(۱۴۱۸) تخریـج:… أخرجہ مسلم: ۲۰۹۹(انظر: ۱۴۱۱۸)۔

فوائد:… اشتمال الصمائ اور گوٹھ مارنے کی وضاحت اوپر ہو چکی ہے۔ بائیں ہاتھ سے کھانے اور ایک جوتے میں چلنے سے منع کیا گیا، کیونکہیہ دونوں شیطان کی عادتیں ہیں: سیّدنا ابوہریرہ ‌رضی ‌اللہ ‌عنہ سے روایت ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: ((لِیَأْکُلْ أَحَدُکُمْ بِیَمِیْنِہٖ، وَلْیَشْرَبْ بِیَمِیْنِہٖ، وَلْیَأْخُذْ بِیَمِیْنِہٖ، وَلْیُعْطِ بِیَمِیْنِہٖ، فَإِنَّ الشَّیْطَانُیَأْکُلُ بِشِمَالِہٖ،وَیَشْرَبُ بِشِمَالِہٖ،وَیُعْطِیْ بِشِمَالِہٖ،وَیَأْخُذُ بِشِمَالِہٖ۔)) یعنی: ہر کوئی دائیں ہاتھ سے کھائے، دائیں سے پئے، دائیں ہاتھ سے لے اور دائیں ہاتھ سے ہی دے، کیونکہ شیطان بائیں ہاتھ سے کھاتا ہے، بائیں ہاتھ سے پیتا ہے، بائیں ہاتھ سے دیتا ہے اور بائیں ہاتھ سے لیتا ہے۔ (ابن ماجہ: ۲/۳۰۳، احمد: ۲/۳۲۵/ ۳۴۹، صحیحہ: ۱۲۳۶) سیّدنا ابوہریرہ ‌رضی ‌اللہ ‌عنہ سے روایت ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: ((اِنَّ الشَّیْطَانَیَمْشِيْ فِيْ النَّعْلِ الْوَاحِدَۃِ۔)) یعنی: بیشک شیطان ایک جوتا پہن کر چلتا ہے۔ ( مشکل الآثار للطحاوی: ۲/۱۴۲، الصحیحۃ: ۳۴۸ )