اللہ کے نبی اسحاق علیہ السلام اور پھر یعقوب علیہ السلام کے ذکر کا بیان

(۱۰۳۵۴) تخریج: أخرجہ البخاری: ۳۳۹۰، ۴۶۸۸ (انظر: ۵۷۱۲)

فوائد:… اس حدیث ِ مبارکہ میں چار انبیائے کرام کی تعریف کی گئی ہے۔ کریم کے معانی معزز، شریف ، مہربان، پاکیزہ، باوقار، درگذر کرنے والا، وسیع الظرف، عالی ظرف، عمدہ، قابل قدر، قیمتی، سخی اور فیاض کے ہیں۔ نبی کریم ‌صلی ‌اللہ ‌علیہ ‌وآلہ ‌وسلم کا مقصود یہ تھا کہ یہ چاروں ہستیاں معزز و مکرم بزرگ تھیں۔

(۱۰۴۱۵) تخریج: أخرجہ البخاری: ۳۲۸۶ (انظر: ۱۰۷۷۳)

فوائد:… پردے سے مراد وہ جھلی ہے، جس میں بچہ رحمِ مادر میں لپٹا ہوا ہوتا ہے اور بوقت ِ ولادت بچہ کے ساتھ نکلتی ہے۔ شیطانیہ چوکا لگا کر بچے پر اپنے تسلّط کا آغاز کرتا ہے، لیکن اللہ تعالیٰ نے عیسی علیہ السلام اور ان کی ماں کی اس سے حفاظت کی،یہ ان کی ماں کی دعا کی برکت تھی، جیسا کہ سیدنا ابو ہریرہ ‌رضی ‌اللہ ‌عنہ نے کہا، دیکھیں حدیث نمبر (۱۰۴۱۰)

(۱۰۴۱۶) تخریج: أخرجہ مسلم: ۲۳۶۵(انظر: ۸۲۴۸)

فوائد:… علاتی بھائی وہ ہوتے ہیں، جن کا باپ ایک ہو اور مائیں مختلف ہوں، آپ ‌صلی ‌اللہ ‌علیہ ‌وآلہ ‌وسلم نے دین کے اصول کو باپ سے اور دین کی فروعات کو ماؤں سے تشبیہ دی،یعنی انبیاء و رسل کے ادیان کے اصول یکساں تھے، البتہ شریعت کی فروعات مختلف ہوتی تھیں۔ اگرچہ عیسی علیہ السلام اور نبی کریم ‌صلی ‌اللہ ‌علیہ ‌وآلہ ‌وسلم کی بعثت کے مابین تقریبا چھ صدیوں کا فاصلہ ہے، لیکن ان دو ہستیوں کے درمیان کوئی اور نبی نہیں آیا، اس اعتبار سے آپ ‌صلی ‌اللہ ‌علیہ ‌وآلہ ‌وسلم عیسی علیہ السلام کے قریب تر ہیں۔

(۱۰۴۱۷) تخریج: اسنادہ صحیح علی شرطھما (انظر: ۷۹۷۰)

فوائد:… تمام مسلمان یہ حدیث ذہن نشین کریں اور اپنی نسل کو اس کی تعلیم دیں، تاکہ جس کے زمانے میں حضرت عیسی علیہ السلام کا ظہور ہو وہ ان کو آپ ‌صلی ‌اللہ ‌علیہ ‌وآلہ ‌وسلم کا سلام پہنچائے۔