The root of this word, its grammatical form, and every other place in the Quran where the same root is used - with each of those verses one click away.
اَلْجِدَالُ: (مفاعلۃ) کے معنی ایسی گفتگو کرنا کے ہیں، جس میں طرفین ایک دوسرے پر غلبہ حاصل کرنے کی کوشش کریں، اصل میں یہ جَدَلْتُ الْحَبْلَ سے مشتق ہے۔ جس کے معنی ہیں رسی کو مضبوط بٹنا، اسی سے بٹی ہوئی رسی کو اَلْجَدِیْلُ کہا جاتا ہے۔ جَدَلْتُ الْبِنَائَ: مضبوط عمارت بنانا۔ دِرْعٌ مَجْذُوْلَۃٌ مضبوط زرہ۔ اَلْاَجْدَلُ۔ شکرا۔ کیونکہ اس کا بدن بھی گٹھا ہوا ہوتا ہے۔ اَلْمِجْدَلُ: مضبوط محل۔ اسی سے اَلْجِدَالُ (جھگڑنا) ہے، کیونکہ جھگڑنے والے بھی ایک دوسرے کو اس کی رائے سے اس طرح پھیرنے کی کوشش کرتے ہیں۔ جیساکہ رسی کو پیچ دیا جاتا ہے۔ بعض علماء کا خیال ہے کہ اصل میں جِدال کے معنی صِرَاع یعنی ایک دوسرے کو جِدَالَۃ یعنی سخت زمین پر پچھاڑ دینا کے ہیں۔ قرآن پاک میں ہے: (وَ جَادِلۡہُمۡ بِالَّتِیۡ ہِیَ اَحۡسَنُ) (۱۶:۱۲۵) اور بہت ہی اچھے طریق سے ان سے مناظرہ کرو۔ (الَّذِیۡنَ یُجَادِلُوۡنَ فِیۡۤ اٰیٰتِ اللہِ) (۴۰:۳۵) جو لوگ … خدا کی آیتوں میں جھگڑتے ہیں۔ (وَ اِنۡ جٰدَلُوۡکَ فَقُلِ اللّٰہُ اَعۡلَمُ ) (۲۲:۶۸) اور اگر یہ تم سے جھگڑا کریں تو کہہ دو کہ … اﷲ ان سے خوب واقف ہے۔ (قَدۡ جٰدَلۡتَنَا فَاَکۡثَرۡتَ جِدَالَنَا ) (۱۱:۳۲) تم نے ہم سے جھگڑا کیا اور جھگڑا بھی بہت کیا۔ ایک قرأت میں جَدَلَنَا بھی ہے۔ (مَا ضَرَبُوۡہُ لَکَ اِلَّا جَدَلًا) (۴۳:۵۸) انہوں نے (عیسیٰ کی) جو مثال بیان کی ہے تو صرف جھگڑنے کو۔ (وَ کَانَ الۡاِنۡسَانُ اَکۡثَرَ شَیۡءٍ جَدَلًا) (۱۸:۵۴) لیکن انسان سب چیزوں سے بڑھ کر جھگڑالو ہے۔ (وَ ہُمۡ یُجَادِلُوۡنَ فِی اللہِ) (۱۳:۱۳) اور وہ خدا کے بارے میں جھگڑتے ہیں۔ (یُجَادِلُنَا فِیۡ قَوۡمِ لُوۡطٍ) (۱۱:۷۴) وہ قوم لوط کے بارے میں لگے ہم سے بحث کرنے۔ (وَ جٰدَلُوۡا بِالۡبَاطِلِ ) (۴۰:۵) اور بیہودہ (شبہات سے) جھگڑتے رہے۔ (وَ مِنَ النَّاسِ مَنۡ یُّجَادِلُ فِی اللّٰہِ ) (۲۲:۳) اور بعض لوگ ایسے ہیں جو خدا کی شان میں … جھگڑتے … ہیں۔ (وَ لَا جِدَالَ فِی الۡحَجِّ) (۲:۱۹۷) تو حج کے دنوں) میں … نہ کسی سے جھگڑے۔
2 results