۔ (۵۳۰۴)۔ عَنْ ثَابِتِ بْنِ الضَّحَّاکِ ‌رضی ‌اللہ ‌عنہ ‌ أَنَّ النَّبِیَّ ‌صلی ‌اللہ ‌علیہ ‌وآلہ ‌وسلم قَالَ: ((وَمَنْ حَلَفَ بِمِلَّۃٍ سِوَی الْإِسْلَامِ کَاذِبًا فَہُوَ کَمَا قَالَ۔)) (مسند أحمد: ۱۶۴۹۸)

۔ سیدنا ثابت بن ضحاک ‌رضی ‌اللہ ‌عنہ سے مروی ہے کہ نبی کریم ‌صلی ‌اللہ ‌علیہ ‌وآلہ ‌وسلم نے فرمایا: اور جس نے اسلام کے علاوہ کسی اور مذہب پر قسم اٹھائی، جبکہ وہ جھوٹا تھا، تو وہ اسی طرح ہو جائے گا، جیسے اس نے کہا۔

۔ (۵۳۰۵)۔ عن ابْن بُرَیْدَۃَ، عَنْ أَبِیہِ ‌رضی ‌اللہ ‌عنہ ‌ ، قَالَ: قَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم : ((مَنْ حَلَفَ أَنَّہُ بَرِیئٌ مِنَ الْإِسْلَامِ، فَإِنْ کَانَ کَاذِبًا فَہُوَ کَمَا قَالَ، وَإِنْ کَانَ صَادِقًا فَلَنْ یَرْجِعَ إِلَی الْإِسْلَامِ سَالِمًا)) (مسند أحمد: ۲۳۳۹۴)

۔ سیدنا بریدہ ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: جس نے یوں قسم اٹھائی کہ وہ اسلام سے بری ہو جائے گا، اب اگر وہ جھوٹا ہوا تو اسی طرح ہو جائے گا، جیسے اس نے کہا اور اگر وہ سچا ہوا تو وہ اسلام کی طرف سالم واپس نہیں آئے گا۔