قربانی، ذبحہ ، عقیقہ،كھانے،پنےْ اور حیوانوں كےساتھ نرمی كرنے كا بیان - قربانی، ذبحہ ، عقیقہ،كھانے،پنےْ اور حیوانوں كےساتھ نرمی كرنے كا بیان - Book 4 of Silsila Sahih with Urdu and English Translation

ابوہریرہ‌رضی اللہ عنہ سے مروی ہے كہ نبی ‌صلی اللہ علیہ وسلم ‌نے عید الاضحٰی كے دن فرمایا: جس شخص نے ذبح كیا، میرے خیال میں انہوں نے كہا كہ: نماز سے پہلے تووہ دوبارہ قربانی كرے۔

عبداللہ بن مسعود رضی اللہ عنہ سے مروی ہے آپ نے فرمایا کہ جو شخص کھانے کی ابتداء میں بسم اللہ پڑھنا بھول گیاڈ تو جب اسے یاد آئے وہ کہے: بسم اللہ فی اولہ وآخرہ۔ کیونکہ وہ نئے کھانے کی طرف متوجہ ہوتا ہے اور جو خبیث چیز اسے پہنچی اسے روکتا ہے۔

ابوہریرہ رضی اللہ عنہ سے مرفوعا مروی ہے كہ:دومقابلہ (فخر) کرنے والوں كی دعوت قبول نہ كی جائے اور نہ ان كا كھانا كھایا جائے۔( )

عبداللہ بن عباس رضی اللہ عنہما سے مروی ہے كہ آپ ‌صلی اللہ علیہ وسلم ‌نے ہمیں برتن کو موڑ کر اس کے اندر سے پینے سے منع كیا۔( )

ابوہریرہ‌رضی اللہ عنہ سے مروی ہے كہ آپ ‌صلی اللہ علیہ وسلم ‌نے مشكیزے سے منہ لگا كر پانی پینے سے منع فرمایا۔ ایوب نے كہا كہ مجھے بتایا گیا كہ ایك آدمی نے مشكیزے سے منہ لگا كر پانی پیا توایك سانپ نكل آیا۔( )

عائشہ رضی اللہ عنہا سے مروی ہے كہ آپ ‌صلی اللہ علیہ وسلم ‌نے مشكیزے سے منہ لگا كر پانی پینے سے منع فرمایا ۔كیو نكہ یہ عمل اسے بدبودار كر دیتا ہے۔( )

ابوالعالیہ سے مروی ہے كہ میں نے ابوسعید خدری‌رضی اللہ عنہ سےمٹکےكی نبذ كے بارے میں سوال كیا توانہوِں نے كہا كہ رسول اللہ ‌صلی اللہ علیہ وسلم ‌نےمٹکے كی نبیذ سے منع كیا ہے۔( )

ابوہریرہ‌رضی اللہ عنہ سے مروی ہے کہتے ہیں کہ آپ ‌صلی اللہ علیہ وسلم ‌نے ہمیں پیالی کی ٹوٹی ہوئی جگہ سے پینے سے منع فرمایاہے ۔( )

ابوسعید خدری رضی اللہ عنہ سے مروی ہے كہ آپ ‌صلی اللہ علیہ وسلم ‌نے مشکیزے کے منہ کو موڑ کر اندر سے پینے سے منع کیا ہے۔ ( )

عبدالرحمن بن شبل سے مروی ہے كہ آپ ‌صلی اللہ علیہ وسلم ‌نے سانڈہ (گوہ) كھانے سے منع فرمایا۔( )

ابودرداء رضی اللہ عنہ سے مروی ہے كہ آپ ‌صلی اللہ علیہ وسلم ‌نے مُجَثَّمَةِكھانے سے منع فرمایا: یہ وہ جانور ہے جسے باندھ كر تیر مار كر قتل كیا جاتا ہے۔( )

انس بن مالك‌رضی اللہ عنہ سے مروی ہے كہ آپ ‌صلی اللہ علیہ وسلم ‌نے سونے اور چاندی كے برتنوں میں كھانے پینے سے منع فرمایا۔( )

ابوسعید خدری‌رضی اللہ عنہ سے مروی ہے كہ آپ ‌صلی اللہ علیہ وسلم ‌نے لہسن، پیاِز اور گیندنا (ایک بدبودارترکاری)كھانے سے منع فرمایا۔( )

انس‌رضی اللہ عنہ سے مروی ہے كہ آپ ‌صلی اللہ علیہ وسلم ‌نے كھڑے ہوكر پانی پینے سے منع كیاا اور ایك روایت میں ہے كہ ڈانٹا۔( )

ابوسعید خدری رضی اللہ عنہ سے مروی ہے كہ آپ ‌صلی اللہ علیہ وسلم ‌نے پیالے كے ٹوٹے ہوئے حصے اور پانی میں (دودھ وغیرہ میں) پھونك مارنے سے منع فرمایا۔ ( )

عبداللہ بن عمر رضی اللہ عنہما سے مروی ہے كہ آپ ‌صلی اللہ علیہ وسلم ‌نے دوكھانوں (كھانے كی جگہوں) سے منع فرمایا۔ اس دستر خوان پر بیٹھنے سے جس پر شراب پی جاتی ہو۔ اور آدمی اس حالت میں كھائے كہ وہ اپنے پیٹ کے بل لیٹا ہو۔( )

ابوسعدا خدری‌رضی اللہ عنہ سے مروی ہے كہ آپ ‌صلی اللہ علیہ وسلم ‌نے مشروب میں پھونك مارنے سے منع كیا۔ ایك آدمی نے آپ سے كہا: اے اللہ كے رسول میں ایك سانس میں سریاب نہیں ہوتا۔ رسول اللہ ‌صلی اللہ علیہ وسلم ‌نے اس سے كہا: پیالے كواپنے منہ سے دور كر كے سانس لو، اس نے كہا: میں اس میں گندگی دیكھوں تو؟ آپ نے فرمایا:اسے پھینك دو۔( )

جابر بن عبداللہ‌رضی اللہ عنہ سے مروی ہے كہ نبی ‌صلی اللہ علیہ وسلم ‌نے خیبر كے دن گھریلو گدھوں كا گوشت كھانے سے منع فرمایا اور گھوڑوں كا گوشت كھانے كی اجازت (برقرار رکھی) دی۔

جابر بن طارق اور كہا جاتا ہے كہ ابن ابی طارق سےمروی ہے كہ میںِ نبی صلی اللہ علیہ وسلم كے پاس آپ كے گھرآیا ۔آپ كے پاس یہ كدوتھاتومیں نےکہا كہ: یہ كونسی سبزی ہے؟ آپ نے فرمایا: یہ كدوہے، اس كے ذریعے ہم اپنا كھانا زیادہ كرتے ہیں۔( )

ابوثعلبہ خشنی رضی اللہ عنہ سے مروی ہے كہتےہیں كہ میں نبی ‌صلی اللہ علیہ وسلم ‌كے پاس آیا اور كہا: اے اللہ كے رسول جوچیزیں مجھ پرحرام ہیں ان میں سے میرے لئے حلال بیان کیجیے؟ آپ نے فرمایا: گھریلو گدھا نہ كھاؤ اور نہ كچلی والا درندہ كھاؤ۔( )