۔ (۴۳۵۶) عَنْ مُجَاھِدٍ عَنِ ابْنِ عَبَّاسٍ ‌رضی ‌اللہ ‌عنہما أَنَّہُ طَافَ مَعَ مُعَاوِیَۃَ ‌رضی ‌اللہ ‌عنہ ‌ بِالْبَیْتِ، فَجَعَلَ مُعَاوِیَۃُیَسْتَلِمُ الْأَرْکَانَ کُلَّہَا، فَقَالَ لَہُ ابْنُ عَبَّاسٍ: لِمَ تَسْتَلِمُ ھٰذَیْنِ الرُّکْنَیْنِ، وَلَمْ یَکُنْ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم یَسْتَلِمُہُمَا؟ فَقَالَ مُعَاوِیَۃُ: لَیْسَ شَیْئٌ مِنَ الْبَیْتِ مَہْجُوْرًا، فَقَالَ ابْنُ عَبَّاسٍ: {لَقَدْ کَانَ لَکُمْ فِی رَسُوْلِ اللّٰہِ أُسْوَۃٌ حَسَنَۃٌ۔} فَقَالَ مُعَاوِیَۃُ: صَدَقْتَ۔ (مسند احمد: ۱۸۷۷)

۔ سیدنا عبد اللہ بن عباس ‌رضی ‌اللہ ‌عنہما سے مروی ہے کہ انھوں نے سیدنا معاویہ ‌رضی ‌اللہ ‌عنہ کے ساتھ بیت اللہ کا طواف کیا، ہوا یوں کہ سیدنا معاویہ ‌رضی ‌اللہ ‌عنہ نے بیت اللہ کے تمام کونوں کا استلام کیا،یہ دیکھ کر سیدنا ابن عباس ‌رضی ‌اللہ ‌عنہما نے ان سے کہا: آپ بیت اللہ کے تمام کونوں کا استلام کیوں کرتے ہیں، جبکہ اللہ کے رسول نے تو ان سب کا استلام نہیں کیا؟ سیدنا معاویہ ‌رضی ‌اللہ ‌عنہ نے کہا: بیت اللہ کے کسی حصے کو بھی نہیں چھوڑا جا سکتا، سیدنا ابن عباس ‌رضی ‌اللہ ‌عنہ نے کہا: {لَقَدْ کَانَ لَکُمْ فِی رَسُوْلِ اللّٰہِ أُسْوَۃٌ حَسَنَۃٌ} (البتہ تحقیق تمہارے لیے رسول اللہ ‌صلی ‌اللہ ‌علیہ ‌وآلہ ‌وسلم میں بہترین نمونہ ہے)۔ یہ سن کر سیدنا معاویہ ‌رضی ‌اللہ ‌عنہ نے کہا: آپ نے سچ کہا ہے۔

۔ (۴۳۵۷) حَدَّثَنَا عَبْدُاللّٰہِ حَدَّثَنِی أَبِی ثَنَا مُحَمَّدُ بْنُ جَعْفَرٍ حَدَّثَنَا شُعْبَۃُ وَحَجَّاجٌ قَالَ: حَدَّثَنِی شُعْبَۃُ قَالَ: سَمِعْتُ قَتَادَۃَیُحَدِّثُ عَنْ أَبِی الطُّفَیْلِ قَالَ حَجَّاجٌ فِیْ حَدِیْثِہِ: قَالَ: سَمِعْتُ أَبَا الطُّفَیْلِ، قَالَ: قَدِمَ مُعَاوِیَۃُ وَابْنُ عَبَّاسٍ فَطَافَ ابْنُ عَبَّاسٍ فَاسْتَلَمَ الْأَرْکَانَ کُلَّہَا، فَقَالَ لَہُ مُعَاوِیَۃُ: إِنَّمَا اسْتَلَمَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم الرُّکْنَیْنِ الْیَمَانِیَّیْنِ، قَالَ ابْنُ عَبَّاسٍ: لَیْسَ مِنْ أَرْکَانِہِ شَیْئٌ مَہْجُوْرٌ، قَالَ حَجَّاجٌ: قَالَ شُعْبَۃُ: اَلنَّاسُ یَخْتَلِفُوْنَ فِی ھٰذَا الْحَدِیْثِ،یَقُوْلُوْنَ: مُعَاوِیَۃُ ھُوَ الَّذِیْ قَالَ: لَیْسَ مِنَ الْبَیْتِ شَیْئٌ مَہْجُوْرٌ وَلٰکِنَّہُ حَفِظَہُ مِنْ قَتَادَۃَ ھٰکَذَا۔ (مسند احمد: ۱۶۹۸۳)

۔ ابوطفیل کہتے ہیں: سیدنا معاویہ ‌رضی ‌اللہ ‌عنہ اور سیدنا عبد اللہ بن عباس ‌رضی ‌اللہ ‌عنہما دونوں مکہ مکرمہ آئے، سیدنا ا بن عباس ‌رضی ‌اللہ ‌عنہ نے طواف کیا اور انہوں نے بیت اللہ کے تمام کونوں کا استلام کیا، سیدنا معاویہ ‌رضی ‌اللہ ‌عنہ نے ان سے کہا: رسول اللہ ‌صلی ‌اللہ ‌علیہ ‌وآلہ ‌وسلم نے صرف یمنی کونوں کا استلام کیا ہے، لیکن سیدنا ابن عباس ‌رضی ‌اللہ ‌عنہما نے کہا: بیت اللہ کا کوئی بھی حصہ چھوڑا ہوا نہیں ہے۔ امام شعبہ کہتے ہیں: راویوں نے اس حدیث کو مختلف اندازوں میں بیان کیا ہے،وہ کہتے ہیں کہ سیدنا معاویہ ‌رضی ‌اللہ ‌عنہ نے یہ بات کہی تھی کہ بیت اللہ کا کوئی حصہ بھی چھوڑا نہیں جا سکتا، لیکن انھوں نے قتادہ سے یہ حدیث اسی طرح ہی بیان کی ہے۔