The root of this word, its grammatical form, and every other place in the Quran where the same root is used - with each of those verses one click away.
جو خشوع کرنے والے ہیں
Tap any part above to see where else it appears
اَلْخُشُوعُ: (ن) کے معنی ضَراعَۃٌ یعنی عاجزی کرنے اور جھک جانے کے ہیں۔مگر زیادہ تر خُشُوْع کا لفظ جو ارح اور ضَراعت کا لفظ قلب کی عاجزی پر بولا جاتا ہے۔اسی لئے ایک روایت میں ہے: (1) (۱۱۲) اِذَا ضَرَعَتِ الْقَلْبُ خَشِعَتِ الْجَوَارِحُ جب دل میں فروتنی ہو تو اسی کا اثر جوارح پر ظاہر ہوجاتا ہے۔قرآن پاک میں ہے: (وَ یَزِیۡدُہُمۡ خُشُوۡعًا ) (۱۷۔۱۰۹) اور اس سے ان کو اور زیادہ عاجزی پیدا ہوتی ہے۔ (الَّذِیۡنَ ہُمۡ فِیۡ صَلَاتِہِمۡ خٰشِعُوۡنَ ) (۲۳۔۲) جو نماز میں زیادہ عجز و نیاز کرتے ہیں۔ (وَ کَانُوۡا لَنَا خٰشِعِیۡنَ ) (۲۱۔۹۰) اور ہمارے آگے عاجزی کیا کرتے تھے۔ (وَ خَشَعَتِ الۡاَصۡوَاتُ ) (۲۰۔۱۰۸) اور۔آوازیں پست ہوجائیں گی۔ (خَاشِعَۃً اَبۡصَارُہُمۡ ) (۶۸۔۴۳) ان کی آنکھیں جھکی ہوئی ہوں گی۔ (اَبْصَارْھَا خَاشِعَۃٌ) (۷۹۔۹) اور آنکھیں جھکی ہوئی۔یہ ان کی نظروں کے مضطرب ہونے سے کنایہ ہے۔جیسا کہ زمین و آسمان کے متعلق بطور کنایہ کے فرمایا: (اِذَا رُجَّتِ الۡاَرۡضُ رَجًّا ۙ) (۵۶۔۴) جب زمین بھونچال سے لرزنے لگے۔ (اِذَا زُلۡزِلَتِ الۡاَرۡضُ زِلۡزَالَہَا ) (۹۹۔۱) جب زمین بھونچال سے ہلادی جائے گی۔ (یَّوۡمَ تَمُوۡرُ السَّمَآءُ مَوۡرًا ۙ وَّ تَسِیۡرُ الۡجِبَالُ سَیۡرًا ) (۵۲۔۹،۱۰) جس دن آسمان لرزنے لگے کپکپاکر اور پہاڑ اڑنے لگیں(اون ہوکر)
14 results