The root of this word, its grammatical form, and every other place in the Quran where the same root is used - with each of those verses one click away.
اَلنَّشْزُ:بلند زمین کو کہتے ہیں اور نَشَزَ فُلَانٌ کے معنی بلند زمین کا قصد کرنے کے ہیں اسی سے نَشَزَ فُلَانٌ عَنْ مَّقَرِّہ کا محاورہ ہے جس کے معنی کسی کے اپنی قرارگاہ سے اوپر ابھرآنے کے ہیں اور ہر اوپر اٹھنے والی چیز کو نَاشِزٌ کہا جاتا ہے۔چنانچہ قرآن پاک میں ہے:۔ (وَ اِذَا قِیۡلَ انۡشُزُوۡا فَانۡشُزُوۡا) (۵۸۔۱۱) اور جب کہا جائے کہ اٹھ کھڑے ہو تو اٹھ کھڑے ہوا کرو۔اور نَشْزٌ وَاِنْشَازٌ کے معنی زندہ کرنا بھی آتے ہیں کیونکہ زندگی میں بھی ایک طرح کا ابھار پایا جاتا ہے چنانچہ فرمایا:۔ (وَ انۡظُرۡ اِلَی الۡعِظَامِ کَیۡفَ نُنۡشِزُہَا ثُمَّ نَکۡسُوۡہَا لَحۡمًا) (۲۔۲۵۹) اور وہاں گدھے کی ہڈیوں کو دیکھو کہ ہم ان کو کیونکر جوڑدیتے ہیں اور ان پر کس طرح گوشت پوست چڑھادیتے ہیں اور نُنْشِزُھَا کے نون پر ضمہ اور فتحہ دونوں جائز ہیں اور نُشُوْزُ الْمَرْئَ ۃِ کے معنی عورت اپنے شوہر کو برا سمجھے اورسرکشی کرنے اور کسی دوسے مرد پر نظر رکھنے کے ہیں ۔چنانچہ قرآن پاک میں ہے:۔ (وَ الّٰتِیۡ تَخَافُوۡنَ نُشُوۡزَہُنَّ ) (۴۔۳۳) اور جن عورتوں کی نسبت تمہیں معلوم ہوکہ سرکشی (اور بدخوئی) کرنے لگی ہیں۔چنانچہ اس معنی کے پیش نظر شاعر نے کہا ہے (1) (الطویل) (۴۲۶) اِذَا جَلَسْتَ عِنْدَ الْاِمَامِ کَانَّھَا تَرٰی رُفْقَُۃً مِنْ سَاعَۃِِ تَسْتَحِیْلُھَا اور عِرْقٌ نَّاشِرٌ کے معنی پھولی ہوئی رگ کے ہیں۔
1 results