حج قران کا بیان - حج قران کا بیان - احرام، اس کے مواقیت ، طریقے اور اس سے متعلقہ دوسرے احکام کے ابواب - Musnad Ahmad with Urdu and English Translation

(۴۱۸۶) تخریج: أخرجہ مسلم: ۱۲۵۱(انظر: ۱۳۹۸۴)

(۴۱۸۷) تخریج: أخرجہ مسلم: ۱۲۲۶(انظر: ۱۹۸۳۳)

فوائد:… زخم کو داغنا جائز ہے، لیکن مکروہ ہے، کیونکہیہ توکل اور ایمان کے اعلی درجے کے منافی ہے، اسی کراہت کی بنا پر فرشتوں نے سلام کا سلسلہ منقطع کر دیا تھا۔

(۴۱۸۸) تخریج: حدیث حسن دون قولہ: ((لبیک بحجۃ وعمرۃ معا۔)) فانھا زیادۃ منکرۃ، عبد اللہ بن عمران الاصبھانی اخطأ فی ھذا الحدیث۔ أخرجہ الطبرانی فی ’’الکبیر‘‘: ۲۲/ ۵۳۴، وفی ’’الاوسط‘‘: ۴۳۲۳ (انظر: ۱۵۹۷۱)

(۴۱۸۹) تخریج: اسنادہ صحیح ۔ أخرجہ ابوداود: ۱۷۹۸، ۱۷۹۹، والنسائی: ۵/ ۱۴۶، وابن ماجہ: ۲۹۷۰(انظر: ۸۳)

فوائد:… سیدنا عمر ‌رضی ‌اللہ ‌عنہ ‌تو حج و عمرہ کو جمع کرنے سے منع کرتے تھے، لیکن اس مقام پر اس عمل کو سنت کہہ رہے ہیں، اس کا جواب یہ ہے کہ سیدنا عمر ‌رضی ‌اللہ ‌عنہ ‌بعض مصلحتوں کی بنا پر اس کوجائز سمجھتے تھے۔

(۴۱۹۰) تخریج: صحیح لغیرہ ۔ أخرجہ ابن ماجہ: ۲۹۷۷(انظر: ۱۷۵۸۳)

فوائد:… اس حدیث کے دو معانی ہو سکتے ہیں: (۱) حج کے مہینوں میں عمرہ ادا کیا جا سکتا ہے، جبکہ اس سے پہلے دورِ جاہلیت میں اس چیز کو بہت بڑا گناہ سمجھا جاتا تھا۔ (۲) حج قران کرنا، جس میں حج کے افعال میں عمرہ داخل ہو جاتا ہے اور ایک طواف اور ایک سعی حج اور عمرہ دونوں کی طرف سے کفایت کر جاتے ہیں۔

(۴۱۹۱) تخریج: أخرجہ البخاری: ۲۳۳۷ (انظر: ۱۶۱)

فوائد:… وادیٔ عقیق سے مراد ذوالحلیفہ ہے، جو کہ اہل مدینہ کی میقات ہے، برکت کی وجوہات کا علم اللہ تعالی کو ہے، آپ ‌صلی ‌اللہ ‌علیہ ‌وآلہ ‌وسلم کا اس وادی جو نماز پڑھنے کا حکم دیا گیا، اس سے مراد نماز فجر ہے۔

(۴۱۹۲) تخریج: أخرجہ البخاری: ۱۵۶۳ (انظر: ۱۱۳۹)

(۴۱۹۳) تخریج: انظر الحدیث بالطریق الاول

فوائد:… ہم پہلے یہ گزارش کر چکے ہیں کہ جن خلفاء نے حج کے ساتھ عمرہ کرنے سے منع کیا تھا، اس کی وجہ یہ تھی کہ وہ یہ چاہتے تھے کہ لوگ حج کے لیے علیحدہ سفر کریں اور عمرے کے لیے علیحدہ، تاکہ وہ زیادہ اجر و ثواب کے مستحق ٹھہریں، جیسا کہ اگلی حدیث سے معلوم ہو رہا ہے، جبکہ ان کو علم تھا کہ آپ ‌صلی ‌اللہ ‌علیہ ‌وآلہ ‌وسلم نے اس موسم میں عمرہ کرنے کا حکم بھی دیا تھا، سنن نسائی کی ایک روایت کے الفاظ یہ ہیں: جب سیدنا عثمان ‌رضی ‌اللہ ‌عنہ ‌نے حج کے ساتھ عمرہ کرنے سے منع کیا تو سیدنا علی ‌رضی ‌اللہ ‌عنہ ‌اور ان کے ساتھیوں نے عمرہ کا تلبیہ کہا، لیکن سیدنا عثمان ‌رضی ‌اللہ ‌عنہ ‌ نے ان کو منع نہ کیا، پھر سیدنا علی ‌رضی ‌اللہ ‌عنہ ‌نے ان سے کہا: کیا تم نے رسول اللہ ‌صلی ‌اللہ ‌علیہ ‌وآلہ ‌وسلم کو یہ تمتع کرتے نہیں سنا تھا؟ انھوں نے کہا: جی کیوں نہیں۔ اگلی حدیث اس معاملے میں زیادہ واضح ہے، جس کے مطابق سیدنا عثمان ‌رضی ‌اللہ ‌عنہ ‌اپنے اس حکم کو اپنی ذاتی رائے کا نتیجہ سمجھ رہے ہیں، جو چاہے اس کو اپنا لے اور جو چاہے اس کو ترک کر دے۔

(۴۱۹۳) تخریج: انظر الحدیث بالطریق الاول

فوائد:… چونکہ عہد ِ نبوی کی بہ نسبت خلفائے راشدین کے دور میں مختلف اسباب کی بنا پر مال و دولت میں بہت زیادہ وسعت پیدا ہو گئی تھی، اس لیےیہ خلفائے کرام چاہتے تھے کہ لوگ ایک ہی سفر میں حج و عمرہ ادا کر کے مطمئن نہ ہو جائیں، بلکہ حج کے الگ سے سفر کریں اور عمرہ کے الگ سے، اس طرح سے ان خلفاء پر کوئی طعن نہیں کیا جا سکتا، کیونکہ ان کا مقصد نعوذ باللہ رسول اللہ ‌صلی ‌اللہ ‌علیہ ‌وآلہ ‌وسلم کی سنت کی مخالفت نہیں تھا، بلکہ یہ تھا کہ لوگ زیادہ نیکیاں حاصل کر لیں، بہرحال آپ ‌صلی ‌اللہ ‌علیہ ‌وآلہ ‌وسلم نے جو گنجائش دی تھی، وہ برقرار ہے۔ اس حدیث ِ مبارکہ کے آخر میں سیدنا عثمان ‌رضی ‌اللہ ‌عنہ ‌نے کتنی خوبصورت بات کی ہے کہ انھوں نے حج کے مہینوں میں عمرہ ادا کرنے سے منع نہیں کیا، کیونکہ آپ ‌صلی ‌اللہ ‌علیہ ‌وآلہ ‌وسلم اس کی اجازت دے چکے تھے، وہ تو دراصل لوگوں کو یہ مشورہ دینا چاہتے تھے کہ اب حج کے موقع پر صرف حج کر لو اور بعد میںعمرہ کے لیے نیا سفر کر کے آنا، تاکہ دو عبادتوں کے لیے دو مستقل سفر ہوں اور اجر و ثواب میں اضافہ ہو۔

(۴۱۹۵) تخریج: أخرجہ مسلم: ۱۲۳۲، وأخرج بنحوہ البخاری: ۴۳۵۳، ۴۳۵۴(انظر: ۵۱۴۷)

فوائد:… صحیح بات یہ ہے کہ سیدنا عبد اللہ بن عمر ‌رضی ‌اللہ ‌عنہ ‌کی بات کو آپ ‌صلی ‌اللہ ‌علیہ ‌وآلہ ‌وسلم کے احرام کی ابتدائی حالت پر محمول کیا جائے اور سیدنا انس ‌رضی ‌اللہ ‌عنہ ‌کی بات کو احرام کی آخری اور درمیانی حالت پر محمول کیا جائے، جو صورت سیدنا انس ‌رضی ‌اللہ ‌عنہ ‌ بیان کر رہے ہیں، اس کا سیدنا ابن عمر ‌رضی ‌اللہ ‌عنہ ‌کو علم نہیں تھا، جس کا سیدنا انس ‌رضی ‌اللہ ‌عنہ ‌نے بڑا معقول جواب دیا۔

(۴۱۹۶) تخریج: صحیح موقوفا بھذا اللفظ،عبد العزیز بن محمد الدراوردی تفرد بہ وحدیثہ ھذا منکر، وقد رواہ غیر واحد عن عبید اللہ بن عمر ولم یرفعوہ۔ أخرجہ ابن ماجہ: ۲۹۷۵(انظر: ۵۳۵۰)

فوائد:… لیکن مسئلہ ایسے ہی ہے کہ حج قران کرنے والے کے لیے حج اور عمرہ دونوں کی طرف سے ایک طواف اور ایک سعی کافی ہے۔

(۴۱۹۷) تخریج: اسنادہ ضعیف لضعف یونس بن الحارث الثقفی(انظر: ۷۰۱۱)

فوائد:… یہ حدیث تو ضعیف ہے اور اس کے ان الفاظ کی سمجھ آ رہی ہے نہ کسی مناسبت کا پتہ چل رہا ہے، کیونکہ جب آپ ‌صلی ‌اللہ ‌علیہ ‌وآلہ ‌وسلم حجۃ الوداع ادا کر رہے تھے، اس وقت روک دیے جانے کا کوئی خطرہ نہیں تھا، کیونکہ اللہ تعالی نے اسلام کو غلبہ عطا کر دیا تھا، مکہ مکرمہ فتح ہو چکا تھا،ایک سال پہلے ایام حج میں یہ اعلان کیا جا چکاتھا کہ آئندہ کوئی مشرک اور ننگا آدمی طواف نہیں کر سکے گا اور آپ ‌صلی ‌اللہ ‌علیہ ‌وآلہ ‌وسلم کے ساتھ چالیس ہزار کے لگ بھگ صحابہ موجود تھے۔ بہرحال ممکن ہے کہ سیدنا عبداللہ بن عمرو ‌رضی ‌اللہ ‌عنہ ‌نے کسی گمان کی وجہ سے یہ الفاظ کہہ دیئے ہوں، یا ان سے نیچے کسی راوی سے کوئی غلطی ہو گئی ہو، جبکہ سند بھی ضعیف ہے۔ واللہ اعلم بالصواب۔نبی کریم ‌صلی ‌اللہ ‌علیہ ‌وآلہ ‌وسلم نے حج قران ادا کیا تھا، خلفائے راشدین کو یہ علم تھا کہ حج کے مہینوں میں عمرہ کرنا جائز ہے، اس کے باوجود انھوں نے یہ رائے دی تھی سفرِ حج میں صرف حج ادا کیا جائے اور بعد میں عمرہ کی ادائیگیکے لیے از سرِ نو سفر کیا جائے، تاکہ اجر و ثواب زیادہ ملے، ان کی اس رائے کی وجہ یہ تھی کہ اللہ تعالی نے مال و دولت جیسے اسباب عطا کر دیئے تھے۔ حافظ ابن کثیر نے ’’البدایۃ والنھایۃ‘‘ میں حجۃ الوداع کے موقع پر چالیس ہزار کی تعداد کا ذکر کیا ہے، جبکہ الرحیق المختوم اور رحمۃ للعالمین اور دیگر سیرت نگاروں نے حجۃ الوداع کے موقع پر نبی کریم ‌صلی ‌اللہ ‌علیہ ‌وآلہ ‌وسلم کے ساتھ حج کرنے والوں کی تعداد ایک لاکھ چوبیسیا چوالیس ہزار ذکر کی ہے۔ (عبد اللہ رفیق)