سوال نہ کرنے پر بیعت کرنا - سوال نہ کرنے پر بیعت کرنا - زکوۃ کی ادائیگی کے متعلق ابواب - Musnad Ahmad with Urdu and English Translation

(۳۵۳۷) تخر یـج: اسنادہ ضعیف، ابو الیمان و ابو المثنی فی عداد المجھولین، لکن تشھد لھاتین الجملتین احادیث اخری:’’اَنْ لا اَخَافَ فِی اللّٰہِ لَوْمَۃَ لَائِمٍ‘‘ و ’’اَنْ لَّاتَسْاَلِ النَّاسَ شَیْئًا‘‘ (انظر: ۲۱۵۰۹)

(۳۵۳۸) تخر یـج: اخرجہ مسلم: ۱۰۴۳(انظر: ۲۳۹۹۳)

فوائد:… صحیح مسلم کی روایت میں درج ذیل وضاحت موجود ہے: سیدنا عوف ‌رضی ‌اللہ ‌عنہ ‌کہتے ہیں: ہم نے آپ ‌صلی ‌اللہ ‌علیہ ‌وآلہ ‌وسلم کی نئی نئی بیعت کی تھے، اس لیے جب آپ ‌صلی ‌اللہ ‌علیہ ‌وآلہ ‌وسلم نے بیعت کا مطالبہ کیا تو ہم نے کہا: اے اللہ کے رسول! ہم آپ کی بیعت کر چکے ہیں، آپ ‌صلی ‌اللہ ‌علیہ ‌وآلہ ‌وسلم نے پھر فرمایا: ’’کیا تم اللہ کے رسول کی بیعت نہیں کرو گے؟‘‘ آپ ‌صلی ‌اللہ ‌علیہ ‌وآلہ ‌وسلم نے تین دفعہ ایسے فرمایا اور صحابۂ کرام بھی آگے سے یہی بات کہتے رہے کہ ہم تو آپ کی بیعت کر چکے ہیں۔آخری مرتبہ انھوں نے کہا: اے اللہ کے رسول! ایک دفعہ تو ہم آپ کی بیعت کر چکے ہیں، اب ہم کس چیز پر بیعت کریں؟ آپ ‌صلی ‌اللہ ‌علیہ ‌وآلہ ‌وسلم نے فرمایا: ’’یہبیعت کرو کہ تم اللہ تعالیٰ کی عبادت کرو گے، اس کے ساتھ کسی کو شریک نہیں ٹھہراؤ گے اور پانچ نمازیں ادا کرو گے اور اطاعت کرو گے۔‘‘ پھر آپ ‌صلی ‌اللہ ‌علیہ ‌وآلہ ‌وسلم نے پست آواز میں یہ جملہ بھی ارشاد فرمایا: ’’اور تم لوگوں سے کسی چیز کا سوال نہیں کرو گے۔‘‘ میں نے دیکھا کہ اگر ان لوگوں سے سواری کے اوپر سے چھڑی گر جاتی، تو وہ کسی سے یہ مطالبہ بھی نہیں کرتے تھے کہ وہ ان کو اٹھاکر دے دے۔

(۳۵۳۹) تخر یـج: حدیث صحیح۔ اخرجہ ابن ماجہ: ۱۸۳۷، والنسائی: ۵/ ۹۶، (انظر: ۲۲۳۸۵)

فوائد:… ہمیں اندازہ کر لینا کہ ہمارے مذہب کے نزدیک ہماری عزت اور غیرت کس قدر قیمتی چیز ہے کہ اس کا ہلکا سا متأثر ہونا بھی ہماری شریعت کو گوارا نہیں ہے، جو لوگ شریعت کے اس قانون کے بارے میں محتاط نہیں رہتے، معاشرے میں ان کی قدر گھٹ جاتی ہے، بلکہ وہ خود عزت ِ نفس میں کمی ہوتی ہوئی محسوس کرتے ہیں۔ ہمیں اس بارے میں اپنے ضمیر کے ساتھ یہ پکا فیصلہ کرنا چاہیے کہ اللہ تعالیٰ کی توفیق سے کسی شخص سے کوئی مطالبہ نہیں کرنا اور کسی بشر سے کوئی حرص اور لالچ وابستہ نہیں رکھنی، زندگی کا مزہ بھی آئے گا اور اللہ تعالیٰ خیر و برکت بھی عطا کرے گا۔