طہارت اور وضو کا بیان - طہارت اور وضو کا بیان - Book 19 of Silsila Sahih with Urdu and English Translation

زید بن حارثہ‌رضی اللہ عنہ سے مروی ہے كہ نبی صلی اللہ علیہ وسلم نے فرمایا: جب وحی کی وبتدا ہوئی تو شروع میں ہی جبریل علیہ السلام آپ صلی اللہ علیہ وسلم كے پاس آئے اور آپ کو وضوء اور نماز كا طریقہ سكھایا ، جب وضو سے فارغ ہوئے تو انہوں نے پانی كا ایك چلو بھرا اور اپنی شرمگاہ پر چھینٹے مارے۔

خالد بن ولید ،یزید بن ابی سفیان ،شرحبیل بن حسنہ اور عمرو بن عاص رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: وضومكمل كرو، ایڑی (خشك رہنے) والوں كے لئے آگ كا عذاب ہے

ابو ہریرہ‌رضی اللہ عنہ كہتے ہیں كہ آپ صلی اللہ علیہ وسلم نے فرمایا: جب تم میں سے كوئی شخص اپنے دونوں پاؤں پاكیزگی كی حالت میں اپنے موزوں میں داخل کرے تو ان پر مسح كرے، مسافر كے لئے تین دن اور مقیم كے لئے ایك دن اور ایك رات۔

) ابو ہریرہ رضی اللہ عنہ سے مرفوعا مروی ہے كہ: جب تم میں سے كوئی شخص ڈھیلوں سے استنجا کرے تو طاق عدد میں استنجا کرے اور جب ناك سے پانی جھاڑے تو طاق مرتبہ(ایک یا تین مرتبہ) جھاڑے۔

ابو ہریرہ‌رضی اللہ عنہ سے مروی ہے كہ نبی صلی اللہ علیہ وسلم نے فرمایا: جب تم میں سے كوئی شخص اپنی نیند سے جاگے پھر وضو كرے تو تین مرتبہ ناك جھاڑے كیوں كہ شیطان اس كے نتھنوں میں رات گزارتا ہے۔

اسماء بنت ابی بكر صدیق رضی اللہ عنہ سے مروی ہے كہ ایك عورت نے رسول اللہ صلی اللہ علیہ وسلم سے سوال كیا: آپ كے خیال میں جس عورت كے كپڑوں كو حیض كا خون لگ جائے تو اسے کیا کرنا چاہئے؟ رسول اللہ صلی اللہ علیہ وسلم نے فرمایا: جب تم میں سے كسی عورت كے كپڑے میں حیض كا خون لگ جائے تو وہ اسے ملے، پھر اسے پانی سے دھولے (اور ایك روایت میں ہے كہ اسے پانی سے ملے پھر سارے کپڑے پر پانی ڈال لے) پھر اس میں نماز پڑھے۔

بسرہ بنت صفوان سے مروی ہے كہ نبی صلی اللہ علیہ وسلم نے فرمایا: جب تم میں سے كسی شخص كا ہاتھ اپنی شرمگاہ پر لگ جائے تو وہ دوبارہ وضو كرے۔

آپ صلی اللہ علیہ وسلم نے فرمایا: جب دو شرمگاہیں مل جائیں تو غسل واجب ہوجاتا ہے۔( ) یہ حدیث ام المؤمنین عائشہ عمرو بن عاص، ابوھریرہ عبداللہ بن اور دیگر صحابہ کرام سے انہی الفاظ سے مروی ہے۔

رسول اللہ صلی اللہ علیہ وسلم نےفرمایا:جب تم میں سے كوئی شخص استنجا كرے تو تین مرتبہ پتھر سے صاف كرے۔(ایک روایت میں ہے:تین پتھروں سے صاف کرے)۔( ) یہ حدیث سیدنا جابر، سائب بن خلدد اور ابو ایوب انصاری رضی اللہ عنہم سے مروی ہے۔

جابر بن عبداللہ رضی اللہ عنہما كہتے ہیں كہ رسول اللہ صلی اللہ علیہ وسلم نے فرمایا:جب دو شخص قضائے حاجت كا ارادہ كریں تو ایك دوسرےسےچھپ جائیں اور آپس میں بات چیت نہ كریں ، كیوں كہ اللہ عزوجل اس بات پر ناراض ہوتا ہے

عبداللہ بن عمر رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جب تم میں سے كوئی شخص وضو ءكرے اور وہ اچھی طرح وضوكرے پھر مسجد كی طرف چلے، صرف نماز ہی اسے گھر سے نكالے تو بایاں پاؤں گناہ مٹاتا رہے گا اور دایاں پاؤں نیكی لكھتا رہے گا، حتی كہ مسجد میں داخل ہو جائے

) ابو ہریرہ‌رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جب تم میں سے كوئی شخص نماز كے لئے وضو ءكرے تو ہاتھ کی انگلیاں ایک دوسرے میں داخل نہ كرے

سلمہ بن قیس اشجعی‌رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جب وضو ءكرو توناك جھاڑو اور جب استنجاء کے لیے پتھر استعمال كرو تو طاق عدد میں استعمال كرو۔

عبداللہ بن عباس رضی اللہ عنہ سے مروی ہے كہ رسول اللہ صلی اللہ علیہ وسلم نے فرمایا: جب تم وضو كرو تو اپنے ہاتھوں اور پاؤں كی انگلیوں كا خلال كرو۔

ابو ہریرہ رضی اللہ عنہ سےمرفوعامروی ہےكہ جب تم میں سےكوئی شخص قضائےحاجت كےلئےبیٹھےتونہ قبلےكی طرف رخ كرےنہ پیٹھ كرے

انس بن مالك رضی اللہ عنہ سے مروی ہے كہ رسول اللہ صلی اللہ علیہ وسلم نے (بچیوں کا ختنہ کرنے والی عورت ام عطیہ رضی اللہ عنہا سے) فرمایا:جب تم (کسی بچی) کاختنہ کرو توکھال کوہلکا سا کاٹو، یہ اس کے چہرے کی رونق/ خوبصورتی اور شوہر کے لئے عزت کا باعث ہے

سراقہ بن مالك بن جعشم رضی اللہ عنہ سے مروی ہے كہ جب وہ رسول اللہ صلی اللہ علیہ وسلم كے پاس سے آتے تو اپنی قوم كو حدیث بیان كرتے اور تعلیم دیتے۔ ایك دن ایك آدمی نے ان سے (طنز كرتے ہوئے)كہا:سراقہ كے پاس اس كےعلاوہ كوئی بات باقی نہیں بچی كہ وہ تمہیں یہ بات سكھائے كہ پاخانہ كیسے كیا جاتا ہے؟ سراقہ‌رضی اللہ عنہ نے كہا: جب تم پاخانے كے لئے جاؤ تو سائے میں اور راستے میں بیٹھنے سے بچو، چھوٹے چھوٹےپتھر لو اور اپنی پنڈلیاں ملالو اور طاق پتھر استعمال كرو

انس‌رضی اللہ عنہ سے مروی ہے كہ ام سلیم رضی اللہ عنہا نے رسول اللہ صلی اللہ علیہ وسلم سے اس عورت كے بارے میں سوال كیا جو خواب میں وہی کام دیكھتی ہے جو مرد دیكھتا ہے۔ رسول اللہ صلی اللہ علیہ وسلم نے فرمایا:جب وہ ایسا كام دیكھے اور اسے انزال ہو جائے تو اس پر غسل لازم ہے۔ ام سلمہ رضی اللہ عنہا نے كہا: اے اللہ كے رسول صلی اللہ علیہ وسلم ! کیا اس طرح ممكن ہے؟ آپ صلی اللہ علیہ وسلم نےفرمایا:ہاں، مرد كا پانی سفید گاڑھا ہوتا ہے اور عورت كا پانی پتلا زرد ہوتا ہے، ان میں سے جو سبقت لے گیا بچہ اسی كے مشابہ ہو گا

جابر بن عبداللہ رضی اللہ عنہ سے مروی ہے كہ ایك آدمی نبی صلی اللہ علیہ وسلم كے پاس سے گزرا آپ پیشاب كر رہے تھے۔ اس نے آپ كوسلام كیا، رسول اللہ صلی اللہ علیہ وسلم نے (فارغ ہوکر) فرمایا: جب تم مجھے ایسی حالت میں دیكھو تو مجھے سلام مت كہو، كیوں كہ جب تم ایسا كرو گے تو میں تمہیں جواب نہیں دوں گا۔

عائشہ rسے مروی ہے كہ نبی صلی اللہ علیہ وسلم نے فرمایا: جب تم میں سے كوئی شخص نماز پڑھ رہا ہو اور وہ بے وضو ہو جائے تو اپنی ناك پر ہاتھ ركھ كر نكل جائے