The root of this word, its grammatical form, and every other place in the Quran where the same root is used - with each of those verses one click away.
اَلتَّوْرَاۃ: آسمانی کتاب جو حضرت موسیٰ علیہ السلام پر نازل کی گئی یہ وَرْیٌ سے مشتق ہے اور تاء واؤ سے مبدل ہے۔ علمائے کوفہ کے نزدیک یہ وَوْرَاۃٌ بروزن تَفْعَلَۃٌ ہے اور بعض کے نزدیک تَفْعَلُ کے وزن پر ہے، جیسے: تَتْفَلُ لیکن کلام عرب میں تَفْعَلُ کے وزن پر اسم کا صیغہ نہیں آتا۔ علماء بصرہ کے نزدیک یہ وَوْرَی بروزن فَوْعَلَ ہے جیسے حَوْقَلَ قرآن پاک میں ہے: (اِنَّاۤ اَنۡزَلۡنَا التَّوۡرٰىۃَ فِیۡہَا ہُدًی وَّ نُوۡرٌ ) (۵:۴۴) بے شک ہم نے تورات نازل فرمائی، جس میں ہدایت اور روشنی ہے۔ ( ذٰلِکَ مَثَلُہُمۡ فِی التَّوۡرٰىۃِۚ ۖ ۛ وَ مَثَلُہُمۡ فِی الۡاِنۡجِیۡلِ) (۴۸:۲۹) ان کے یہی اوصاف تورات میں (مرقوم) ہیں اور یہی اوصاف انجیل میں ہیں۔