The root of this word, its grammatical form, and every other place in the Quran where the same root is used - with each of those verses one click away.
یَذَرُ الشَّیْئَ کے معنی کسی چیز کو قلت اعتداد کی وجہ سے پھینک دینے کے ہیں۔ (پھر صرف چھوڑدینا کے معنی میں استعمال ہونے لگا ہے) اس کا فعل ماضی استعمال نہیں ہوتا چنانچہ فرمایا:۔ (قَالُوۡۤا اَجِئۡتَنَا لِنَعۡبُدَ اللّٰہَ وَحۡدَہٗ وَ نَذَرَ مَا کَانَ یَعۡبُدُ اٰبَآؤُنَا) (۷۔۷۰) وہ کہنے لگے کیا تم ہمارے پاس اس لئے آئے ہو کہ ہم اکیلے خدا ہی کی عبادت کریں اور جن کو ہمارے باپ داد پوجتے چلے آئے ہیں ان کو چھوڑدیں؟ (وَیَذَرَکَ وَاٰلِھَتَکَ) (۷۔۱۲۷) اور آپ سے اور آپ کے معبودوں سے دست کش ہوجائیں۔ (فَذَرْھُمْ وَمَا یَفْتَرُوْنَ) (۶۔۱۳۷) تو ان کو چھوڑدو کہ وہ جانیں اور انکا جھوٹ۔ان کے علاوہ اور بھی بہت سی آیات ہیں جن میں یہ لفظ استعمال ہوا ہے اور آیت:۔ (وَیَذَرُوْنَ اَزْوَاجًا) (۲۔۲۳۴) اور عورتیں چھوڑ جائیں۔ مں یَتْرُکُوْنَ یَا یَخْلُفُوْنَ کی بجائے یَذْرُوْنَ کا صیغہ اختیار کرنے میں جو خوبی ہے وہ اس کے بعد دوسری کتاب میں بیان کریں گے۔ اَلْوَذْرَۃُ:گوشت کی چھوٹی سی بوٹی کو کہتے ہیں اور قلت اعتناء کے سبب اسے اس کا نام سے پکارتے ہیں جیسا کہ حقیر شخص کے متعلق ھَوَ لَحْمٌ عَلٰی وَضَمِ یعنی وہ ذلیل ہے محاورہ استعمال ہوتا ہے۔
45 results