اولاد کے فوائد اور ان کی تربیت کرنے اور ان پر نرمی کرنے کی ترغیب کا بیان - اولاد کے فوائد اور ان کی تربیت کرنے اور ان پر نرمی کرنے کی ترغیب کا بیان - نیکی اور صلہ رحمی کے مسائل - Musnad Ahmad with Urdu and English Translation

(۱۹۲۵) تخریج:أخرجہ مسلم: ۱۶۳۱(انظر: ۸۸۴۴)

فوائد:… صدقہ جاریہ کی کسی قسم کا انکار نہیں کیا جا سکتا، لیکن جو خیر اپنے ورثے میں نیک اولاد کو چھوڑ کر جانے میں ہے، اس کی کوئی مثال نہیں، اس کا کوئی جواب نہیں۔ لیکن افسوس اس بات پر ہے کہ مسلمانانِ عصرِ حاضر نے اپنی اولاد کی ترقی کے مختلف حقوق ادا کیے ہیں، ما سوائے نیک تربیت کے۔

(۱۹۲۶) تخریج:حدیث صحیح، أخرجہ الطبرانی: ۶۴۶، والحاکم: ۴/ ۲۳۹(انظر: ۲۱۸۴۰)

فوائد:… بچوں کی فکر انسان کو بزدل اور بخیل بنا دیتی ہے، ہر کوئی زندگی کا حریص ہوتا ہی ہے، لیکن جب بچے ہو جائیں تو ان کی خدمت اور نگہداشت کی خاطر انسان اپنی زندگی کو زیادہ قیمتی سمجھنے لگ جاتا ہے اور جہاد جیسے عظیم عمل میںشرکت کرتے وقت بھی فکر مند ہو جاتاہے۔ بہرحال اولاد ایک نعمت ہے، ان کی خدمت میں شرف ہے، لیکن دوسرے شرعی احکام متأثر نہیں ہونے چاہئیں۔

(۱۹۲۷) تخریج:اسنادہ ضعیف لانقطاعہ، عمر بن عبد العزیز لا یعرف لہ سماع من خولۃ ، ولجھالۃ ابن ابی سوید، أخرجہ الترمذی: ۱۹۱۰ (انظر: ۲۷۳۱۴)

فوائد:… غزوۂ طائف، نبی کریم ‌صلی ‌اللہ ‌علیہ ‌وآلہ ‌وسلم کا آخری قتال تھا، اگرچہ غزوۂ تبوک اس کے بعد پیش آیا، لیکن اس میں جنگ نہیں ہوئی تھی۔

(۱۹۲۷) تخریج:اسنادہ ضعیف لانقطاعہ، عمر بن عبد العزیز لا یعرف لہ سماع من خولۃ ، ولجھالۃ ابن ابی سوید، أخرجہ الترمذی: ۱۹۱۰ (انظر: ۲۷۳۱۴)

(۱۹۲۹) تخریج:اسنادہ ضعیف لضعف عامر بن صالح، ولارسالۃ عمرو بن سعید بن العاص، جد ایوب بن موسی لیس لہ صحبۃ، وموسی بن عمرو تفرد بالروایۃ عنہ ابنہ ایوب أخرجہ الحاکم: ۴/ ۲۶۳، والبیھقی فی الشعب : ۱۶۷۳(انظر: ۱۵۴۰۳/۱)

فوائد:… یہ ایک بہت بڑی حقیقت ہے کہ والدین کا اپنی اولاد کو سب سے بڑا تحفہ حسن ادب اور اچھی تربیت ہے، اولاد کو اس قابل بنا دینا چاہیے کہ وہ دین کو بھی سمجھے اور دنیا سے بھی غافل نہ ہونے پائے۔

(۹۰۳۰) تخریج:اسنادہ ضعیف لانقطاعہ، عبد الرحمن بن جبیر لم یدرک معاذا أخرجہ بنحوہ ابن ماجہ: ۳۳۷۱، ۴۰۳۴ (انظر: ۲۲۲۰۷۵)

فوائد:… دوسری نصوص سے ثابت ہوتا ہے کہ ضرورت کے وقت بیوی بچوں کو سزا دی جا سکتی ہے۔

(۹۰۳۱) تخریج:أخرجہ البخاری: ۲۵۸۷، ومسلم: ۱۶۲۳ (انظر: ۱۸۳۶۹)

(۹۰۳۲) تخریج:انظر الحدیث السا بق

(۹۰۳۳) تخریج:حدیث صحیح، أخرجہ ابوداود: ۳۵۴۴، والنسائی: ۶/ ۲۶۲ (انظر: ۱۸۴۵۱)

فوائد:… والدین کسی ایک بچے کے ساتھ کسی اعتبار سے امتیازی سلوک نہیں کر سکتے، بعض آباء کو دیکھا گیا ہے کہ ان کے بعض بچے ہمیشہ ان کے غیظ و غضب اور طعن و تشنیع کا نشانہ بنتے ہیں اور بعض لاڈ پیار کے مستحق ٹھہرتے ہیں، اسی طرح جب بچوں پر خرچ کرنے کی باری آتی ہے تو پھر اسی امتیاز کو مدّنظر رکھا جاتا ہے۔ ایسا کرنا ضلالت و گمراہی ہے، نبوی منہج سے بھٹک جانے کی علامت ہے اور بچوں کو بغاوت پر آمادہ کرنے کی علامت ہے ۔ بچوں اور بچیوں کی شادیوں پر بھی مساوات کو ملحوظِ خاطر رکھنا چاہئے۔ سیدنا انس ‌رضی ‌اللہ ‌عنہ سے مروی ہے، وہ کہتے ہیں: کاَنَ رَجُلٌ جَالِسٌ مَعَ النَّبِیِّ ‌صلی ‌اللہ ‌علیہ ‌وآلہ ‌وسلم فَجَائَ ہُ ابْنٌ لَہُ فَأَخَذَہُ فَقَبَّلَہُ ثُمَّ أَجْلَسَہُ فِی حِجْرِہِ، وَجَائَـتِ ابْنَۃٌ لَّہُ، فَأَخَذَھَا إِلٰی جَنْبِہٖ،فَقَالَالنَّبِیُّ ‌صلی ‌اللہ ‌علیہ ‌وآلہ ‌وسلم : ((أَلَا عَدَلْتَ بَیْنَھُمَا؟)) یَعْنِی: بَیْنَ ابْنِہٖوَبِنْتِہٖفِی تَقْبِیْلِھِمَا۔ … ایک آدمی نبی کریم ‌صلی ‌اللہ ‌علیہ ‌وآلہ ‌وسلم کے پاس بیٹھا ہوا تھا، اس کے پاس اس کا بیٹا آیا، اس نے اس کا بوسہ لیا اور اسے اپنی گود میں بٹھا لیا، اس کے بعد اس کی بیٹی آئی، اس نے اسے اپنے ساتھ بٹھا لیا۔ نبی کریم ‌صلی ‌اللہ ‌علیہ ‌وآلہ ‌وسلم نے فرمایا: تو نے ان کے درمیان انصاف کیوں نہیں کیا۔ یعنی بیٹے کا بوسہ لیا اور بیٹی کا نہیں لیا۔ (مسند بزار: ۲/۳۷۸/۱۸۹۳، شعب الایمان للبیھقی: ۶/ ۴۱۰/۸۷۰۰، صحیحہ: ۲۸۸۳، ۲۹۹۴) یہ اولاد کے مابین مساوات کا معیار ہے کہ محبت کے ظاہری تقاضوں میں بھی کمی بیشی نہیں ہونی چاہئے۔ یہ ممکن ہے کہ والدین کے دل میں کسی ایک بیٹے کا لحاظ یا اس کی محبت دوسروں کی بہ نسبت زیادہ ہو، اور اس میں مضائقہ بھی نہیں ہے، کیونکہیہ کسی کے بس کی بات نہیں ہے، جیسا کہ رسول اللہ ‌صلی ‌اللہ ‌علیہ ‌وآلہ ‌وسلم کو سیدہ عائشہ ‌رضی ‌اللہ ‌عنہا کے ساتھ سب سے زیادہ محبت تھی، لیکن مساوات کے ظاہری تقاضے پورے کرنا ضروری ہیں۔

(۹۰۳۴) تخریج:أخرجہ مسلم: ۲۳۱۸ (انظر:۷۲۸۹ )

(۹۰۳۵) تخریج:أخرجہ البخاری: ۵۹۹۷(انظر: ۷۱۲۱)

فوائد:… بندے کا رحمدل ہونا اس بات کی علامت ہے کہ اللہ تعالیٰ بھی اس پر رحم کرے گا، اگر کوئی آدمی بہت ہی سخت طبیعت کا مالک ہو تو اس کو چاہیے کہ تکلف کرتے ہوئے اپنی اولاد کے معاملے میں نرمی کر لیا کرے۔