ام المؤمنین سیدہ خدیجہ بنت خویلد رضی اللہ عنہا کی فضیلت اور اس چیز کا بیان کہ سیدہ خدیجہ رضی اللہ عنہا سب سے پہلے آپ صلی اللہ علیہ وآلہ وسلم پر ایمان لائیں اور آپ صلی اللہ علیہ وآلہ وسلم کی تصدیق کی
۔ (۱۰۵۶۱)۔ (عَنْھَا مِنْ طَرِیْقٍ ثَانٍ) قَالَتْ: ذَکَرَ رَسُوْلُ اللّٰہِ یَوْمًا خَدَیْجَۃَ فَأَطْنَبَ فِی الثَّنَائِ عَلَیْھَا، فَأَدْرَکَنِیْ مَا یُدْرِکُ النِّسَائَ مِنَ الْغَیْرَۃِ، فَقُلْتُ: لَقَدْ أَعْقَبَکَ اللّٰہُ یَا رَسُوْلَ اللّٰہِ! مِنْ عَجُوْزٍ مِنْ عَجَائِزِ قُرَیْشٍ حمرائَ الشَّدْقَیْنِ، قَالَتْ: فَتَغَیَّرَ وَجْہُ رَسُوْلِ اللّٰہِ صلی اللہ علیہ وآلہ وسلم تَغَیُّرًا لَمْ أَرَہُ تَغَیَّرَ عِنْدَ شَیْئٍ قَطُّ اِلَّا عِنْدَ نَزُوْلِ الْوَحْیِ وَعِنْدَ الْمَخِیْلَۃِ حَتّٰییَعْلَمَ رَحْمَۃٌ أَوْ عَذَابٌ۔ (مسند احمد: ۲۵۷۲۵)
۔ (دوسری سند) سیدہ عائشہ رضی اللہ عنہا کہتی ہیں: ایک دن رسول اللہ صلی اللہ علیہ وآلہ وسلم نے سیدہ خدیجہ رضی اللہ عنہا کا تذکرہ کیا اور کافی دیر تک ان کی تعریف کی، مجھ پر وہی غیرت غالب آ گئی، جو عورتوں پر غالب آ جاتی ہے اور میں نے کہا: اے اللہ کے رسول! اللہ تعالیٰ نے آپ کو قریش کی اس سرخ باچھوں والی بڑھیا کا متبادل تو دے دیا ہے، یہ سن کر آپ صلی اللہ علیہ وآلہ وسلم کا چہرہ اس قدر بدلا کہ میں نے کبھی بھی آپ صلی اللہ علیہ وآلہ وسلم کو اس انداز میں نہیں دیکھا تھا، ما سوائے نزولِ وحی کے وقت یا بادل کے نمودار ہوتے وقت، یہاں تک کہ آپ صلی اللہ علیہ وآلہ وسلم کو پتہ چل جاتا کہ وہ رحمت ہے یا عذاب۔
10561
Sahih