The root of this word, its grammatical form, and every other place in the Quran where the same root is used - with each of those verses one click away.
اَلنَّسْلُ کے معنی کسی چیز سے الگ ہوجانے کے ہیں۔چنانچہ محاورہ ہے:۔نَسَلَ الْوَبَرُعَنِ الْبَعِیْرِ:اون اونٹ سے الگ ہوگئی۔اور نَسَلَ الْقَمِیْصُ عَنِ الْاِنْسَانِ کے معنی قمیص کے بدن سے الگ ہوجانے کے ہیں۔ چنانچہ شاعر نے کہا ہے۔ (1) (الطویل) (۴۲۲) فَسُلِّی ثِیَابِیْ عَنْ ثِیَابِکِ تَنْسُلِیْ تو اپنے کپڑوں کو میرے کپڑوں سے کھینچ لے تاکہ جدا ہوجائیں۔ اَلنُّسَالَۃُ: (داڑھی سے) گرے ہوئے بال یا پرند کے پر جو جھڑ کر گر پڑتے ہیں۔ اَنْسَلَتِ الْاِبِلُ:اونٹوں کی اون جھڑنے کا وقت آگیا۔اسی سے نسَلَ یَنْسِلُ نَسْلَانَا ہے جس کے معنی تیز دوڑنے کے ہیں۔چنانچہ قرآن پاک میں ہے: (وَ ہُمۡ مِّنۡ کُلِّ حَدَبٍ یَّنۡسِلُوۡنَ ) (۲۱۔۹۶) اور وہ ہر بلندی سے دوڑرہے ہوں گے۔ اَلنَّسْلُ:اولاد کو کہتے ہیں کیونکہ وہ بھی اپنے باپ سے جدا ہوئی ہوتی ہے۔چنانچہ فرمایا:۔ (یُہۡلِکَ الۡحَرۡثَ وَ النَّسۡلَ) (۲۔۲۰۵) اور کھیتی کو برباد اور (انسانوں اور حیوانوں) کو نسل کو نابود کردے۔اور تَنَاسَلُوْا کے معنی تَوَالَدُوْا کے ہیں نیز جب کوئی انسان دوسرے سے خیرات طلب کرے تو کہا جاتا ہے فَخُذْ مَا نَسَلَ لَکَ مِنْہُ عَفْوَا کہ جو کچھ ملے وہی لے لو۔
2 results