The root of this word, its grammatical form, and every other place in the Quran where the same root is used - with each of those verses one click away.
مَعَ: اجتماع کے معنی کو چاہتا ہے۔ خواہ وہ اجتماع مکانی ، ہو جیسے ھُمَا مَعَا فِی الدَّارِ : وہ دونوں ایک مکان میں ہیں۔ اور خواہ (۲) زبانی جیسے : ھُمَاوُلِدَامَعًا وہ دونوں ایک وقت میں پیدا ہوئے۔ اور (۳) خواہ معنوی اعتبار سے ہو جیسے :اَخٌ یا اَبٌ وغیرہ ہما اسمائے اضافی ہیں کہ ایک آدمی کو اسی وقت دوسرے کا بھائی کہا جاسکتا ہے۔ جب وہ بھی اس کا بھائی ہو۔ کبھی (۴) وہ اجتماع رتبہ اور شرف کے لحاظ سے ہوتا ہے جیسے ھُمَا مَعًا فِیْ الْعُلُوِّ وہ دونوں بلند رتبہ ہونے میں برابر ہیں۔ اور کبھی مَعَ کا لفظ معنی نصرت کو چاہتا ہے۔ اس وقت یہ منصور یعنی جس کی مدد کی جاتی ہے۔ اس کا مضاف الیہ بنتا ہے۔ جیسے فرمایا: (لَا تَحۡزَنۡ اِنَّ اللّٰہَ مَعَنَا) (۹۔۴۰) کہ غم نہ کر خدا ہمارے ساتھ ہے۔ تو یہاں مَعَ کے مضاف الیہ یعنی تا ضمیر سے منصور مراد ہیں۔ اور اﷲ تعالیٰ ناصر ہے۔ جس کی معیت نا ضمیر کے ساتھ بیان کی گئی ہے۔ نیز فرمایا (اِنَّ اللّٰہَ مَعَ الَّذِیۡنَ اتَّقَوۡا) (۱۶۔۱۲۸) کچھ شک نہیں کہ جو پرہیز گار ہو...... خدا ان کا مددگار ہے۔ (وَ ہُوَ مَعَکُمۡ اَیۡنَ مَا کُنۡتُمۡ) (۵۷۔۴) اور تم جہاں کہیں ہو وہ تمہارے ساتھ ہے۔ (اِنَّ اللّٰہَ مَعَ الصّٰبِرِیۡنَ ) (۲۔۱۵۳) بے شک خدا صبر کرنے والوں کے ساتھ ہے۔ (اَنَّ اللّٰہَ مَعَ الۡمُؤۡمِنِیۡنَ) (۸۔۱۹) اور خدا تو مومنوں کے ساتھ ہے۔ اور موسی علیہ السلام کے قول کی حکایت بیان کرتے ہوئے فرمایا: (اِنَّ مَعِیَ رَبِّیۡ سَیَہۡدِیۡنِ) (۲۶۔۶۲) میرا پروردگار میرے ساتھ ہے وہ مجھے رستہ بتائے گا۔ رَجُلٌ اِمَّعَۃٌ : اناڑی آدمی جو ہر ایک کے ساتھ ہوجائے۔ اَلْمَعْمَعَۃُ: آتشزدگی کی آواز۔ لڑائی میں بہادروں کا شور۔ اَلْمَعْمَعَانُ: لڑائی کی شدت۔
164 results