی نہیں دیا۔ آپ نے خود مجھے زاد راہ کیوں نہ دیا؟ سیدنا عمر ‌رضی ‌اللہ ‌عنہ نے کہا: میں نے تمہارے لیے زادراہ دیئے جانے کا حکم اس لیے نہیں دیا تھا کہ میں نہیں چاہتا تھا کہ تم تو فائدہ اٹھائو اور اہل مدینہ کی حاجت کی وجہ سے ذمہ داری مجھ پر رہے، میرے ارد گرد یہ اہل مدینہ موجود ہیں، جنہیں بھوک کی شدت نے قتل کر رکھا ہے۔ میں اللہ کے رسول ‌صلی ‌اللہ ‌علیہ ‌وآلہ ‌وسلم سے یہ حدیث سن چکا ہوں کہ کوئی آدمی اکیلا سیر ہو کر نہ کھائے کہ اس کا ہم سایہ بھوکا ہو۔