طہارت اور وضو کا بیان - طہارت اور وضو کا بیان - Book 19 of Silsila Sahih with Urdu and English Translation

ثوبان‌رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: سیدھے ہو جاؤ، قریب ہو جاؤ، عمل كرو،اختیار دواور جان لو كہ تمہارا بہترین عمل نماز ہے،اور صرف مومن ہی وضوء پر ہمیشگی کرتا ہے

ابو ہریرہ‌رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: نماز تین حصوں میں تقسیم ہے، وضو ایك حصہ ہے ،ركوع ایك حصہ ہے، اور سجدہ ایك حصہ ہے۔ جس شخص نے کماحقہ انہیں ادا كیا اس كی نماز قبول كر لی گئی اور اس كے باقی عمل بھی قبول كر لئے گئے اور جس شخص كی نماز رد كر دی گئی اس كے باقی عمل بھی رد كر دیئے گئے

عمار بن یاسر رضی اللہ عنہما سے مروی ہے كہ رسول اللہ صلی اللہ علیہ وسلم نے تیمم كے بارے میں فرمایا: چہرے اور ہتھیلیوں كے لئے ایك ہی ضرب کافی ہے

عبداللہ بن عمر رضی اللہ عنہ سے مرفوعا مروی ہے كہ غسل كے لئے ایك صاع کافی ہے اور وضو كے لئے ایك مد۔

عبداللہ بن عمر رضی اللہ عنہ سےمروی ہےكہ آپ صلی اللہ علیہ وسلم جب قضائے حاجت كا ارادہ كرتے تو زمین كے قریب ہونے سے پہلے اپنا كپڑا نہ اٹھاتے۔(

عائشہ رضی اللہ عنہاسے مروی ہے كہ رسول اللہ صلی اللہ علیہ وسلم جب بیت الخلاء سے نكلتے تو وضو ءكرتے

مغیرہ بن شعبہ رضی اللہ عنہ سے مروی ہے كہ آپ صلی اللہ علیہ وسلم جب قضائے حاجت كے لئے جاتے تو بہت دور نكل جاتے

عائشہ رضی اللہ عنہاسے مروی ہے كہ آپ صلی اللہ علیہ وسلم جب ہمبستری کرتے(جب شرمگاہ دوسری شرمگاہ سے مل جاتی)تو غسل كرتے۔

جابر رضی اللہ عنہ سے مروی ہے كہ آپ صلی اللہ علیہ وسلم جب وضو كرتے تو اپنی كہنیوں پر پانی گھماتے۔

ابراہیم سے مرسلا ً مروی ہے كہ جب رسول اللہ صلی اللہ علیہ وسلم آتے تو نہایت عمدہ خوشبو سے پہچانے جاتے

عروہ سے مروی ہے كہ آپ ‌صلی اللہ علیہ وسلم ‌كے لئے كپڑے كا ایك ٹكڑا تھا، جس سے وہ وضو كے بعد پانی خشك كیا كرتے تھے۔

عبداللہ بن عمر رضی اللہ عنہ كہتے ہیں كہ میں نے كہا: اے اللہ كے رسول صلی اللہ علیہ وسلم آپ کو نئے، ڈھانپے ہوئے مٹکے سے وضوء کرنا زیادہ پسند ہے یا وضوء کی جگہ سے (یعنی حوض وغیرہ)؟ آپ صلی اللہ علیہ وسلم نے فرمایا: وضوء کی جگہ سے (یعنی حوض وغیرہ)،اللہ كا دین آسان ہے،یكسو اور نرم ہے اور آپ صلی اللہ علیہ وسلم ‌(کوئیں وغیرہ کی طرف) پانی لانے کے لئے بھیجتے اور تو آپ مسلمانوں كے ہاتھوں كی بركت كی امید ركھتے ہوئے اسے پی لیتے ۔

عبداللہ بن عمر رضی اللہ عنہ كہتے ہیں كہ میں نے كہا: اے اللہ كے رسول صلی اللہ علیہ وسلم آپ کو نئے، ڈھانپے ہوئے مٹکے سے وضوء کرنا زیادہ پسند ہے یا وضوء کی جگہ سے (یعنی حوض وغیرہ)؟ آپ صلی اللہ علیہ وسلم نے فرمایا: وضوء کی جگہ سے (یعنی حوض وغیرہ)،اللہ كا دین آسان ہے،یكسو اور نرم ہے اور آپ صلی اللہ علیہ وسلم ‌(کوئیں وغیرہ کی طرف) پانی لانے کے لئے بھیجتے اور تو آپ مسلمانوں كے ہاتھوں كی بركت كی امید ركھتے ہوئے اسے پی لیتے

محمود بن طحلاء سے مروی ہے كہتے ہیں كہ میں نے ابو سلمہ سے كہا: تمہارا رضاعی یا سوتیلا والا سلیم اس چیز سے وضو نہیں كرتا جسے آگ نے چھوا ہو۔ ابو سلمہ نےسلیم كے سینے پر ہاتھ مارا اور كہا: میں ام سلمہ زوجہ نبی صلی اللہ علیہ وسلم كی گواہی پیش كرتا ہوں كہ وہ رسول اللہ صلی اللہ علیہ وسلم كی گواہی دیتی ہیں كہ آپ صلی اللہ علیہ وسلم ‌اس چیز سے وضو كیا كرتے تھے جسے آگ نے چھوا ہو

معاذ بن جبل رضی اللہ عنہ سے مروی ہے كہ آپ صلی اللہ علیہ وسلم ایك ایك مرتبہ، دو دو مرتبہ اور تین تین مرتبہ(اعضاء دھو كر)وضوكرتے اور آپ صلی اللہ علیہ وسلم ‌ان تمام طریقوں سے وضو ءكرتے

عبداللہ بن عباس رضی اللہ عنہ سے مروی ہے كہ آپ صلی اللہ علیہ وسلم (بیت الخلاء) سے باہر نکلتے تو اپنے ہاتھ پر پانی ڈالتے اور مٹی سے پاکیزگی حاصل کرتے۔ میں كہتا: اے اللہ كے رسول صلی اللہ علیہ وسلم یقینا پانی آپ كے قریب ہے؟ آپ صلی اللہ علیہ وسلم ‌فرماتے: مجھے نہیں معلوم كہ میں اس تك پہنچ پاؤں گا یا نہیں۔

عبداللہ بن عمر رضی اللہ عنہ سے مروی ہے كہ: آپ صلی اللہ علیہ وسلم مغمس كی طرف قضائے حاجت كیلئے جاتے تھے۔ نافع نے كہا(مغمس) مكہ سے دو یا تین میل كے فاصلے پر ہے

عبداللہ بن مسعود‌رضی اللہ عنہ كہتے ہیں كہ رسول اللہ صلی اللہ علیہ وسلم نے فرمایا:تم انگلیوں کو وضوکے پانی سے اچھی طرح دھولو وگرنہ آگ ان پر غلبہ پالے گی ۔

عبدالرحمن بن ا بی لیلی سے مروی ہے وہ نبی صلی اللہ علیہ وسلم كے كسی صحابی سے مرفوعا بیان كرتے ہیں كہ: اگر میں اپنی امت پر مشقت نہ سمجھتا تو اپنی امت پر مسواك فرض كر دیتا جس طرح ان پر وضو فرض كیا

عبداللہ بن عباس رضی اللہ عنہما ، میمونہ رضی اللہ عنہا سے بیان كرتے ہیں ،كہتی ہیں كہ میں اور رسول اللہ صلی اللہ علیہ وسلم جنبی ہوگئے، میں نے ایك ٹب سے غسل كیا۔ میں نے كچھ پانی بچا دیا، نبی صلی اللہ علیہ وسلم آئے اور اس پانی سے غسل کریں، میں نے كہا: میں نے اس سے غسل كیا ہے۔ آپ صلی اللہ علیہ وسلم نے فرمایا: پانی پر كوئی جنابت نہیں۔