احرام کی حالت میں نکاح کرنے یا کروانے یا نکاح کا پیغام بھیجنے کا بیان - احرام کی حالت میں نکاح کرنے یا کروانے یا نکاح کا پیغام بھیجنے کا بیان - احرام، اس کے مواقیت ، طریقے اور اس سے متعلقہ دوسرے احکام کے ابواب - Musnad Ahmad with Urdu and English Translation

۔ (۴۲۸۰) عَنْ أَبَانَ بْنِ عُثْمَانَ (بْنِ عَفَّانَ) عَنْ أَبِیْہِ ‌رضی ‌اللہ ‌عنہ ‌عَنِ النَّبِیِّ ‌صلی ‌اللہ ‌علیہ ‌وآلہ ‌وسلم قَالَ: ((اَلْمُحْرِمُ لَا یَنْکِحُ وَلَا یُنْکِحُ وَلَا یَخْطُبُ۔)) (مسند احمد: ۵۳۴)

۔ سیدنا عثمان بن عفان ‌رضی ‌اللہ ‌عنہ سے مروی ہے کہ نبی کریم ‌صلی ‌اللہ ‌علیہ ‌وآلہ ‌وسلم نے فرمایا: نہ محرم اپنا نکاح کر سکتا ہے، نہ کسی کا کروا سکتا ہے اور نہ نکاح کا پیغام بھیج سکتا ہے۔

Takhreej

(۴۲۸۰) تخریج: أخرجہ مسلم: ۱۴۰۹(انظر: ۵۳۴)

4280

Sahih

Read complete Hadith

۔ (۴۲۸۱)عَنْ نُبَیْہِ بْنِ وَہْبٍ عَنْ عُمَرَ بْنِ عُبَیْدِ اللّٰہِ بْنِ مَعْمَرٍ وَکَانَ یَخْطُبُ بِنْتَ شَیْبَۃَ بْنِ عُثْمَانَ عَلٰی ابْنِہِ، فَأَرْسَلَ إِلٰی أَبَانَ بْنِ عُثْمَانَ وَہُوَ عَلٰی الْمَؤْسِمِ، فَقَالَ: أَلَا أُرَاہُ أَعْرَابِیًا، إِنَّ الْمُحْرِمَ لاَ یَنْکِحُ وَلَا یُنْکِحُ، أَخْبَرَنِی بِذٰلِکَ عُثْمَانُ ‌رضی ‌اللہ ‌عنہ ‌عَنِ النَّبِیِّ ‌صلی ‌اللہ ‌علیہ ‌وآلہ ‌وسلم وَحَدَّثَنِی نُبَیْہٌ عَنْ أَبِیْہِ بِنَحْوِہِ۔ (مسند احمد: ۵۳۵)

۔ نُبَیہ بن وہب کہتے ہیں: عمر بن عبید اللہ اپنے بیٹے (طلحہ) کے لیے شیبہ بن عثمان کی بیٹی کا رشتہ لینا چاہتے تھے، پس انھوں نے ابان بن عثمان کی طرف پیغام بھیجا، جبکہ وہ اس وقت امیرِ حج تھے، انھوں نے کہا: میرا خیال ہے کہ یہ شخص بھی بدّو ہی ہے، (جو شرعی احکام سے جاہل ہے)، بات یہ ہے کہ محرم نہ نکاح کر سکتا ہے اور نہ کروا سکتا ہے، مجھے سیدنا عثمان ‌رضی ‌اللہ ‌عنہ نے یہ بات نبی کریم ‌صلی ‌اللہ ‌علیہ ‌وآلہ ‌وسلم سے بیان کی تھی۔

Takhreej

(۴۲۸۱) تخریج: أخرجہ مسلم: ۱۴۰۹ (انظر: ۵۳۵)

4281

Sahih

Read complete Hadith

۔ (۴۲۸۲)عَنْ عِکْرِمَۃَ بْنِ خَالِدٍ قَالَ: سَأَلْتُ عَبْدَ اللّٰہِ بْنَ عُمَرَ ‌رضی ‌اللہ ‌عنہما عَنِ امْرَأَۃٍ أَرَادَ أَنْ یَتَزَوَّجَہَا رَجُلٌ وَہُوَ خَارِجٌ مِنْ مَکَّۃَ، فَأَرَادَ أَنْ یَعْتَمِرَ أَوْ یَحُجَّ، فَقَالَ: لاَ تَتَزَوَّجْہَا وَأَنْتَ مُحْرِمٌ ، نَھٰی رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم ۔ (مسند احمد: ۵۹۵۸)

۔ عکرمہ بن خالد کہتے ہیں: میں نے سیدنا عبد اللہ بن عمر ‌رضی ‌اللہ ‌عنہ ، جبکہ وہ مکہ سے باہر تھے، سے پوچھا کہ ایک آدمی، ایک عورت سے شادی کرنا چاہتا ہے، اب اس کا ارادہ یہ ہے کہ وہ عمرہ اور حج بھی کر لے (اور پھر احرام کی حالت میں شادی بھی کرے) سیدناعبداللہ بن عمر ‌رضی ‌اللہ ‌عنہ نے کہا: تم احرام کی حالت میں اس سے شادی نہیں کر سکتے، کیونکہ رسول اللہ ‌صلی ‌اللہ ‌علیہ ‌وآلہ ‌وسلم نے ایسا کرنے سے منع فرمایا ہے۔

Takhreej

(۴۲۸۲) تخریج: صحیح لغیرہ۔ أخرجہ الدارقطنی فی ’’السنن‘‘: ۳/ ۲۶۰ (انظر: ۵۹۵۸)

4282

Sahih

Read complete Hadith

۔ (۴۲۸۳) عَنْ عِکْرَمَۃَ عَنِ ابْنِ عَبَّاسٍ ‌رضی ‌اللہ ‌عنہما أَنَّہُ کَانَ لَا یَرٰی بَأْسًا أَن یَتَزَوْجَ الرَّجُلُ وَہُوَ مُحْرِمٌ وَیَقُوْلُ إِنَّ نَبِیَّ اللّٰہُ ‌صلی ‌اللہ ‌علیہ ‌وآلہ ‌وسلم تَزَوَّجَ مَیْمُوْنَہَ بِنْتَ الْحَارِثِ بِمَائٍ یُقَالُ لَہُ سَرِفُ، وَہُوَ مُحْرِمٌ، فَلَمَّا قَضَینَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم حَجَّتہُ أَقْبَلَ حَتّٰی إِذَا کَانَ بِذَالِکَ الْمَائِ أَعْرَسَ بِہَا۔ (مسند احمد: ۲۴۹۲)

۔ عکرمہ کہتے ہیں کہ سیدنا عبد اللہ بن عباس ‌رضی ‌اللہ ‌عنہ احرام کی حالت میں شادی کر لینے میں کوئی حرج خیال نہیں کرتے تھے، کیونکہ وہ کہتے تھے کہ نبی کریم ‌صلی ‌اللہ ‌علیہ ‌وآلہ ‌وسلم نے خود سیدہ میمونہ ‌رضی ‌اللہ ‌عنہا سے احرام کی حالت میں شادی کی تھی، جبکہ اس وقت آپ ‌صلی ‌اللہ ‌علیہ ‌وآلہ ‌وسلم سرف مقام پر پانی کے پاس تھے، پھر جب آپ ‌صلی ‌اللہ ‌علیہ ‌وآلہ ‌وسلم نے اپنا حج پورا کر لیا تو اسی پانی کے پاس آ ئے تو ان کی رخصتی عمل میں آئی۔

Takhreej

(۴۲۸۳) تخریج: أخرجہ البخاری: ۴۲۵۸، ۵۱۱۴، ومسلم: ۱۴۱۰ (انظر: ۲۴۹۲)

4283

Sahih

Read complete Hadith

۔ (۴۲۸۴) (وَعَنْہُ مِنْ طَرِیْقٍ ثَانٍ) عَنِ ابْنِ عَبَّاسٍ أَیْضًا أَنَّ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم نَکَحَ مَیْمُوْنَۃَ وَہُوَ مُحْرِمٌ وَبَنٰی بِہَا حَلَالاً بِسَرِفَ وَمَاتَتْ بِسَرِفَ۔ (مسند احمد: ۳۳۸۴)

۔ (دوسری سند) سیدنا عبد اللہ بن عباس ‌رضی ‌اللہ ‌عنہ سے روایت ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے احرام کی حالت میں سیدہ میمونہ ‌رضی ‌اللہ ‌عنہا سے نکاح کیا تھا،لیکن جب سرف مقام پر ان کے ساتھ خلوت اختیار کی تو اس وقت آپ ‌صلی ‌اللہ ‌علیہ ‌وآلہ ‌وسلم حلال تھے، پھر سیدہ میمونہ ‌رضی ‌اللہ ‌عنہا بعد میں اسی مقامِ سرف پر فوت ہوئی تھیں۔

Takhreej

(۴۲۸۴) تخریج: انظر الحدیث بالطریق الاول

4284

Sahih

Read complete Hadith

۔ (۴۲۸۵)(وَعَنْہُ مِنْ طَرِیْقٍ ثَالِثٍ) عَنِ ابْنِ عَبَّاسٍ أَیْضًا أَنَّ النَّبِیَّ ‌صلی ‌اللہ ‌علیہ ‌وآلہ ‌وسلم تَزَوَّجَ مَیْمُوْنَۃَ بِنْتَ الْحَارِثِ وَہُمَا مُحْرِمَانِ۔ (مسند احمد: ۲۲۰۰)

۔ (تیسری سند) سیدنا عبد اللہ بن عباس ‌رضی ‌اللہ ‌عنہ سے روایت ہے کہ نبی کریم ‌صلی ‌اللہ ‌علیہ ‌وآلہ ‌وسلم نے جب سیدہ میمونہ بنت حارث ‌رضی ‌اللہ ‌عنہا سے نکاح کیا تو وہ دونوں احرام کی حالت میں تھے۔

Takhreej

(۴۲۸۵) تخریج: انظر الحدیث بالطریق الاول

Explanation

فوائد: …آپ ‌صلی ‌اللہ ‌علیہ ‌وآلہ ‌وسلم نے احرام کی حالت میں سیدہ میمونہ ‌رضی ‌اللہ ‌عنہا سے نکاح کیا،یہ سیدنا عبد اللہ بن عباس ‌رضی ‌اللہ ‌عنہ ‌کا وہم ہے، آپ ‌صلی ‌اللہ ‌علیہ ‌وآلہ ‌وسلم نے احرام سے پہلے نکاح کیا تھا، تفصیل آگے آ رہی ہے۔

4285

Sahih

Read complete Hadith

۔ (۴۲۸۶) عَنْ یَزِیْدَ بْنِ الْأَصَمِّ عَنْ مَیْمُوْنَۃَ زَوْجِ النَّبِیِّ ‌صلی ‌اللہ ‌علیہ ‌وآلہ ‌وسلم أَنَّ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم تَزَوَّجَہَا حَلَالاًً، وَبَنٰی بِہَا حَلَالًا وَمَاتَتْ بِسَرِفَ فَدَفَنَّاہَا فِی الظُّلَّۃِ الَّتِی بَنٰی بِہَا فِیْہَا، فَنَزَلْنَا فِی قَبْرِہاَ أَنَا وَابْنُ عَبَّاسٍ۔ (مسند احمد: ۲۷۳۶۵)

۔ یزید بن اصم سے روایت ہے کہ زوجۂ رسول سیدہ میمونہ ‌رضی ‌اللہ ‌عنہا یہ بیان کرتی تھیں کہ رسول اللہ ‌صلی ‌اللہ ‌علیہ ‌وآلہ ‌وسلم نے جب ان سے نکاح کیا تو آپ ‌صلی ‌اللہ ‌علیہ ‌وآلہ ‌وسلم حلال تھے، اسی طرح جب آپ ‌صلی ‌اللہ ‌علیہ ‌وآلہ ‌وسلم نے ان سے خلوت اختیار کی تو اس وقت بھی آپ ‌صلی ‌اللہ ‌علیہ ‌وآلہ ‌وسلم احرام کی حالت میں نہیں تھے۔ بعد میں سیدہ میمونہ ‌رضی ‌اللہ ‌عنہا کا انتقال بھی سرف کے مقام پر ہوا تھا، ہم نے انہیں اسی سائے میں دفن کیا تھا،جہاںرسول اللہ ‌صلی ‌اللہ ‌علیہ ‌وآلہ ‌وسلم نے ان کے ساتھ شب باشی کی تھی، میں اور سیدنا عبد اللہ بن عباس ‌رضی ‌اللہ ‌عنہما ان کی قبر میں اترے تھے۔

Takhreej

(۴۲۸۶) تخریج: أخرجہ مسلم: ۱۴۱۱(انظر: ۲۶۸۲۸)

4286

Sahih

Read complete Hadith

۔ (۴۲۸۷) عَنْ أَبِی رَافِعٍ ‌رضی ‌اللہ ‌عنہ ‌مَوْلٰی رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم أَنَّ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم تَزَوَّجَ مَیْمُوْنَۃَ حَلَالاً وَبَنٰی بِہَا حَلَالاً وَکُنْتُ الرَّسُوْلَ بَیْنَہُمَا۔ (مسند احمد: ۲۷۷۳۹)

۔ مولائے رسول سیدنا ابو رافع ‌رضی ‌اللہ ‌عنہ سے روایت ہے، وہ کہتے ہیں: جب رسول اللہ ‌صلی ‌اللہ ‌علیہ ‌وآلہ ‌وسلم نے سیدہ میمونہ ‌رضی ‌اللہ ‌عنہ سے نکاح کیا اور جب ان کے ساتھ خلوت اختیار کی تو آپ ‌صلی ‌اللہ ‌علیہ ‌وآلہ ‌وسلم حلال تھے یعنی احرام کی حالت میں نہ تھے اور میں ان دونوں کے درمیان قاصد تھا۔

Takhreej

(۴۲۸۷) تخریج: حدیث حسن ۔ أخرجہ الترمذی: ۸۴۱(انظر: ۲۷۱۹۷)

Explanation

فوائد: …منگنی کا پیغام بھیجنا، نکاح کرنا اور نکاح کروانا، یہ سب امور محرِم کے لیے حرام ہیں، نبی کریم ‌صلی ‌اللہ ‌علیہ ‌وآلہ ‌وسلم نے سیدہ میمونہ ‌رضی ‌اللہ ‌عنہا سے احرام سے پہلے شادی کی تھی، اس معاملے میں سیدنا عبد اللہ بن عباس ‌رضی ‌اللہ ‌عنہما کو حقیقت ِ حال کا علم نہ ہو سکا تھا اور انھوں نے کسی وہم کی بنا پر یہ سمجھ لیا کہ رسول اللہ ‌صلی ‌اللہ ‌علیہ ‌وآلہ ‌وسلم نے احرام کی حالت میں نکاح کیا تھا، ممکن ہے کہ جب یہ نکاح مشہور ہوا ہو تو اس وقت آپ ‌صلی ‌اللہ ‌علیہ ‌وآلہ ‌وسلم احرام کی حالت میں ہوں اور سیدنا ابن عباس ‌رضی ‌اللہ ‌عنہ ‌نے یہی سمجھ لیا ہو کہ ابھی نکاح ہوا ہے۔سیدہ میمونہ ‌رضی ‌اللہ ‌عنہا صاحب القصہ تھیں اور سیدنا ابو رافع ‌رضی ‌اللہ ‌عنہ ‌اس نکاح کے قاصد تھے، ان دونوں کا بیانیہ ہے کہ آپ ‌صلی ‌اللہ ‌علیہ ‌وآلہ ‌وسلم نے احرام سے پہلے نکاح کیا تھا، جبکہ آپ ‌صلی ‌اللہ ‌علیہ ‌وآلہ ‌وسلم نے محرِم کے لیے نکاح کرنے کو حرام بھی قرار دیا ہے، اس لیےیہ قرائن اس بات کی تائید کرتے ہیں کہ آپ ‌صلی ‌اللہ ‌علیہ ‌وآلہ ‌وسلم کا یہ نکاح احرام سے پہلے ہوا تھا۔سیدہ میمونہ ‌رضی ‌اللہ ‌عنہا کا اصل نام بَرّہ تھا، آپ ‌صلی ‌اللہ ‌علیہ ‌وآلہ ‌وسلم نے ان کا نام میمونہ رکھا، آپ ‌صلی ‌اللہ ‌علیہ ‌وآلہ ‌وسلم نے عمرۂ قضا کے موقع پر ذوالحجہ ۷ ھ میں احرام سے پہلے ان سے نکاح کیا تھا اور عمرہ کی ادائیگی کے بعد حق زوجیت ادا کیا تھا۔

4287

Sahih

Read complete Hadith

Chapters