قربانی، ذبحہ ، عقیقہ،كھانے،پنےْ اور حیوانوں كےساتھ نرمی كرنے كا بیان - قربانی، ذبحہ ، عقیقہ،كھانے،پنےْ اور حیوانوں كےساتھ نرمی كرنے كا بیان - Book 4 of Silsila Sahih with Urdu and English Translation

انس‌رضی اللہ عنہ سے مرفوعا مروی ہے كہ: جب نبی ‌صلی اللہ علیہ وسلم ‌بحیثیت نبی مبعوث ہوگئے توآپ ‌صلی اللہ علیہ وسلم ‌نے اپنی طرف سے عقیقہ کیا۔

جابر بن عبداللہ رضی اللہ عنہما سے مرفوعا مروی ہے كہ: برتن ڈھانپ دو، مشكیزِے باندھ دو، كیونكہ سال میں ایك رات ایسی ہے جس میں وبا نازل ہوتی ہے۔ جس برتن پر ڈھكن نہیں ہوتا یا جومشكیز ہ كھلا ہوتا ہے اس میں وبا داخل ہوجاتی ہے۔( )

ابوہریرہ‌رضی اللہ عنہ سے مروی ہے كہ رسول اللہ ‌صلی اللہ علیہ وسلم ‌نے فرمایا: بنی اسرائیل كی ایك امت گم ہوگئی تھی۔ معلوم نہیں اس كے ساتھ كیا ہوا؟ میرے خیال میں یہ چوہے ہیں( كیا تم نہیں دیكھتے) جب ان كے سامنے اونٹ كا دودھ ركھا جاتا ہے تونہیں تو پیتے اور جب بکری كا دودھ ان كے سامنے ركھا جاتا ہے توپی لیتے ہیں(

عائشہ رضی اللہ عنہا کہتی ہیں کہ میں رسول اللہ ‌صلی اللہ علیہ وسلم ‌كے پاس (گوشت اور آٹے سے تیار کردہ) حلوہ پكا كر لائی، میں نے حضرت سودہ رضی اللہ عنہا سے كہا: جبکہ نبی صلی اللہ علیہ وسلم ہمارے درمیان میں تھے۔ میں نے کہا:كھاؤ۔ سودہ رضی اللہ عنہا نے انكار كر دیا، میں نے كہا: تم اسے كھاؤ وگرنہ میں اسے تمہارےچہرےپرمل دوں گی۔ اس نے پھر انكار كیا، میں نےحلوے میں اپنا ہاتھ ڈالا، اور سودہ رضی اللہ عنہ كے چہرے پر مل دیا۔ نبی ‌صلی اللہ علیہ وسلم ‌ہنسنے لگے۔ آپ نے اپنی ران (عائشہ رضی اللہ عنہا پر) ركھ دی اور سودہ رضی اللہ عنہا سے كہا: اس كے چہرے پر مل دو، اس نے میرے چہرے پر بھی مل دیا۔ نبی ‌صلی اللہ علیہ وسلم ‌اسی طرح مسكرانے لگے۔ عمر‌رضی اللہ عنہ گزرے اور آواز دی: اے عبداللہ، اے عبداللہ نبی ‌صلی اللہ علیہ وسلم ‌سمجھے كہ عمر اندر آجائیں گے۔ آپ نے ان دونوں سے كہا: كھڑی ہوجاؤ اپنے چہر ے دھولو۔ یعنی عائشہ اور سودہ رضی اللہ عنہما سے۔ عائشہ رضی اللہ عنہا كہتی ہیں کہ رسول اللہ ‌صلی اللہ علیہ وسلم ‌کے عمر‌رضی اللہ عنہ کی ہیبت کا خیال کرنے کی وجہ سے میں ہمیشہ ان سے ڈرتی رہی کیونکہ رسول اللہ ‌صلی اللہ علیہ وسلم ‌بھی عمر سے اس وقت ڈر گئے تھے۔

عائشہ رضی اللہ عنہا كہتی ہیں كہ نبی ‌صلی اللہ علیہ وسلم ‌كا سب سے پسندیدہ مشروب ٹھنڈامیٹھا (پانی ودودھ )تھا ۔

عبداللہ سے مروی ہے كہ رسول اللہ ‌صلی اللہ علیہ وسلم ‌كا سب سے پسندیدہ گوشت بكری كا بازوتھا۔

عائشہ رضی اللہ عنہا كہتی ہیں كہ آپ ‌صلی اللہ علیہ وسلم ‌جب كھانا كھاتے تواپنے سامنے سے كھاتے۔( )

انس بن مالك‌رضی اللہ عنہ سے مروی ہے كہ آپ ‌صلی اللہ علیہ وسلم ‌جب پانی وغیرہ پیتے توتین سانس لیتے اور فرماتے یہ زیادہ عمدہ,راحت اور صحت بخش طریقہ ہے ۔ ( )

ابوایوب انصاری‌رضی اللہ عنہ سے مروی ہے كہ رسول اللہ ‌صلی اللہ علیہ وسلم ‌جب كھانا كھاتے یا پانی پیتے توكہتے: الْحَمْدُ لِلهِ الَّذِي أَطْعَمَ وَسَقَى وَسَوَّغَهُ وَجَعَلَ لَهُ مَخْرَجًا.”تمام تعریفات اس اللہ كے لئے ہیں جس نے كھلایا اور پلایا۔ اسے آسانی سے نگلنے كی سہولت دی اور اس كے نکلنے كے لئے راستہ بنایا۔

ابوسعید خدری رضی اللہ عنہ سے مروی ہے کہ آپ ‌صلی اللہ علیہ وسلم ‌ہمیں منع کرتے تھے کہ ہم اپنی قربانیوں کا گوشت تین دن کے بعد کھائیں۔ میں ایک سفر میں نکلا، پھر اپنے گھر آیا۔ یہ عیدالاضحیٰ کے کچھ دن بعد کا واقعہ ہے۔ میری بیوی میرے پاس پنڈلی کا گوشت لائی جس میں اس نے خشک گوشت کے ٹکڑے رکھے ہوئے تھے۔ میں نے اس سے کہا: تمہیں یہ خشک گوشت کہاں سے ملا؟ اس نے کہا: یہ گوشت تو ہماری قربانیوں کا ہے۔ میں نے اس سے کہا: کیا رسول اﷲ ‌صلی اللہ علیہ وسلم ‌نے ہمیں اس سے منع نہیں کیا کہ ہم یہ گوشت تین دن کے بعد نہ کھائیں؟ اس نے کہا: اس حکم کے بعد آپ نے لوگوں کو رخصت دے دی ہے۔ انہوں نے کہا کہ: میں نے اس کی تصدیق نہیں کی، اور اپنے بھائی قتادہ بن نعمان کی طرف پیغام بھیجا اور ان سے اس بارے میں سوال کیا۔ تو انہوں نے جواباً پیغام بھیجا کہ یہ گوشت کھالو، تمہاری بیوی نے سچ کہا۔ رسول اﷲ ‌صلی اللہ علیہ وسلم ‌نے اس مسئلے میں مسلمانوں کو رخصت دے دی ہے۔

عبداللہ بن بسر سے مروی ہے كہ نبی ‌صلی اللہ علیہ وسلم ‌كا ایك تھال تھا جسے غراء كہا جاتا تھا، اور اسے چار آدمی اٹھایا كرتے تھے۔( )

عائشہ رضی اللہ عنہا كہتی ہیں كہ آپ ‌صلی اللہ علیہ وسلم ‌كھجوروں کے ساتھ تربوز كھایا كرتے تھےاور كہتے تھے: ہم اس كی گرمی تربوز كی ٹھنڈك سے ختم كرتے ہیں، اور اس كی ٹھنڈك كھجور كی گرمی سے ختم كرتے ہیں۔

انس‌رضی اللہ عنہ كہتے ہیں كہ آپ ‌صلی اللہ علیہ وسلم ‌كھجوروں كے ساتھ تربوز كھایا كرتے تھے۔( )

عبداللہ بن جعفر كہتے ہیں کہ آپ ‌صلی اللہ علیہ وسلم ‌كھجوروں كے ساتھ ككڑی كھایا كرتے تھے۔( )

انس بن مالك‌رضی اللہ عنہ كہتےِ ہیںٍ كہ آپ ‌صلی اللہ علیہ وسلم ‌كے پاس كھجوریں لائی گیٴ جس میں کیڑے پیدا ہوگئے تھےآپ اس سے گھن الگ کرکے کھا رہے تھے

انس بن مالك‌رضی اللہ عنہ كہتے ہیں كہ آپ ‌صلی اللہ علیہ وسلم ‌كدوپسند كیا كرتے تھے۔( )

ابوہریرہ‌رضی اللہ عنہ كہتے ہیں كہ آپ ‌صلی اللہ علیہ وسلم ‌تین سانسوں میں پانی پیا كرتے تھے۔ جب برتن كواپنے منہ كے قریب لاتے توبسم اللہ كہتے، جب پیچھے كرتے توالحمدللہ كہتے آپ اس طرح تین مرتبہ كرتے۔

عائشہ رضی اللہ عنہا كہتی ہیں كہ آپ ‌صلی اللہ علیہ وسلم ‌كوٹھنڈی کی ہوئی میٹھی چیزپسند تھی ۔( )

جابر‌رضی اللہ عنہ كہتے ہیں كہ آپ صلی اللہ علیہ وسلم کے لئے مشکیزے میں نبیذ تیار کی جاتی،اگر مشکیزہ میسر نہ ہوتا توپتھر کے برتن میں تیار کی جاتی ۔ ( )

ابوہریرہ‌رضی اللہ عنہ سے مروی ہے كہ رسول اللہ ‌صلی اللہ علیہ وسلم ‌نے فرمایا: درندوں میں سے ہر كچلی والے جانور کا كھانا حرام ہے۔( )