صفا مروہ کی سعی - صفا مروہ کی سعی - حج افراد، حج قران اور حج تمتع کرنے والے کے طواف کا بیان - Musnad Ahmad with Urdu and English Translation

(۴۳۹۱) تخریج: حسن بطرقہ وشاھدہ۔ أخرجہ الشافعی فی ’’المسند‘‘: ۱/ ۳۵۱، والطبرانی فی ’’الکبیر‘‘: ۲۴/ ۵۷۳، والدارقطنی فی ’’السنن‘‘: ۲/ ۲۵۶، والبیھقی: ۵/ ۹۸ (انظر: ۲۷۳۶۷)

(۴۳۹۲) تخریج: انظر الحدیث بالطریق الاول

فوائد:… اس باب کی احادیث سے معلوم ہوا کہ حج و عمرہ میں سعی کرنا فرض ہے اور یہ رکن ہے، اس کے بغیر حج و عمرہ کی تکمیل نہیں ہو گی اور کسی قربانی وغیرہ سے اس کی تلافی نہیں ہو گی، سیدہ عائشہ ‌رضی ‌اللہ ‌عنہا ، امام مالک، امام اسحاق اور ایک روایت کے مطابق امام احمد کا یہی مسلک تھا۔

(۴۳۹۳) تخریج: أخرجہ مسلم: ۱۲۱۸(انظر: ۱۵۱۷۰)

فوائد:… صحیح مسلم کی روایت کے الفاظ اس طرح ہیں: پھر آپ ‌صلی ‌اللہ ‌علیہ ‌وآلہ ‌وسلم صفا کی طرف نکلے اور یہ آیت تلاوت کی: {اِنَّ الصَّفَا وَالْمَرْوَۃَ مِنْ شَعَائِرِ اللّٰہِ} … ’’بیشک صفا اور مروہ اللہ تعالی کی نشانیوں میں سے ہیں۔‘‘ اور پھر فرمایا: ’’ہم بھی اس (پہاڑی) سے آغاز کریں گے، جس سے اللہ تعالی نے ابتداء کی۔‘‘ پھر آپ ‌صلی ‌اللہ ‌علیہ ‌وآلہ ‌وسلم صفا پر چڑھ گئے۔ چونکہ اللہ تعالی نے آیت میں پہلے صفا پہاڑی کا ذکر کیا، اس لیے آپ ‌صلی ‌اللہ ‌علیہ ‌وآلہ ‌وسلم نے بھی صفا سے سعی کی ابتدا کی۔