شرمگاہ کو چھونے سے وضو کا نہ ٹوٹنا، اس رائے کا بیان - شرمگاہ کو چھونے سے وضو کا نہ ٹوٹنا، اس رائے کا بیان - نیند کی وجہ سے وضو کا بیان - Musnad Ahmad with Urdu and English Translation

(۷۸۷) تخریج: حدیث حسن۔ أخرجہ ابوداود: ۱۸۲، والترمذی: ۸۵،والنسائی: ۱/ ۱۰۳، وابن ماجہ: ۴۸۳ (انظر: ۱۶۲۸۶)

(۷۸۸) تخریج: انظر الحدیث بالطریق الاول

(۷۸۹) تخریج: انظر الحدیث بالطریق الاول

فوائد:… یہ حدیث سیدنا طلق کے حوالے سے مشہور ہے، جس میں یہ کہا گیا ہے کہ شرمگاہ کو چھونے سے وضو متاثر نہیں ہوتا۔ مذکورہ بالا تین احادیث کے مضمون میں بظاہر تعارض نظر آ رہا ہے اور وہ اس طرح کہ بعض احادیث میں شرمگاہ کو ہاتھ لگنے سے وضو کے ٹوٹ جانے کا ذکر ہے، جبکہ بعض کا تقاضا یہ ہے کہ اس سے وضو نہیں ٹوٹتا ہے،ان روایات کی بنیاد پر سلف و خلف میں اختلاف واقع ہوا ہے کہ آیا شرمگاہ کو چھونا ناقض وضو ہے یا نہیں۔ راجح یہی معلوم ہوتا ہے کہ وضو ٹوٹ جاتا ہے، بشرطیکہ چھونے کی صورت یہ ہو کہ ہاتھ اور شرمگاہ میں کوئی پردہ حائل نہ ہو، جیسا کہ سیدنا بسرہ اور سیدنا ابوہریرہؓ کی روایات کے الفاظ سے معلوم ہو رہا ہے۔ لیکن سیدنا طلق کی روایت کا کیا جائے گا؟ محدثین نے جمع و تطبیق کے جتنے طریقے مقرر کیے ہیں، ان سب کی روشنی میں سیدنا بسرہ کی روایت پر عمل کیا جائے گا، مثال کے طور پر: (۱)سیدنا طلق کی روایت کا تعلق اس صورت سے ہے، جب ہاتھ اور شرمگاہ کے درمیان پردہ حائل ہو، یہی تطبیق مناسب نظر آ رہی ہے، اس طرح سے دونوں روایات پر عمل کرنا ممکن ہو جائے گا۔ (۲)اگر اسانید کو دیکھا تو سیدنا بسرہ کی روایت راجح قرار پاتی ہے۔ (۳)اگر احتیاط کے معاملے کو سامنے رکھا جائے تو سیدہ بسرہؓ کی روایت پر عمل کرنا چاہیے، جس میں شرمگاہ کو چھونے کو ناقضِ وضو قرار دیا گیا ہے۔ (۴) اگر اباحت اور حظر میں تعارض پیدا ہو جائے تو حظر کو مقدم کیا جاتا ہے، سیدہ بسرہؓکی حدیث کا تعلق حظر سے ہے۔ (۵)اگر متعارض امور میں سے ایک کا تعلق براء تِ اصلیہ سے ہو تو اسے منسوخ سمجھا جائے گا، اس اعتبار سے بھی سیدنا طلق ؓکی حدیث منسوخ اور سیدہ بسرہؓ کی حدیث ناسخ اور قابل عمل قرار پاتی ہے۔ خلاصۂ کلام یہ ہے کہ سیدنا بسرہ ؓ کی حدیث پر عمل کرتے ہوئے شرمگاہ کے چھونے کوناقضِ وضو سمجھا جائے گا، واللہ اعلم۔