اخلاق، نیکی اور صلہ رحمی - اخلاق، نیکی اور صلہ رحمی - Book 1 of Silsila Sahih with Urdu and English Translation

عبداللہ بن عمر رضی اللہ عنہما نبی صلی اللہ علیہ وسلم سے روایت کرتے ہیں کہ : ”مومن کو یہ زیب نہیں دیتا کہ وہ بہت زیادہ لعن طعن کرتا ہو“۔

انس‌رضی اللہ عنہ سے مروی ہے انہوں نے کہا کہ رسول اللہ صلی اللہ علیہ وسلم ابوذر رضی اللہ عنہ سے ملے تو فرمایا: ابو ذر ! کیا میں تمہیں دو خصلتوں کے بارے مںَ نہ بتاؤں جو پشت پر ہلکی (یعنی کرنے میں آسان) اور (میزان میں)دوسروں سے بھاری ہونگی؟ ابو ذر نے کہا کیوں نہیں اے اللہ کے رسول۔آپ نے فرمایا: اچھا اخلاق اور طویل خاموشی کو لازم کر لو، اس ذات کی قسم جس کے ہاتھ میں میری جان ہے، مخلوق نے ان دونوں جیسا کوئی عمل نہیں کیا

سائب بن یزید سے مروی ہے کہ ایک عورت رسول اللہ صلی اللہ علیہ وسلم کے پاس آئی تو آپ نے فرمایا: عائشہ کیا تم اسے جانتی ہو؟ انہوں نے کہا: نہیں اے اللہ کے نبی! آپ نے فرمایا: یہ بنی فلاں کی مغنیہ (گانے والی) ہے۔ تم چاہتی ہو کہ یہ تمہارے لئے گائے؟ انہوں نے کہا جی ہاں۔ آپ نے اسے تھال دیا اس نے اسے بجا کر گایا تو نبی صلی اللہ علیہ وسلم نے فرمایا شیطان نے اس کے نتھنوں میں پھونک مار دی ہے

عائشہ رضی اللہ عنہا سے مروی ہے کہ رسول اللہ صلی اللہ علیہ وسلم نے ان سے فرمایا: عائشہ ! نَرمی کیا کرو، کیونکہ اللہ تعالیٰ جب کسی گھر والوں کے ساتھ بھلائی کا ارادہ کرتا ہے تو ان کی راہنمائی نرمی کے دروازے کی طرف کر دیتا ہے