۔ (۳۸۴۷) عَنْ عُبَیْدِ بْنِ جُبَیْرٍ قَالَ: رَکِبْتُ مَعَ اَبِی بَصْرَۃَ (الْغِفَارِیِّ ‌رضی ‌اللہ ‌عنہ ‌) مِنَ الْفُسْطَاطِ إِلَی الإِسْکَنْدَرِیَّۃِ فِی سَفِیْنَۃٍ فَلَمَّا دَفَعْنَا مِنْ مَرْسَانَا اَمَرَ بِسُفْرَتِہِ، فَقُرِّبَتْ ثُمَّ دَعَا إِلَی الْغَدَائِ وَذَالِکَ فِی رَمَضَانَ، فَقُلْتُ: یَا اَبَا بَصْرَۃَ! وَاللّٰہِ! مَاتَغیَّبَتْ عَنَّا مَنَازِلُنَا بَعْدُ؟فَقَالَ: اَتَرْغَبُ عَنْ سُنَّۃِ رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم ؟ قُلْتُ: لَا، قَالَ: فَکُلْ، فَلَمْ نَزَلَ مُفْطِرِیْنَ حَتّٰی بَلَغْنَا مَاحَوَّزَنَا۔ (مسند احمد: ۲۷۷۷۵)

۔ عبید بن جبیر کہتے ہیں: میں سیدنا ابو بصرہ غفاری ‌رضی ‌اللہ ‌عنہ کے ہمراہ فسطاط سے اسکندریہ جانے کے لیے ایک کشتی پر سوار ہوا، جب ہم اپنی بندرگاہ سے روانہ ہوئے تو انہوں نے دستر خوان منگوایا، پس وہ ان کے قریب کیا گیا، پھر انہوں نے مجھے کھانے کی د عوت دی،یہ رمضان کا واقعہ تھا۔ میں نے کہا: ابو بصرہ! اللہ کی قسم! ابھی تو ہمارے مکانات ہماری نظروں سے اوجھل نہیں ہوئے؟ یہ سن کر انہوں نے کہا: کیا تم رسول اللہ ‌صلی ‌اللہ ‌علیہ ‌وآلہ ‌وسلم کی سنت سے اعراض کرتے ہو؟ میں نے کہا: جی نہیں۔ انہوں نے کہا: تو پھر کھائو، پھر ہم نے اپنی منزلِ مقصود پر پہنچنے تک کوئی روزہ نہ رکھا۔

۔ (۳۸۴۸) (وَعَنْہُ مِنْ طَرِیْقٍ ثَانٍ): قَالَ: رَکِبْتُ مَعَ اَبِی بَصْرَۃَ السَّفِیْنَۃَ وَہُوَ یُرِیْدُ الْإِسْکَنْدَرِیَّۃَ فَذَکَرَ الْحَدِیْثَ۔ (مسند احمد: ۲۷۷۷۶)

۔ (دوسری سند) وہ کہتے ہیں: میں ابو بصرہ کے ساتھ ایک کشتی پر سوار ہوا، وہ اسکندریہ جا رہے تھے، …۔

۔ (۳۸۴۹) عَنْ مَنْصُوْرٍ الْکَلْبِیِّ عَنْ دِحْیَۃَ بْنِ خَلِیْفَۃَ ‌رضی ‌اللہ ‌عنہ ‌ اَنَّہُ خَرَجَ مِنْ قَرْیَتِہِ إِلٰی قَرِیْبٍ مِنْ قَرْیَۃِ عُقْبَۃَ فِی رَمَضَانَ ثُمَّ إِنَّہُ اَفْطَرَ وَاَفْطَرَ مَعَہُ النَّاسُ، وَکَرِہَ آخَرُوْنَ اَنْ یُفْطِرُوْا، قَالَ: فَلَمَّا رَجَعَ إِلٰی قَرْیَتِہِ قَالَ: وَاللّٰہِ لَقَدْ رَاَیْتُ الْیَوْمَ اَمْرًا مَا کُنْتُ اَظُنُّ اَنْ اَرَاہُ، إِنْ قَوْمًا رَغِبُوْا عَنْ ہَدْیِ رَسُوْلِ اللّٰہِ وَاَصْحَابِہِ، یَقُوْلُ ذَالِکَ لِلَّذِینَ صَامُوْا، ثُمَّ قَالَ عِنْدَ ذَالِکَ: اَللّٰہُمَّ اقْبِضْنِی إِلَیْکَ ۔ (مسند احمد: ۲۷۷۷۳)

۔ منصور کلبی کہتے ہیں: سیدنا دحیہ بن خلیفہ ‌رضی ‌اللہ ‌عنہ ماہ رمضان میں اپنی بستی سے عقبہ بستی کے نواح میں جانے کے لیے روانہ ہوئے، انہوں نے بھی روزہ رکھنا ترک کر دیا اور ان کے ساتھ والے بعض لوگوں نے بھی، جبکہ بعض نے روزہ چھوڑنے کو پسند نہ کیا، جب وہ اپنی بستی میں واپس پہنچے تو انھوں نے کہا: اللہ کی قسم! میں نے آج ایسی چیز دیکھی ہے کہ مجھے جس کو دیکھنے کی توقع نہ تھی، لوگوں نے رسول اللہ ‌صلی ‌اللہ ‌علیہ ‌وآلہ ‌وسلم اور صحابہ کے عمل سے اعراض کیا ہے۔ دراصل وہ یہ بات ان لوگوں کے متعلق کہہ رہے تھے جنہوں نے روزہ رکھا ہوا تھا، پھر یہ دعا کرنے لگے: اے اللہ! مجھے اپنی طرف اٹھا لے۔