قربانی، ذبحہ ، عقیقہ،كھانے،پنےْ اور حیوانوں كےساتھ نرمی كرنے كا بیان - قربانی، ذبحہ ، عقیقہ،كھانے،پنےْ اور حیوانوں كےساتھ نرمی كرنے كا بیان - Book 4 of Silsila Sahih with Urdu and English Translation

ابوامامہ باہیب رضی اللہ عنہ سے مرفوعا مروی ہےكہ ہر چیز سے ذبح کئے ہوئے جانور کا گوشت کھالو جس سے رگیں کٹ جائیں ماسوائے دانتوں کے کاٹنے اور ناخن کے سوراخ کرنے سے۔

نبی ‌صلی اللہ علیہ وسلم ‌نے فرمایا: ہر وہ چیز تمہارا تیر تمہاری طرف لوٹادے اسے کھالو۔( )

واثلہ بن اسقع لیثی رضی اللہ عنہ سے مروی ہے كہ رسول اللہ ‌صلی اللہ علیہ وسلم ‌نے ثرید والے برتن کے درمیان (چوٹی) پر ہاتھ رکھا اور كہا: بسم اللہ كہہ كر اس كے اطراف سے كھاؤ، اس كے اوپر کے حصے كوچھوڑ دوكیونكہ بركت اوپر سے آتی ہے۔( )

عبداللہ بن بسر سے مروی ہے كہ: نبی ‌صلی اللہ علیہ وسلم ‌كوایك بكری تحفے میں دی گئی ۔ اس دن كھانا تھوڑا تھا۔ آپ نے اپنے گھر والوں سے كہا: اس بكری كوپكالو، اور اس آٹے كی طرف دیکھو اور روٹیاں بنالو، پكاؤ اور اس كی ثرید بناؤ۔ نبی ‌صلی اللہ علیہ وسلم ‌كا ایك تھال تھا جسے غراءكہا جاتا تھا، اسے چار آدمی اٹھایا كرتے تھے۔ جب صبح ہوئی اور چاشت کی نماز پڑھ لی تووہ تھال لایا گیا۔ لوگ اس پر چڑھ گئے۔ جب لوگ زیادہ ہوگئے تورسول اللہ ‌صلی اللہ علیہ وسلم ‌گھٹنوں كے بل بیٹھ گئے۔ ایك بدونے كہا: آپ اس طرح كیسے بیٹھےہو ؟ نبی ‌صلی اللہ علیہ وسلم ‌نے فرمایا: اللہ تعالیٰ نے مجھے معزز بندہ بنایا ہے، مجھے سخت گیر سر كش نہیں بنایا۔ پھر رسول اللہ ‌صلی اللہ علیہ وسلم ‌نے فرمایا: اس كے اطراف سے كھاؤ، اور اس كے درمیانی( اوپری) حصے كوچھوڑ دو، تمہارے لئے اس میں بركت ڈال دی جائے گی۔ پھر فرمایا: شروع کرو، اس ذات كی قسم جس كے ہاتھ میں محمد ‌صلی اللہ علیہ وسلم ‌كی جان ہے، تم فارس وروم كی سلطنت فتح كروگے، اس وقت كھانا زیادہ ہوجائے گا، اور پھر اس پر اللہ كا نام بھی نہیں لیا جائے گا۔( )

رسول اللہ ‌صلی اللہ علیہ وسلم ‌نے فرمایا: زیتون كا تیل كھاؤ اور اسے بالوں میں لگاؤ، كیو نكہ یہ مبارك درخت سے بنا ہے۔( )

عبداللہ بن ابی یزید سے مروی ہے كہ ابویزید نے بیان كیا : میں نے ام ایوب كے پاس قیام کیا جن كے پاس رسول اللہ ‌صلی اللہ علیہ وسلم ‌ قیا م كیا کرتے تھے۔ میں ان كے پاس ٹھہرا توانہو ں نے رسول اللہ ‌صلی اللہ علیہ وسلم ‌سے مجھے یہ حدیث بیان كی كہ: انہو ں نے پر تكلف كھانا بنایا، جس میں كچھ سبزیاں بھی تھیں، وہ كھانا جب نبی ‌صلی اللہ علیہ وسلم ‌كے قریب كیا گیا توآپ نے اسے نا پسند كیا اور اپنے ساتھیوں سے كہا : اسے كھالو،یعنی لہسن کو میں تمہاری طرح نہیں میں ڈرتا ہوں كہ كہیں میں اپنے ساتھی (یعنی فرشتے) كوتكلف نہ دوں۔( )

عائشہ رضی اللہ عنہ كہتی ہیں كہ علی‌رضی اللہ عنہ ایك سفر سے آئے توہم نے ان كے سامنے قربانی كا گوشت پیش کیا ۔ انہوں نے كہا: جب تك میں رسول اللہ ‌صلی اللہ علیہ وسلم ‌سے نہ پوچھ لوں اسے نہیں كھاؤں گا۔ كہتی ہیں كہ علی رضی اللہ عنہ نے رسول اللہ ‌صلی اللہ علیہ وسلم ‌سے پوچھا تورسول اللہ ‌صلی اللہ علیہ وسلم ‌نے فرمایا: (اس) ذی الحجہ سے (اگلے) ذی الحجہ تك اسے كھا سكتے ہویعنی قربانی كے گوشت كو۔( )

عبداللہ بن عباس رضی اللہ عنہما كہتےہیں كہ ہم اس كا نام سیركرنے والا(پیٹ بھر نے والا) ركھتے تھے،یعنی زم زم كا اور ہم گھر والوں كے لئے اسے بہتر ین سہارا سمجھتے تھے۔( )

سماْ ن بن بریدہ اپنے والد سے بیان كرتے ہیں كہ رسول اللہ ‌صلی اللہ علیہ وسلم ‌نے فرمایا: میں نے تین دن كے بعد تمہیں ( قربانی كا گوشت كھانے سے منع كیا تھا تاكہ گنجائش ركھنے والا، تنگدست کوبھی شامل كر لے، اب جب تك تمہا را جی چاہے، كھاؤ، كھلاؤ اور ذخیرہ كرو۔( )

عبداللہ بن مسعود‌رضی اللہ عنہ سے مروی ہے كہتےہیں كہ جب یہ آیت (سورۃ المائدۃ ۹۳) نازل ہوئی: ترجمہ:ایسے لوگوں پر جوایمان رکھتے ہوں اور نیک کام کرتے ہوں اس چیز میں کوئی گناہ نہیں جس کوکھاتے پیتے ہوں جبکہ وہ لوگ تقوی رکھتے ہوں اور ایمان رکھتے ہوں اور نیک کام کرتے ہوں پھر پرہیزگاری کرتے ہوں اور خوب نیک عمل کرتے ہوں، اللہ ایسے نیکوکاروں سے محبت رکھتا ہے۔آپ نے مجھ سے كہا مجھے بتایا گیا ہے كہ تم ان میں سے ہو۔( )

عالیہ بنت سبیع سے مروی ہے كہتی ہیں كہ احد میں ہماری بكریاں تھیں، وہ مرنے لگ گئیں۔ میمو نہ رضی اللہ عنہا زوجہ نبی ‌صلی اللہ علیہ وسلم ‌كے پاس آئی اور ان سے اس بات كا تذكرہ كیا توانہوں نے كہا: اگر تم ان كی كھال اتار كر كام میں لے آتیں تواچھا ہوتا۔ میںِ نے كہا : كیا یہ جائز ہے؟ انہوں نے كہا : ہاں، رسول اللہ ‌صلی اللہ علیہ وسلم ‌كے پاس سے كچھ قریشی مرد گزرے جوگدھے كی مانند اپنی ایك بكری كوكھینچ كر لے جا رہے تھے۔ رسول اللہ ‌صلی اللہ علیہ وسلم ‌نے ان سے كہا:اگر تم اس كا چمڑا اتار لیتےا تواچھا ہوتا۔ انہو ں نے كہا:یہ مردار ہے۔رسول اللہ صلی اللہ علیہ وسلم نےفرمایا:اسے پانی اور كیکر كی چھال پاك كردے گی۔

ابوہریرہ رضی اللہ عنہ كہتے ہیں كہ رسول اللہ صلی اللہ علیہ وسلم نےفرمایا:وہ شخص جوكھڑا ہوكر پانی پیتار ہے اگر جان لے كہ اس كے پیٹ میں كیا ہے تووہ اسے قے كر دے۔

ابوہریرہ‌رضی اللہ عنہ كہتے ہیں كہ نبی اللہ ‌صلی اللہ علیہ وسلم ‌نے فرمایا: تم میں سے كوئی بھی شخص اپنے دائیں ہاتھ سے كھائے، دائیں سے پئیے، دائیں سے پكڑے اور دائیں سے دے۔ كیونكہ شیطان بائیں ہاتھ سے كھاتاہے، بائیں سے پیتا ہے، بائیں سے دیتا ہے اور بائیں سے پكڑتا ہے ۔

ام ہانی كہتی ہیں كہ نبی ‌صلی اللہ علیہ وسلم ‌میرے پاس آئے، اور فرمایا: ام ہانی كیاِ تمہارے پاس كوئی چیز ہے؟ میں نے كہا: نہیں، صرف خشك ٹكڑے اور سركہ ہے۔ آپ نے فرمایا: وہ گھر سالن سے خالی نہیں جس میں سركہ ہو۔( )

مقدام بن معدی كرب الكندی‌رضی اللہ عنہ سے مروی ہے كہ رسول اللہ ‌صلی اللہ علیہ وسلم ‌نے فرمایا: آدمی نے پیٹ سے زیادہ بُرابرتن نہیں بھرا۔ ابن آدم كوچند لقمے كافی ہیں، جواس كی پشت كوسیدھا ركھیں۔ اگر لامحالہ زیادہ ہی كھانا ہے توپھر ایك حصہ كھانے كے لئے دوسرا حصہ پنےے کے لئے اور تیسرا حصہ سانس كے لئے ہے۔( )

عبداللہ بن عباس رضی اللہ عنہما سے مروی ہے كہ رسول اللہ ‌صلی اللہ علیہ وسلم ‌نے فرمایا: دائمی شرابی اگر مرگیا تواللہ تعالیٰ سے اس حال میں ملے گا گویا وہ بت كا پجاری ہو۔( )

جندب بن عبداللہ سے مروی ہے كہ رسول اللہ ‌صلی اللہ علیہ وسلم ‌نے فرمایا: جوشخص یہ طاقت ركھتا ہے كہ اس كے اور جنت كے درمیا ن مسلمان آدمی كے خون كا چلوجسے وہ اس طرح با تا ہے، جیسے مرغی ذبح كرتا ہے حائل نہ ہوتووہ یہ كام نہ كرے،جب بھی وہ جنت كے كسی دروازے پرآئے گا تواللہ تعالیٰ اس شخص كے اور جنت كے درمیا ن حائل ہوجائے گا۔ اور جوشخص یہ طاقت ركھے كہ وہ اپنے پیٹ میں صرف پاكیزہ چیز ہی ڈالے تووہ ایسا ہی كرے كو نكہ انسان كا پیٹ سب سے پہلے بدبوچھوڑے گا۔( )

عبداللہ بن عمر رضی اللہ عنہما سے مرفوعا مروی ہے كہ جس شخص نے كسی قوم كے ساتھ كھجوریں كھائیں اور وہ چاہتا ہے كہ دودواكھٹی كھائے توان سے اجازت لے لے۔( )

عبداللہ بن عباس رضی اللہ عنہما سے مروی ہے كہ میں اور خالد بن ولید‌رضی اللہ عنہ ،میری خالہ میمونہ رضی اللہ عنہا كے پاس آئے ۔ میمونہ نے كہا: اے اللہ كے رسول كیا میں آپ كووہ چیز نہ كھلاؤں جومیر ے بھائی نے گاؤں سے بھیجی ہے؟ انہوں نے کھجور کی ایك شاخ( لكڑی) پر دوبھنےہوئے سانڈے (گوہ) قریب كر دیئے۔ رسول اللہ ‌صلی اللہ علیہ وسلم ‌نے فرمایا: كھاؤ،كیو نكہ یہ ہماری قوم كا كھانا نہیں ، میں اس سے كراہت محسوس كرتا ہوں۔ عبداللہ بن عباس، اور خالد بن ولید رضی اللہ عنہم نے اس سے كھایا، میمونہ رضی اللہ عنہا نے كہا: میں وہ دودھ كھانا نہیں كھاؤں گی جسے رسول اللہ ‌صلی اللہ علیہ وسلم ‌نے نہیں كھایا۔ پھر رسول اللہ ‌صلی اللہ علیہ وسلم ‌نے پانی مانگا توایك دودھ كا برتن لایا گیا، آپ نےدودھ پیا، آپ كے دائیں طرف ابن عباس اور بائیں طرف خالد بن ولید تھے۔ رسول اللہ ‌صلی اللہ علیہ وسلم ‌نے ابن عباس سے كہا: كیا تم اجازت دیتے ہوكہ میں خالد كودودھ پلاؤں؟ ابن عباس نے كہا: مجھے یہ بات پسند نہیں كہ رسول اللہ ‌صلی اللہ علیہ وسلم ‌كے جھوٹے دودھ پر اپنے علاوہ كسی اور كوترجیح دوں۔ ابن عباس نے برتن پكڑا اور دودھ پیا پھر خالد نے دودھ پیا۔ رسول اللہ ‌صلی اللہ علیہ وسلم ‌نے فرمایا: جس شخص كواللہ كھانا كھلائے وہ یہ كہے: اے اللہ اس میں بركت دے، اور ہمیں اس سے بہتر دے۔ اور جس شخص كواللہ تعالیٰ دودھ پلائے وہ یہ كہے: اے اللہ ہمارے لئے اس میں بركت دے، اور اس سے زیادہ دے كیو نكہ میر ے علم میں كوئی ایسی چیز نہیں جوكھانے اور پینے كے لئے كفایت كرے سوائے دودھ كے۔

عبداللہ بن عباس رضی اللہ عنہما سے مرفوعا مروی ہے كہ جوشخص اپنے ہاتھ میں لگا ہوا گوشت کی چکناہٹ یا بو لئے سو گیا، اور اسے كسی چیز نے تكلیف دی تووہ اپنے آپ كوملامت كرے۔( )