حج اور عمرے کابیان - حج اور عمرے کابیان - Book 10 of Silsila Sahih with Urdu and English Translation

ابو بكر صدیق‌رضی اللہ عنہ كہتے ہیں كہ رسول اللہ صلی اللہ علیہ وسلم سےپوچھاگیا:كونسا حج افضل ہے؟آپ صلی اللہ علیہ وسلم نےفرمایا:جس میں بلند آواز سے تلبیہ پڑھا جائے اور قربانی کے جانوروں کا خون بہایا جائے۔

جابر‌رضی اللہ عنہ كہتے ہیں كہ رسول اللہ صلی اللہ علیہ وسلم نے فرمایا: حجاج اور عمرہ كرنے والے اللہ كا وفد ہیں۔ اللہ نے انہیں بلایا انہوں نےاللہ كے بلاوے كو قبول كیا، انہوں نے اللہ سے مانگا ،اللہ تعالیٰ نے انہیں عطا كیا

عبداللہ بن عمر رضی اللہ عنہما سے مرفوعا مروی ہے كہ: پانچ جانور ایسے ہیں جنہیں قتل كرنے سے مر م پر كوئی گناہ نہیں، كوا، چیل، چوہیا، بچھو اور پاگل كتا

) عبداللہ بن عباس رضی اللہ عنہما سے مرفوعا مروی ہے كہ: روئے زمین پر بہترین پانی آبِ زم زم ہے، اس میں كھانے كی قوت اور بیماری سے شفا ہے۔ اور روئے زمین پر بدترین پانی، برہوت وادی كا پانی ہے جو حضر موت كا باقی ماندہ علاقہ ہے۔جو زہریلے کیڑے مکوڑوں میں سے ٹڈی کے پاؤں کی طرح ہے،صبح ہوتی ہے تو زور سے بہتا ہے اور شام کو کوئی نمی باقی نہیں رہتی۔

عبداللہ بن عباس رضی اللہ عنہما سےمروی ہےكہ رسول اللہ صلی اللہ علیہ وسلم نےفرمایا:چرواہارات كےوقت رمی كرسكتاہےاوردن كےوقت بكریاں چرا سكتا ہے۔

عبداللہ بن عباس رضی اللہ عنہما سےمروی ہے كہ رسول اللہ صلی اللہ علیہ وسلم نے فرمایا:چرواہا رات كے وقت رمی كر سكتا ہے اور دن كے وقت بكریاں چراسكتا ہے۔

عائشہ رضی اللہ عنہا سے مروی ہے كہ نبی صلی اللہ علیہ وسلم نے ان سے كہا: تمہارا بیت اللہ كا طواف اور صفا ومروہ كے درمیان سعی كرنا، تمہارے حج اور عمرے كے لئے كافی ہے

فضل بن عباس رضی اللہ عنہما سے مروی ہے كہ:جب لوگ عرفہ كی رات اور(عرفات میں)جمع ہونے كی صبح ایك دوسرے كو دھكے دے رہے تھےتورسول اللہ صلی اللہ علیہ وسلم نے لوگوں سےفرمایا:سكینت ووقار اختیار كرو۔ آپ اپنی اونٹنی كو قابو كئے ہوئے تھے۔ جب آپ منیٰ میں داخل ہوئے تو نیچے اتر آئے ، جب محسر میں نیچے اترےتو آپ نے فرمایا: تم (چنے کی مانند)چھوٹی كنكریاں لو جن سے جمرہ كو كنكریاں ماری جائیں گی

بھز بن حكیم اپنے والد سے وہ ان كے دادا(معاویہ بن حیدہ رضی اللہ عنہ )سے بیان كرتے ہیں كہ رسول اللہ صلی اللہ علیہ وسلم نے فرمایا:بیری كو كاٹنے والا، اللہ تعالیٰ اس كے سر كو جہنم کی آگ میں غوطہ دے گا

) عبداللہ بن عباس رضی اللہ عنہما سے مروی ہے كہ آپ صلی اللہ علیہ وسلم نے جب جمرہ عقبہ كو كنكریاں ماریں تو چل پڑے اور ركے نہیں۔

عبداللہ بن عمر رضی اللہ عنہما سے مروی ہے كہ:آپ صلی اللہ علیہ وسلم نے جب بیت اللہ كا طواف كیا تو ہرطواف میں حجر اسود اور ركن كو چھوا یاكہاكہ استلام كیا۔

عبداللہ بن عمر رضی اللہ عنہما سے مروی ہے كہ آپ ‌صلی اللہ علیہ وسلم ‌نے یوم ترویہ سے ایك دن پہلے لوگوں كو خطبہ دیا اور مناسك كےبارے میں بتلایا۔

ابو ہریرہ‌رضی اللہ عنہ سے مروی ہے كہ آپ صلی اللہ علیہ وسلم كا ایك (طریقۂ)تلبیہ یہ بھی تھا: لَبَّيْكَ إِلٰهَ الْحَقِّ، حاضر ہوں اے سچے معبود۔

عائشہ رضی اللہ عنہا سے مروی ہے كہ وہ آب زم زم ساتھ اٹھا کر لاتی تھیں۔ اور بتاتی تھیں كہ رسول اللہ صلی اللہ علیہ وسلم بھی آب زم زم برتنوں اورمشكیزوں میں اٹھاتے، مریضوں پر ڈالتے اور انہیں پلاتے۔

عثمان بن عفان‌رضی اللہ عنہ سے مروی ہے كہ آپ صلی اللہ علیہ وسلم احرام كی حالت میں اپنا چہرہ ڈھانپ لیا كرتے تھے۔

عبداللہ بن عباس رضی اللہ عنہما سے مروی ہے كہ آپ صلی اللہ علیہ وسلم منیٰ كی ہر رات بیت اللہ كی زیارت كرتے تھے۔

عبداللہ بن عباس رضی اللہ عنہما سے مروی ہے كہ آپ صلی اللہ علیہ وسلم منیٰ كی ہر رات بیت اللہ كی زیارت كرتے تھے۔

تمام ایامِ تشریق ذبح كے دن ہیں۔( ) یہ حدیث جبیر بن مطعم، رسول اللہ صلی اللہ علیہ وسلم کے ایک اور صحابی، ابوسعید خدری اور ابوہریرہ رضی اللہ عنہم سے مروی ہے۔

جابر بن عبداللہ رضی اللہ عنہما كہتے ہیں كہ رسول اللہ صلی اللہ علیہ وسلم نے فرمایا: مكہ كی ہر گلی ایك راستہ اور منحر( نحر كرنے كی جگہ)ہے

جابر‌رضی اللہ عنہ كہتے ہیں كہ ہم رسول اللہ صلی اللہ علیہ وسلم كے زمانے میں قربانی كا گوشت مدینے لایا كرتے تھے۔