دین اور پسندیدہ اخلاق والی خاتون سے شادی کرنے کی رغبت کا بیان، اگرچہ وہ فقیریا بدصورت ہو - دین اور پسندیدہ اخلاق والی خاتون سے شادی کرنے کی رغبت کا بیان، اگرچہ وہ فقیریا بدصورت ہو - نکاح کے مسائل - Musnad Ahmad with Urdu and English Translation

(۶۸۵۷) تخریج: اسنادہ صحیح علی شرط الشیخین، أخرجہ عبد الرزاق: ۱۰۳۳۳، والبزار: ۲۷۴۱، وابن حبان: ۴۰۵۹ (انظر: ۱۲۳۹۳)

فوائد:… سیدنا جلبیبb خوبصورت نہیں تھے، اس لیے ان کے بارے میںیہ باتیں کی گئیں، لیکن جب اِس انصاری خاتون نے رسول اللہ a کی رائے کو ترجیح دی تو اس کی قسمت ہری ہو گئی۔ ’’مدینہ میں اس خاتون کا گھر سب سے زیادہ بارونق تھا‘‘: اس کا مطلب یہ ہے کہ سیدنا جلبیبb کی شہادت کے بعد بہت سارے لوگ اس خاتون کے ساتھ نکاح کرنے کا پیغام لے کر آئے، اس اعزاز کی وجہ یہ تھی کہ لوگ جس جلیبیب کو پسند نہیں کرتے تھے، اس خاتون نے رسول اللہ a کی رائے کا لحاظ کرتے ہوئے اس سے شادی کی تھی اور آپ a نے اس کے لیے برکت کی دعا بھی کی تھی۔ سیدنا ابو برزہ b سے مروی ایک روایت کے الفاظ یہ ہیں: فَقَالُوا: یَا رَسُولَ اللَّہِ! ہَا ہُوَ ذَا إِلٰی جَنْبِ سَبْعَۃٍ، قَدْ قَتَلَہُمْ ثُمَّ قَتَلُوہُ فَأَتَاہُ النَّبِیُّV فَقَامَ عَلَیْہِ فَقَالَ: ((قَتَلَ سَبْعَۃً وَقَتَلُوہُ ہٰذَا مِنِّی وَأَنَا مِنْہُ ہَذَا مِنِّی وَأَنَا مِنْہُ۔)) مَرَّتَیْنِ أَوْ ثَلَاثًا ثُمَّ وَضَعَہُ رَسُولُ اللَّہِV عَلَی سَاعِدَیْہِ وَحُفِرَ لَہُ، مَا لَہُ سَرِیرٌ إِلَّا سَاعِدَا رَسُولِ اللَّہِV ثُمَّ وَضَعَہُ فِی قَبْرِہِ وَلَمْ یُذْکَرْ أَنَّہُ غَسَّلَہُ۔… صحابۂ کرام نے کہا: اے اللہ کے رسول! وہ جلیبیبیہ پڑا ہے ، سات کافروں کے پہلومیں،یعنی اِس نے اُن سات کو قتل کیا اور انھوں نے اس ایک کو قتل کیا، نبی کریمa اس کے پاس آئے اور اس کی میت پر کھڑے ہو کر فرمایا: ’’اس نے سات کافروں کو قتل کیا اور انھوں نے اس ایک کو قتل کیا، پس یہ جلیبیب مجھ سے ہے اور میں اس سے ہوں، یہ مجھ سے ہے اور میں اس سے ہوں۔‘‘ دو یا تین بار ارشاد فرمایا، پھر آپ a نے اس کو اپنے بازوؤں پر رکھا اور اس کے لیے قبر کھودی گئی، اس صحابی کی میت کے لیے کوئی چارپائی نہیں تھی، ما سوائے رسول اللہ a کے بازوؤں کے، پھر آپ a نے اس کو قبر میں رکھ دیا،یہ ذکر نہیں کیا گیا کہ آپ a نے اس کو غسل دیا ہو۔ (صحیح مسلم: ۴۵۱۹)

(۶۸۵۸) اسنادہ صحیح علی شرط مسلم، أخرجہ البغوی فی ’’شرح السنۃ‘‘: ۳۹۹۷ (انظر: ۱۹۷۸۴)

فوائد:… ’’اَیِّم‘‘ اس خاتون کو کہتے ہیں، جس کا فی الحال خاوند نہ ہو، وہ بیوہ ہو یا کنواری۔ یہ نبی کریمa کے فرمودات کا پاس و لحاظ رکھنے کے فیوض اور برکات ہیں۔

(۶۸۵۹) تخریج: أخرجہ البخاری: ۵۱۲۹، ۴۰۰۵، ۵۱۲۲ (انظر: ۷۴)

فوائد:… کتنی بڑی بات ہے کہ سیدنا عمر b نے سیدنا عثمان b اورسیدنا ابو بکر b کو عظیم سمجھ کر ان پر اپنی بیٹی پیش کی، لیکن ان کو کیا پتہ ہے کہ ان کی بیٹی ام المومنین بننے والی ہے، یہ سب شریعت کا پاس و لحاظ کرنے کی برکتیں ہیں۔ غور کریں کہ سیدنا ابو بکر b نے کس انداز میں رسول اللہ a کے راز کی حفاظت کی، وہ کس قدر گہرائی سے آپ a کی شان و عظمت کو سمجھتے تھے۔

(۶۸۶۰) تخریج: أخرجہ البخاری: ۵۱۲۰، ۶۱۱۲۳ (انظر: ۱۳۸۳۵)

فوائد:… سبحان اللہ! اس خاتون نے اپنی ذات کے لیے محمد رسول اللہ a جیسی عظیم ہستی کا انتخاب کیا۔ اس باب کا خلاصہ یہ ہے کہ کسی کو لڑکی درکار ہو یا لڑکا، ہر ایک کی ترجیح دینداری ہونی چاہیے۔