Hadith 339 - ادب اور اجازت طلب کرنے کا بیان - ادب اور اجازت طلب کرنے کا بیان - Silsila Sahih in Arabic with Urdu and English Translation

آپ ‌صلی اللہ علیہ وسلم ‌نے فرمایا:اگر اللہ كے ہاں دنیا ایك مچھر كے پر كے برا بر بھی حیثیت ركھتی تو اللہ تعالیٰ كسی كافر كو پانی کا ایك گھونٹ بھی نہ پلاتا۔

آپ ‌صلی اللہ علیہ وسلم ‌نے فرمایا: آدم کی اولاد میں سے ہر شخص نے خطا کی یا خطا کا ارادہ کیا سوائے یحیی بن زکریاکےعلیہا السلام ۔( ) یہ حدیث سیدنا عبداللہ بن عباس و عبداللہ بن عمرو بن العاص و عن ابیہ عمرو و ابی ھریرہ والحسن البصری سے مروی ہے۔

حسن سے مرسل روایت ہے اے معاذ! تجھے تیری ماں گم پائے، اپنی زبان کی حفاظت کر لوگوں کو (جنمل میں) منہ کے بل ان کی زبانیں ہی گرائیں گی

رسول اللہ صلی اللہ علیہ وسلم نے فرمایا :یقیناً اللہ تعالیٰ نے تمہارے جھوٹ کو تمہارے تصدیق کی وجہ سے معاف کر دیا ، انس‌رضی اللہ عنہ ، ابن عمر رضی اللہ عنہ ، ابن عباس رضی اللہ عنہ ، اور حسن بصری سے مرسل مروی ہے اور یہ انس‌رضی اللہ عنہ کی حدیث کے الفاظ ہیں۔انس‌رضی اللہ عنہ سے مروی ہے انہوں نے کہا کہ رسول اللہ صلی اللہ علیہ وسلم نے ایک آدمی سے کہا: اے فلاں! تو نے اس طرح کیا ہے؟ اس نے کہا نہیں ، اس ذات کی قسم جس کے علاوہ کوئی معبود برحق نہیں ۔ حالانکہ نبی صلی اللہ علیہ وسلم جانتے تھے کہ اس نے یہ کام کیا ہے، تو اس سے کہا ۔۔۔اور حدیث ذکر کی

آپ ‌صلی اللہ علیہ وسلم ‌نے فرمایا: اسے(مسجد نبوی كو) لکڑی سے اس طرح بناؤ جس طرح موسی علیہ السلام نے بنائی تھی۔

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے دسویں تاریخ کو عاشوراء کا روزہ رکھنے کا حکم دیا۔ امام ترمذی کہتے ہیں: ۱- ابن عباس کی حدیث حسن صحیح ہے، ۲- اہل علم کا عاشوراء کے دن کے سلسلے میں اختلاف ہے۔ بعض کہتے ہیں: عاشوراء نواں دن ہے اور بعض کہتے ہیں: دسواں دن ۱؎ ابن عباس سے مروی ہے کہ نویں اور دسویں دن کا روزہ رکھو اور یہودیوں کی مخالفت کرو۔ شافعی، احمد اور اسحاق بن راہویہ کا قول اسی حدیث کے مطابق ہے۔

کعب بن عیاض رضی الله عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”ہر امت کی آزمائش کسی نہ کسی چیز میں ہے اور میری امت کی آزمائش مال میں ہے“ ۱؎۔ امام ترمذی کہتے ہیں: ۱- یہ حدیث حسن صحیح غریب ہے، ۲- اس حدیث کو ہم معاویہ بن صالح کی روایت ہی سے جانتے ہیں۔

ابن عباس ؓ بیان کرتے ہیں ، رسول اللہ ﷺ نے فرمایا :’’ بے شک اللہ نے نیکیاں اور برائیاں لکھی ہیں ، جس شخص نے کسی نیکی کا ارادہ کیا لیکن اسے کیا نہیں تو اللہ اسے اپنے پاس اس کے حق میں ایک مکمل نیکی لکھ لیتا ہے ، اگر وہ اس کا ارادہ کرے اور اسے کر بھی لے تو اللہ اسے اپنے پاس اس کے حق میں دس گنا سے سات سو گنا اور اس سے بھی بڑھا کر لکھ لیتا ہے ، اور جو شخص برائی کرنے کا ارادہ کرے لیکن اسے کرے نہیں تو اللہ اسے اپنے پاس اس کے حق میں ایک کامل نیکی لکھ لیتا ہے ، لیکن اگر وہ اس (برائی) کا ارادہ کرے اور اسے کر گزرے تو اللہ اسے اس کے حق میں ایک ہی برائی لکھتا ہے ۔‘‘ متفق علیہ ۔

حسن ، سمرہ ؓ سے روایت کرتے ہیں ، کہ رسول اللہ ﷺ نے دو انگلیوں کے درمیان تسمہ چیرنے سے منع فرمایا ہے ۔ حسن ، رواہ ابوداؤد ۔