The root of this word, its grammatical form, and every other place in the Quran where the same root is used - with each of those verses one click away.
اَللَّعْنُ: کسی کو ناراضگی کی بناء پر اپنے سے دور کردینا اور دھتکار دینا۔ خدا کی طرف سے کسی شخص پر لعنت سے مراد یہ ہوتی ہے کہ وہ دنیا میں تو اﷲ کی رحمت اور توفیق سے اثر پذیر ہونے سے محروم ہوجائے اور آخرت میں عقوبت کا مستحق قرار پائے اور انسان کی طرف سے کسی پر لعنت بھیجنے کے معنی بددعا کے ہوتے ہیں۔ قرآن پاک میں ہے: (اَلَا لَعۡنَۃُ اللّٰہِ عَلَی الظّٰلِمِیۡنَ) (۱۱۔۱۸) سن رکھو کہ ظالموں پر خدا کی لعنت ہے۔ (وَ الۡخَامِسَۃُ اَنَّ لَعۡنَتَ اللّٰہِ عَلَیۡہِ اِنۡ کَانَ مِنَ الۡکٰذِبِیۡنَ) (۲۴۔۷) اور پانچویں (بار) یہ کہے کہ اگر وہ جھوٹا ہوتو اس پر خدا کی لعنت ہو۔ (لُعِنَ الَّذِیۡنَ کَفَرُوۡا مِنۡۢ بَنِیۡۤ اِسۡرَآءِیۡلَ ) (۵۔۷۸) جو لوگ بنی اسرائیل میں کافر ہوئے ان پر لعنت کی گئی۔ (وَ یَلۡعَنُہُمُ اللّٰعِنُوۡنَ ) (۲۔۱۵۹) اور لعنت کرنے والے ان پر لعنت کرتے ہیں۔ (1) اَللُّعْنَۃُ (بفتح العین) لَعَنَ (متعدی) سے ہے یعنی دوسروں پر بہت لعنت کرنے والا۔ اَلتَّلاعُنُ وَالْمُلَا عَنَۃُ: لوگوں کا باہم اپنے آپ یا دوسروں پر لعنت بھیجنا۔
23 results