ان چیزوں سے متعلقہ ابواب، جن کاکھانا مباح اور حلال ہے
زمین پر گرے ہوئے لقمے کو اٹھانے، کھانے کے بعد انگلیوں کو چاٹنے، پلیٹ کو صاف کرنے اور برتن کا کھانے والے کے لیے بخشش طلب کرنے کا بیان
۔
۔ سیدنا ابو ایوب رضی اللہ عنہ اور عطاء سے مروی کہ نبی کریم صلی اللہ علیہ وآلہ وسلم نے فرمایا: خلال والے کتنے ہی اچھے ہیں۔ آپ صلی اللہ علیہ وآلہ وسلم سے دریافت کیا گیا وہ خلال والے کون ہیں؟ آپ صلی اللہ علیہ وآلہ وسلم نے فرمایا: جو وضو اور کھانے میں خلال کرتے ہیں۔
Status: Zaeef
حکمِ حدیث: ضعیف
Conclusion
تخریج
(۷۴۲۴) تخریج: اسنادہ ضعیف جدا، واصل الرقاشی و ابو سورۃ مجمع علی تضعیفھما، وابوسورۃ لا یعرف لہ سماع من ابی ایوب، أخرجہ ابن ابی شیبۃ: ۱/ ۱۲، وعبد بن حمید: ۱۲۷۱، والطبرانی فی فی الکبیر : ۴۰۶۱(انظر: ۲۳۵۲۷)
Explanation
شرح و تفصیل
فوائد:… اس حدیث کا پہلا جملہ ثابت ہے، جیسا کہ سیدنا انس بن مالک رضی اللہ عنہ سے روایت ہے کہ نبی کریم صلی اللہ علیہ وآلہ وسلم نے فرمایا: ((حَبَّذَا الْمُتْخَلِّلُوْنَ مِنْ أُمَّتِی۔)) بہت خوب ہیں میری امت کے وہ لوگ، جو خلال کرتے ہیں۔ (معجم اوسط: ۱/۳۹ـ ، صحیحہ:۲۵۶۷)