۔ (۹۲۶۰)۔ عَنْ اَبِی ھُرَیْرَۃَ ‌رضی ‌اللہ ‌عنہ ‌، یَبْلُغُ بِہٖالنَّبِیَّ ‌صلی ‌اللہ ‌علیہ ‌وآلہ ‌وسلم ((لَا یَنْظُرْ اِلَی مَنْ فَوْقَہُ فِی الْخَلْقِ اَوِ الْخُلُقِ اَوِ الْمَالِ، وَلٰکِنْ یَنْظُرُ اِلٰی مَنْ ھُوَ دُوْنَہُ۔)) (مسند احمد: ۷۳۱۷)

۔ سیدنا ابو ہریرہ ‌رضی ‌اللہ ‌عنہ بیان کرتے ہیں کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: آدمی اس شخص کی طرف نہ دیکھے جو تخلیق میںیا اخلاق میںیا مال میں اس سے بلند رتبہ ہو، بلکہ اس کو دیکھے جو اس سے کم تر ہو۔

۔ (۹۲۶۱)۔ (وَعَنْہُ مِنْ طَرِیْقٍ ثَانٍ) قَالَ: قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم : ((اُنْظُرُوْا اِلَی مَنْ اَسَفَلَ مِنْکُمْ، وَ لَا تَنْظُرُوْا اِلَی مَنْ ھُوَ فَوْقَکُمْ، فَاِنَّہُ اَجْدَرُ اَنْ لَّا تَزْدَرُوْا نِعْمَۃَ اللّٰہِ۔)) قَالَ اَبُوْ مُعَاوِیَۃُ: عَلَیْکُمْ۔ (مسند احمد: ۷۴۴۲)

۔ (دوسری سند) رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: اس کی طرف دیکھو جو تم سے کم تر ہے اور اس کی طرف نہ دیکھو جو تمہاری بہ نسبت بلند رتبہ ہے، اس سے زیادہ لائق ہو گا کہ تم اللہ تعالیٰ کی اس نعمت کو حقیر نہ سمجھو، جو تم پر ہے۔

۔ (۹۲۶۲)۔ عَنْ نَافِعٍ، قَالَ: کُنْتُ اَتَّجِرُ اِلَی الشَّامِ اَوْ اِلٰی مِصْرَ قَالَ: فَتَجَھَّزْتُ اِلَی الْعِرَاقِ، فَدَخَلْتُ عَلٰی عاَئِشَۃَ اُمِّ الْمُؤْمِنِیْنَ ‌رضی ‌اللہ ‌عنہا ، فَقُلْتُ: یَا اُمَّ الْمُؤْمِنِیْنَ، اِنِّی قَدْ تَجَھَّزْتُ اِلَی الْعِرَاقِ، فَقَالَتْ: مَالَکَ وَلِمَتْجَرِکَ، اِنِّی سَمِعْتُ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم یَقُوْلُ: ((اِذَا کَانَ لِاَحِدِکُمْ رِزْقٌ فِی شَیْئٍ فَـلَا یَدَعْہُ حَتّٰییَتَغَیَّرَلَہُ، اَوْ یَتَنَکَّرَ لَہُ۔)) فَاَتَیْتُ الْعِرَاقَ ثُمَّ دَخَلْتُ عَلَیْھَا، فَقُلْتُ: یاَ اُمَّ الْمُؤْمِنِیْنَ وَاللّٰہِ ! مَا رَدَدْتُّ رَاْسَ مَالٍ فَاَعَادَتْ عَلَیْہِ الْحَدِیْثَ، اَوْ قَالَتِ: الْحَدِیْثُ کَمَا حَدَّثْتُکَ۔ (مسند احمد: ۲۶۶۲۰)

۔ امام نافع کہتے ہیں: میں تجارت کے لیے شام یا مصر میں جاتا تھا، ایک دفعہ میں عراق کے لیے تیار ہوا اور ام المؤمنین سیدہ عائشہ ‌رضی ‌اللہ ‌عنہا کے پاس گیا اور کہا: اے ام المؤمنین! اس دفعہ میں عراق کے لیے تیار ہوا ہوں، انھوں نے کہا: تیری پہلی تجارت کو کیا ہوا ہے، میں نے رسول اللہ ‌صلی ‌اللہ ‌علیہ ‌وآلہ ‌وسلم کو یہ فرماتے ہوئے سنا کہ جب ایک چیز کسی کے رزق کا سبب بنا ہوا ہو تو وہ اس کو نہ چھوڑے، یہاں تک کہ وہ چیز خود تبدیل ہو جائے۔ بہرحال میں عراق چلا گیا اور واپس آ کر سیدہ عائشہ ‌رضی ‌اللہ ‌عنہا کے پاس گیا اور کہا: اے ام المؤمنین! اللہ کی قسم! (نفع تو کجا) میں تو اصل مال بھی واپس لے کر نہ آ سکا، سیدہ نے اس کو دوبارہ وہی حدیث بیان کی،یا کہا: حدیث تو وہی ہے، جو میں نے تجھے بیان کر دی تھی۔

۔ (۹۲۶۳)۔ عَنْ فَضَالَۃَ بْنِ عُبَیْدٍ ‌رضی ‌اللہ ‌عنہ ‌، اَنَّہُ سَمِعَ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم یَقُوْلُ: ((طُوْبٰی لِمَنْ ھُدِیَ اِلَی الْاِسْلَامِ، وَکاَنَ عَیْشُہُ کَفَافًا وَقَنَعَ۔)) (مسند احمد: ۲۴۴۴۲)

۔ سیدنا فضالہ بن عبید ‌رضی ‌اللہ ‌عنہ بیان کرتے ہیں کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: اس آدمی کے لیے خوشخبری ہے، جس کو اسلام کی طرف ہدایت دی گئی اور اس کی زندگی بقدر ضرورت روزی پر مشتمل ہو اور وہ قناعت کرے۔

۔ (۹۲۶۴)۔ عَنْ اَبِی سَعِیْدِ نِ الْخُدْرِیِّ ‌رضی ‌اللہ ‌عنہ ‌، اَنَّ رَجُلًا مِنَ الْاَنْصَارِ کَانَتْ لَہُ حَاجَۃٌ، فَقَالَ لَہُ اَھْلُہُ: اِئْتِ النَّبِیَّ ‌صلی ‌اللہ ‌علیہ ‌وآلہ ‌وسلم فَاسْاَلْہُ، فَاَتَاہُ وَھُوَ یَخْطُبُ وَھُوَ یَقُوْلُ: ((مَنِ اسْتَعَفَّ اَعَفَّہُ اللّٰہُ، وَمَنِ اسْتَغْنیٰ اَغْنَاہُ اللّٰہُ، وَمَنْ سَأَلَنَا فَوَجَدْنَا لَہُ اَعْطَیْنَاہُ۔)) قَالَ: فَذَھَبَ وَلَمْ یَسْاَلْ۔ (مسند احمد: ۱۱۰۰۲)

۔ سیدنا ابو سعید خدری ‌رضی ‌اللہ ‌عنہ بیان کرتے ہیں کہ ایک انصاری آدمی کی کوئی ضرورت تھی، اس کے اہل خانہ نے اس سے کہا: تم نبی کریم ‌صلی ‌اللہ ‌علیہ ‌وآلہ ‌وسلم کے پاس جاؤ اور آپ ‌صلی ‌اللہ ‌علیہ ‌وآلہ ‌وسلم سے سوال کرو، پس وہ آپ ‌صلی ‌اللہ ‌علیہ ‌وآلہ ‌وسلم کے پاس گیا اور آپ ‌صلی ‌اللہ ‌علیہ ‌وآلہ ‌وسلم خطاب کر رہے تھے اوریہ فرما رہے تھے: جس نے پاکدامنی اختیار کی، اللہ تعالیٰ اسے پاکدامن کر دے گا اور جس نے (لوگوں سے) بے نیاز ہونا چاہا، اللہ اسے بے نیاز کر دے گا اور جس نے ہم سے سوال کیا اور ہمارے پاس کچھ ہوا تو ہم اس کو دے دیں گے۔ یہ حدیث سن کر وہ آدمی چلا گیا اور کوئی سوال نہ کیا۔