اس چیز کا بیان کہ نبی کریم ‌صلی ‌اللہ ‌علیہ ‌وآلہ ‌وسلم نے کتنے حج اور کتنے عمرے کیے؟ - اس چیز کا بیان کہ نبی کریم ‌صلی ‌اللہ ‌علیہ ‌وآلہ ‌وسلم نے کتنے حج اور کتنے عمرے کیے؟ - عمرہ کے ابواب - Musnad Ahmad with Urdu and English Translation

(۴۱۱۰) تخریج: أخرجہ مسلم: ۱۲۵۴(انظر: ۱۹۲۹۸)

فوائد: …’’کتاب السیرۃ النبویۃ‘‘ میں آپ ‌صلی ‌اللہ ‌علیہ ‌وآلہ ‌وسلم کے غزووں کی تفصیل آئے گی۔ نبی کریم ‌صلی ‌اللہ ‌علیہ ‌وآلہ ‌وسلم نے ہجرت کے بعد بالاتفاق ایک ہی حج کیا تھا، جس کو حجۃ الوداع کہتے ہیں، آپ ‌صلی ‌اللہ ‌علیہ ‌وآلہ ‌وسلم نے یہ فریضہ۱۰ ھ میں ادا کیا تھا۔

(۴۱۱۱) تخریج: أخرجہ البخاری: ۱۷۷۸، ۱۷۷۹، ۱۷۸۰، ومسلم: ۱۲۵۳(انظر: ۱۳۵۶۵)

(۴۱۱۱) تخریج: أخرجہ البخاری: ۱۷۷۸، ۱۷۷۹، ۱۷۸۰، ومسلم: ۱۲۵۳(انظر: ۱۳۵۶۵)

فوائد: … نبی کریم ‌صلی ‌اللہ ‌علیہ ‌وآلہ ‌وسلم نے کل چار عمرے کیے: ۱۔ عمرۂ حدیبیہ، جوکہ مکمل نہیں ہوا تھا، بلکہ آپ ‌صلی ‌اللہ ‌علیہ ‌وآلہ ‌وسلم راستے سے واپس آ گئے تھے، یہ ذوالقعدہ ۶ھ کا واقعہ تھا۔ ۲۔ عمرۂ قضائ، یہ وہ عمرہ ہے جو آپ ‌صلی ‌اللہ ‌علیہ ‌وآلہ ‌وسلم نے صلح حدیبیہ کے معاہدے کے مطابق اگلے سال ادا کیا تھا، یہ ذوالقعدہ۷ھ کا واقعہ تھا، اس سے مراد قضائی والا عمرہ نہیں ہے۔ بلکہ یہ مشرکوں کے ساتھ قضاء (فیصلہ) کے نتیجے میں ہوا تھا۔ ۳۔ عمرۂ جعرانہ،جب آپ ‌صلی ‌اللہ ‌علیہ ‌وآلہ ‌وسلم غزوۂ حنین اور غزوۂ طائف سے فارغ ہو کر جعرانہ مقام پر پہنچے اور وہاں پڑاؤ ڈالا تو اس دوران یہ عمرہ ادا کیا تھایہ فتح مکہ کے بعد۸ھ میں پیش آیا تھا۔ ۴۔ حجۃ الوداع کے ساتھ والا عمرہ، آپ ‌صلی ‌اللہ ‌علیہ ‌وآلہ ‌وسلم نے حج قران کیا تھا، یعنی ایک ہی احرام میں حج اور عمرہ کی ادائیگی مکمل کی تھی، آپ ‌صلی ‌اللہ ‌علیہ ‌وآلہ ‌وسلم نے ۱۰ ھ میں حجۃ الاسلام ادا کیا تھا۔ ہر عمرے کی اس کی مخصوص باب میں وضاحت آ رہی ہے۔

(۴۱۱۳) تخریج: حسن لغیرہ (انظر: ۶۶۸۶)

فوائد: … انھوں نے حج کے ساتھ والا عمرہ شمار نہیں کیا، معلوم ہوا کہ عمرہ کے موقع پر احرام باندھنے سے لے کر طواف شروع کرنے تک تلبیہ جاری رکھا جائے گا۔

(۴۱۱۴) تخریج: حدیث صحیح، وھذا اسناد ضعیف۔ أخرجہ ابن ماجہ: ۲۹۹۷(انظر: ۲۵۹۱۰)

فوائد: … اس حدیث میں بھی حجۃ الوداع والے عمرے کا ذکر نہیں کیا گیا۔

(۴۱۱۵) تخریج: صحیح بالشواھد ۔ أخرجہ ابوداود: ۱۹۹۲، وأخرجہ البخاری: ۱۷۷۵، ۱۷۷۶، ۴۲۵۳، ۴۲۵۴، ومسلم: ۱۲۵۵ مطولا بلفظ: … یا ام المؤمنین! الا تسمعی ما یقول ابوعبد الرحمن؟ یقول: اعتمر رسول اللہ ‌صلی ‌اللہ ‌علیہ ‌وآلہ ‌وسلم اربعا، احداھن فی رجب؟ فقالت: یرحم اللہ ابا عبد الرحمن، أما انہ لمیعتمر عمرۃ الا وھو شاھدھا، وما اعتمر شیئا فی رجب۔ (انظر: ۵۳۸۳)

فوائد: … صحیح بخاری کی ایک حدیث کے مطابق سیدنا عبد اللہ بن عمر ‌رضی ‌اللہ ‌عنہما نے آپ ‌صلی ‌اللہ ‌علیہ ‌وآلہ ‌وسلم کے چار عمروں کا تذکرہ کیا ہے، اس حدیث میں حدیبیہ اور حجۃ الوداع والے عمروں کا تذکرہ نہیں کیا گیا، کیونکہ آپ ‌صلی ‌اللہ ‌علیہ ‌وآلہ ‌وسلم کو اول الذکر سے روک لیا گیا تھا اور مؤخر الذکر حج کے ساتھ ملا ہوا تھا، دوسرے دو عمروں کی طرح مستقل نہیں تھا۔