مسافرکے لیے اپنی سواری پر بیٹھ کر نفلی نماز پڑھنے کا جواز

(۱۴۶۳) تخریـج:… أخرجہ البخاری: ۱۱۰۰، ومسلم: ۷۰۲ (انظر: ۱۲۲۷۷، ۱۳۱۱۳)۔

(۱۴۶۴) تخریـج:… حدیث صحیح، أخرجہ ابوداود: ۱۲۲۵، وانظر الحدیث السابق: ۴۳۴، ھو نفس ھذا الحدیث (انظر: ۱۳۱۰۹)۔

فوائد:… اس حدیث سے معلوم ہوا کہ نمازی کو تکبیر تحریمہ کہتے وقت ایک دفعہ قبلہ رخ ہو جانا چاہیے، اس کے بعد سفر کی نوعیت کے مطابق قبلہ سے رخ پھیر لینے میں کوئی حرج نہیں۔

(۱۴۶۵) تخریـج:… حدیث صحیح لغیرہ، أخرجہ ابن ابی شیبۃ: ۲/ ۴۹۳، والبزار: ۶۹۱(انظر: ۱۱۷۰۱)۔

(۱۴۶۶) تخریـج:… اسنادہ صحیح علی شرط مسلم، أخرجہ مطولا و مختصرا ابوداود: ۱۲۲۷، والترمذی: ۳۵۱(انظر: ۱۴۵۵۵)۔

فوائد:… اس حدیث کے الفاظ یہ ہیں: سیّدنا جابر ‌رضی ‌اللہ ‌عنہ کہتے ہیں: نبی کریم ‌صلی ‌اللہ ‌علیہ ‌وآلہ ‌وسلم نے مجھے کسی ضرورت کے لیے بھیجا، جب میں واپس آیا تو آپ ‌صلی ‌اللہ ‌علیہ ‌وآلہ ‌وسلم اپنی سواری پر نماز پڑھ رہے تھے، جبکہ سواری کا منہ مشرق کی طرف تھا، آپ اشارے کے ساتھ سجدہ اور رکوع کرتے اور رکوع کی بہ نسبت سجدے کے لیے زیادہ جھکتے تھے، میں نے آ کر سلام کہا تھا۔ جب آپ ‌صلی ‌اللہ ‌علیہ ‌وآلہ ‌وسلم نماز سے فارغ ہوئے تو فرمایا: فلاں فلاں کام کا کیا بنا؟ میں نماز پڑھ رہا تھا۔ اگر مدینہ منورہ میں مشرق کی طرف منہ کیا جائے تو نمازی کی دائیں جانب کعبہ کی طرف ہو جاتی ہے۔

(۱۴۶۷) تخریـج:… أخرجہ البخاری: ۱۰۰۰، ومسلم: ۷۰۰ (انظر: ۴۴۷۰، ۴۷۱۴)۔

فوائد:… اس حدیث میں بیان کردہ صورت میں غالب اوقات یا پوری نماز میں کعبہ کی طرف نمازی کی پشت رہے گی۔

(۱۴۶۸) تخریـج:… اسنادہ صحیح علی شرط الشیخین، أخرجہ مسلم: ۷۰۰، وقد تقدم: انظر: ۴۳۸۔

فوائد:… خیبر مشرق کی سمت میں پڑتا تھا، جیسا کہ اس حدیث کے ان الفاظ سے معلوم ہوتا ہے: سیّدنا عبد اللہ بن عمر ‌رضی ‌اللہ ‌عنہ کہتے ہیں: میں نے رسول اللہ ‌صلی ‌اللہ ‌علیہ ‌وآلہ ‌وسلم کو دیکھا کہ آپ گدھے پر سوار ہو کر نماز پڑھ رہے تھے اور آپ ‌صلی ‌اللہ ‌علیہ ‌وآلہ ‌وسلم کا رخ خیبریعنی مشرق کی طرف تھا۔ (مسند احمد: ۵۲۰۶)

(۱۴۶۹) تخریـج:… تقدم، انظر: ۴۳۸۔

(۱۴۷۰) تخریـج:… أخرجہ البخاری: ۱۱۰۰، ومسلم: ۷۰۲ (انظر: ۱۳۱۱۳)۔

(۱۴۷۱) تخریـج:… أخرجہ البخاری: ۱۰۹۳، ومسلم: ۷۰۱ (انظر: ۱۵۶۷۲، ۱۵۶۸۶)۔

فوائد:… عین التمر مقام ،شام کے ساتھ ملا ہوا عراق کے راستے پر پڑتا ہے ۔ جہاں تک ممکن ہو سکے فرضی اور نفلی نماز میں قبلہ رخ ہونے کا اہتمام کیا جائے گا، مذکورہ بالا احادیث میں سواری جیسے عذر کی بنا پر نفلی نماز کے لیے قبلہ رخ ہونے کے معاملے میں ایک رخصت دی گئی ہے۔ البتہ حدیث نمبر (۴۳۵) سے ثابت ہوتا ہے کہ نمازی کو تکبیر تحریمہ کہتے وقت ایک دفعہ قبلہ رخ ہو جانا چاہیے، اس کے بعد سفر کی نوعیت کے مطابق قبلہ سے رخ پھیر لینے میں کوئی حرج نہیں، ذہن نشین رہنا چاہیے کہ یہ رخصت سفر و حضر کے لیے عام ہے۔ ہمارے ہاں عام طور پر یہ دیکھا گیا ہے کہ آرام دہ سفر اور گاڑیاں ہونے کے باوجود نبی کریم ‌صلی ‌اللہ ‌علیہ ‌وآلہ ‌وسلم کی اس سنت پر عمل نہیں کیا جاتا، بلکہ اکثریت کو دوران سفر موسیقی اور فحش گانے سننے یا گندی اور حیا باختہ فلمیں دیکھنےیا گپ شپ لگانے کا نشہ کی حد تک شوق ہوتا ہے۔ ہمیں اپنے مہربان نبی کی اطاعت و فرمانبرداری کا اہتمام کرنا چاہیے۔

(۱۴۷۲) تخریـج:… اسنادہ ضعیف، عمرو بن عثمان لایعرف کوالدہ۔ أخرجہ الترمذی: ۴۱۱ (انظر: ۱۷۵۷۳)

فوائد:… یہ روایت تو ضعیف ہے، لیکن عذر اور مجبوری کی صورت میں سواری پر فرضی نماز پڑھنا جائز ہے، دلائل درج ذیل ہیں، دوسری دلیل زیادہ واضح ہے: (۱)… ارشادِ باری تعالیٰ ہے: {لَا یُکَلِّفَ اللّٰہُ نَفْسًا اِلَّا وُسْعَھَا} (سورۂ بقرہ: ) یعنی: اللہ تعالیٰ کسی نفس کو تکلیف نہیں دیتا، مگراس کی طاقت کے مطابق۔ یہ ایک عام قانون ہے، ہر شخص اللہ تعالیٰ سے ڈرتے ہوئے اپنی طاقت کا اندازہ کر کے اس پر عمل کر سکتا ہے، مثلا بیٹھ کر یا لیٹ کر یا وضو اور غسل کی بجائے تیمم کر کے یا زمین پر یا سواری پر نماز ادا کرنا۔ نیز درج ذیل دو امور پر غور کریں: (الف):… آپ ‌صلی ‌اللہ ‌علیہ ‌وآلہ ‌وسلم نے استحاضہ والی اس خاتون کو نماز پڑھنے کا حکم دیا، جس کی شرمگاہ سے دوران نماز خون جاری رہتا تھا، البتہ اس کے لیےیہ ضروری ہے کہ ہر نماز سے پہلے وضو کر لے۔ (ب):… آپ ‌صلی ‌اللہ ‌علیہ ‌وآلہ ‌وسلم نے اس صحابی کی نماز کو درست قرار دیا تھا، جس نے پانی نہ ہونے کی وجہ سے وضو کے بغیر نماز پڑھ لی تھی، ابھی تک تیمم کرنے کی رخصت نہیں دی گئی تھی۔ امام نسائی ‌رحمتہ ‌اللہ ‌علیہ ‌ نے اس حدیث سے یہ استدلال کشید کیا ہے اور حق کہا کہ جس آدمی کے پاس پانی اور مٹی دونوں نہیں ہوں گے، وہ وضو اور تیمم کے بغیر نماز پڑھے گا، کیونکہ وجہ اور سبب ایک ہے۔ اگر خون بہنے کے باوجود اور وضو کے بغیر نماز پڑھنے کی رخصت دی جا سکتی ہے، تو یقینا کسی عذر کی صورت میں سواری پر نماز پڑھنا بھی درست ہو گا۔ قارئین ذہن نشین کر لیں کہ آج کل ایسی صورتیں پیدا ہو جاتی ہیں کہ پانی اور مٹی دونوں نمازی کی دسترس میں نہیں ہوتے۔ ان دنوںمیں سواری کو عذر قراردینے کی صورت یہ ہے کہ آدمی کسی گاڑی پر سفر کر رہا ہے، سفر جاری رکھنا بھی اس کی مجبوری ہو اور گاڑی کی انتظامیہ لوگوں کے اصرار کے باوجودگاڑی روکنے کے لیے تیار بھی نہ ہو تو ایسی صورت میں سواری پر نماز ادا کر لینے میں کوئی حرج نہیں ہو گا۔ اگر ذاتی گاڑی ہو یا تاخیر ہو جانے کی صورت میں مسافر کے لیے کوئی مسئلہ کھڑا نہ ہوتا ہو تو ایسی صورت میں سواری پر نماز ادا کرنے سے گریز کیا جائے۔ (۲):… اللہ تعالیٰ نے فرمایا: {حَافِظُوْا عَلَی الصَّلَوَاتِ وَالصَّلٰوۃِ الْوُسْطٰی وَقُوْمُوْا لِلّٰہِ قٰنِتِیْنَ۔ فَاِنْ خِفْتُمْ فَرِجَالًا أَوْ رُکْبَانًا فَاِذَا اَمِنْتُمْ فَاذْکُرُوْا اللّٰہَ کَمَا عَلَّمَکَُمْ مَّا لَمْ تَکُوْنُوْا تَعْلَمُوْنَo} (البقرہ: ۲۳۸، ۲۳۹) یعنی: نمازوں کی حفاظت کرو، بالخصوص درمیان والی نماز کی اور اللہ تعالیٰ کے لیے باادب کھڑے رہا کرو۔ اگر تمہیں خوف ہو تو پیدل ہی سہییا سوار ہی سہی، ہاں جب امن ہو جائے تو اللہ کا ذکر کرو جس طرح کہ اس نے تمہیں اس بات کی تعلیم دی جسے تم نہیں جانتے تھے۔ اس آیت مبارکہ میں اللہ تعالیٰ دشمن کے خوف کی بنا پر پیدل چلتے ہوئے یا سواری پر فرض نماز پڑھ لینے کا حکم دیا ہے، اس عذر کا اتفافی طور پر ذکر کیا گیا ہے، وگرنہ کسی اور مجبوری کی صورت میں بھی اس آیت پر عمل کیا جا سکتا ہے۔ (۳)… جب نبی کریم ‌صلی ‌اللہ ‌علیہ ‌وآلہ ‌وسلم سے کشتی میں نماز ادا کرنے کے بارے میں پوچھا گیا تو آپ ‌صلی ‌اللہ ‌علیہ ‌وآلہ ‌وسلم نے جواب دیا: ((صَلِّ فِیْھَا قَائِمًا اِلَّا اَنْ تَخَافَ الْغَرْقَ۔)) یعنی: کشتی میں کھڑے ہو کر نماز پڑھو، ہاں اگر پانی میں غرق ہونے کا ڈر ہو (تو بیٹھ کر پڑھ لو)۔ (البزار: ۶۸، دارقطنی: ) تیسری دلیل کے بارے قارئین خود بھی سوچ لیں کہ کیا کشتی کو سواری کہا جا سکتا ہے۔