The root of this word, its grammatical form, and every other place in the Quran where the same root is used - with each of those verses one click away.
اپنے شیطانوں کے
Tap any part above to see where else it appears
اَلشَّیْطَانُ: اس میں نون اصلی ہے اور یہ شَطَنَ سے مشتق ہے جس کے معنیٰ دور ہونے کے ہیں۔ (1) اور بِئْرٌ شَطُوْنٌ (بہت گہرا کنواں) ۔ شَطَنَتِ الدَّار: گھر کا دور ہونا۔ غُرْبَۃٌ شَطُوْنٌ: (وطن سے دوری) وغیرہ محاورات اسی سے مشتق ہیں۔ بعض نے کہا ہے کہ لفظ شَیْطَانٌ میں نون زائدہ ہے اور یہ شَاطَ یَشِیْطُ سے مشتق ہے جس کے معنیٰ غصہ سے سوختہ ہوجانے کے ہیں اور شیطان کو بھی شیطان اسی لئے کہا جاتا ہے کہ وہ آگ سے پیدا ہوا ہے۔ جیساکہ فرمایا: (وَ خَلَقَ الۡجَآنَّ مِنۡ مَّارِجٍ مِّنۡ نَّارٍ) (۵۵:۱۵) اور جنات کو آگ کے شعلہ سے پیدا کیا۔ سے معلوم ہوتا ہے کہ یہی وجہ ہے کہ اس سے قوت غضبیہ اور حمیت مذمومہ افراط کے ساتھ پائی جاتی ہے اس بنا پر اس نے آدم علیہ السلام کے سامنے سجدہ کرنے سے انکار کردیا تھا۔ ابوعبیدہ نے کہا ہے۔ (2) کہ شیطان ہر سرکش کو کہتے ہیں خواہ وہ جن و انس سے ہو یا دیگر حیوانات سے۔ قرآن پاک میں ہے: (شیاطین الجن والانس) (۶:۱۳) شیطان (سیرت) انسانوں اور جنوں کو۔ (وان الشیاطین لیوجون) (۶:۲۲) اور شیطان (لوگ) … دلوں میں (یہ بات) ڈالتے ہیں۔ (وَ اِذَا خَلَوۡا اِلٰی شَیٰطِیۡنِہِمۡ ) (۲:۱۴) اور جب اپنے شیطانوں میں جاتے ہیں۔ یعنی جب جنوں اور انسانوں میں سے اپنے اصحاب کے پاس جاتے ہیں۔ اور آیت کریمہ: (کَاَنَّہٗ رُءُوۡسُ الشَّیٰطِیۡنِ) (۳۷:۶۵) جیسے شیطانوں کے سر۔ میں بعض نے کہا ہے کہ شیاطین سے باریک جسم کے سانپ مراد ہیں اور بعض نے سرکش جن مراد لئے ہیں اور (ناگ پھینی تھوہر کے پتوں کو) بدنما ہونے کی وجہ سے بطور تشبیہ رؤس الشیاطِیْن کہا گیا ہے۔ اور آیت کریمہ: (وَ اتَّبَعُوۡا مَا تَتۡلُوا الشَّیٰطِیۡنُ ) (۲:۱۰۲) اور ان (لزلیات) کے پیچھے لگ گئے جو (سلیمان علیہ السلام کے عہد سلطنت میں) شیاطین پڑھا کرتے تھے۔ میں شیاطین سے سرکش جن مراد ہیں اور یہ بھی ہوسکتا ہے کہ سرکش انسان بھی مراد ہوں شاعر نے کہا ہے۔ (3) (۲۶۲) لَوْ اَنَّ شَیْطَانَ الذُّئَابِ العُسَّلِ اگر سرکش تیز رو بھیڑیا۔ یہاں عُسَّلٌ، عَاسِلٌ کی جمع ہے اور عَاسِلٌ کے معنیٰ نہایت سرعت کے ساتھ دوڑنے والے کے ہیں اور عَسَلَانٌ کا لفظ بھیڑئیے کی تیزروی کے ساتھ مخصوص ہے۔ دوسرے شاعر نے کہا ہے۔ (4) (الزجر) (۲۶۳) مَالَیْلَۃُ الفَقِیْرِ اِلَّا شَیطَانٌ کہ مقام فقیر میں رات شیطان کی طرح بھیانک ہوتی ہے۔ اور انسان کی ہر بری خصلت کو شیطان کہا جاتا ہے چنانچہ علیہ السلام نے فرمایا ہے۔ (5) اَلْحَسَدُ شَیْطَانٌ وَالغَضَبُ شَیطَانٌ کہ حسد بھی شیطان ہے اور غصہ بھی شیطان ہے۔
88 results